ಬೆಂಗಳೂರು: ಕೊರೊನಾ ಸೋಂಕಿನ ಸಂಖ್ಯೆಗಳನ್ನು ಗಮನಿಸಿದಾಗ ಸಾವು-ನೋವುಗಳಿಗೆ ಕೊರೊನಾ ಮತ್ತೊಮ್ಮೆ ಸೈಲೆಂಟಾಗಿ ಮುನ್ನುಡಿ ಬರೀತಿದ್ಯಾ ಅನ್ನೋ ಅನುಮಾನ ಕಾಡತೊಡಗಿದೆ. ದೇಶದಲ್ಲಿ ಒಂದು ಕಡೆ ಕೊರೊನಾ ಮರಣ ಪ್ರಮಾಣ ಜಾಸ್ತಿಯಾಗ್ತಿದ್ರೆ, ಮತ್ತೊಂದೆಡೆ ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಪ್ರಮಾಣ ಹೆಚ್ಚುತ್ತಿದೆ. ಕರ್ನಾಟಕದಲ್ಲೂ ಭಾರೀ ಸಂಖ್ಯೆಯಲ್ಲಿ ಕೊರೊನಾ ಸೋಂಕು ಹೆಚ್ಚತ್ತಿದೆ. ಈ ಹಿನ್ನೆಲೆ ಶುಕ್ರವಾರ ಸರಕಾರ ಹೊಸ ಮಾರ್ಗಸೂಚಿ ತಂದಿದೆ. ಇನ್ನು ಕೊರೊನಾ ಎರಡನೇ ಅಲೆ ದೇಶದಲ್ಲಿ ಆತಂಕಕಾರಿ ಪರಿಸ್ಥಿತಿ ನಿರ್ಮಿಸುವ ಸಾಧ್ಯತೆ ಇತ್ತೀಚಿನ ಅಂಕಿ ಅಂಶಗಳ ಮೂಲಕ ಗೋಚರಿಸುತ್ತಿದೆ. ಈಗಾಗಲೇ ಕೇಂದ್ರ ಸರಕಾರವು 11 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳನ್ನು ಗಂಭೀರ ಕಾಳಜಿಯ ರಾಜ್ಯಗಳೆಂದು ಪರಿಗಣಿಸಿದೆ. ಹೆಚ್ಚಿನ ಕಟ್ಟು ನಿಟ್ಟಿನ ಕ್ರಮಗಳನ್ನು ಕೈಗೊಳ್ಳುವಂತೆ ಸೂಚನೆ ನೀಡಲಾಗಿದೆ. ಈ ಮಧ್ಯೆ ಟ್ವಿಟ್ಟರ್ನಲ್ಲೂ ಸೇರಿ, ದೇಶದಲ್ಲಿ ಯಾವ ಕಾರಣಕ್ಕೆ ಕೊರೊನಾ ಜಾಸ್ತಿಯಾಗಿ ಹರಡುತ್ತಿದೆ ಎಂಬ ಚರ್ಚೆ ಆರಂಭವಾಗಿದೆ. ಈ ಚರ್ಚೆಗೆ ಕರ್ನಾಟಕ ಕೇಡರ್ನ ಐಎಎಸ್ ಅಧಿಕಾರಿ ಸುಭೋದ್ ಯಾದವ್ ಹೊಸ ಮುನ್ನುಡಿ ಬರೆದಿದ್ದು, ಯಾವ ಕಾರಣಕ್ಕೆ ಕರ್ನಾಟಕದಲ್ಲಿ ಕೊರೊನಾ ಉಲ್ಬಣ ಗೊಳ್ಳುತ್ತಿದೆ? ಎಂದು ನೆಟ್ಟಿಗರಲ್ಲಿ ಪ್ರಶ್ನೆಯನ್ನು ಕೇಳಿದ್ದಾರೆ. ಇದಕ್ಕೆ ಯಾವುದಾದರೂ ಸಲಹೆ ಇದ್ಯಾ? ಅದನ್ನು ನೀಡಿ ಎಂದಿದ್ದಾರೆ. ಇದಕ್ಕೆ ಅನೇಕ ಕರುನಾಡಿನ ಜನರು ಪ್ರತಿಕ್ರಿಯಿಸಿದ್ದಾರೆ. ಬೆಂಗಳೂರು ಹಾಗೂ ಕರ್ನಾಟಕದಲ್ಲಿ ಕೊರೊನಾ ಹರಡಲು ಕಾರಣವೇನು ಎಂದು ತಿಳಿಸಿದ್ದಾರೆ. ರಾಜ್ಯದಲ್ಲಿ ಕೊರೊನಾ ಉಲ್ಬಣಕ್ಕೆ ನೆಟ್ಟಿಗರು ಹೇಳಿದ ಕಾರಣಗಳೇನು?
- ಕೊರೊನಾ ಸಂಬಂಧ ಆಡಳಿತಾತ್ಮಕ ದೃಷ್ಟಿಕೋನದಿಂದ ನೀಡುತ್ತಿರುವ ಸೂಚನೆಗಳಲ್ಲಿ ಸ್ಪಷ್ಟತೆ ಇಲ್ಲದೆ ಇರುವುದು
- ಸೂಚನೆಗಳನ್ನು ಕೇಂದ್ರ ಹಾಗೂ ರಾಜ್ಯ ಸರಕಾರಗಳು ನೀಡಿದರು ಅದು ಸರಿಯಾದ ರೀತಿಯಲ್ಲಿ ಅನುಷ್ಠಾನವಾಗದೆ ಇರುವುದು
- ಕೊರೊನಾ ಸಂಬಂಧ ಅನುಚಿತ ಸಂಪನ್ಮೂಲಗಳ ಹಂಚಿಕೆ
- ಸಾರ್ವಜನಿಕ ಸಭೆಗಳಲ್ಲಿ ಯಾವುದೇ ಸಾಮಾಜಿಕ ಅಂತರ ಪಾಲನೆಯಾಗದೆ ಇರುವುದು
- ಸಾರ್ವಜನಿಕವಾಗಿ ಜನಸಂದಣಿ ಮತ್ತು ಜನರ ಜಮಾವಣೆ ಬಗ್ಗೆ ಸರ್ಕಾರ ಹೆಚ್ಚು ತಲೆಕೆಡಿಸಿಕೊಳ್ಳದೆ ಇರುವುದು
- ಜನರು ಮಾಸ್ಕ್ಗಳನ್ನು ಧರಿಸದೆ, ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ನಿರ್ಲಕ್ಷ್ಯ
- ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆ ಜನರು ಹಾಗೂ ಸರಕಾರದ ಅಜ್ಞಾನ / ನಿರ್ಲಕ್ಷ್ಯವೇ ಕಾರಣ
- ಎಲ್ಲ ವಯಸ್ಸಿನವರಿಗೂ ಕೊರೊನಾ ಲಸಿಕೆ ನೀಡದೆ ಇರುವುದೇ ಇದಕ್ಕೆ ಕಾರಣ
- ಚುನಾವಣೆ ಪ್ರಚಾರ, ಸಿನಿಮಾ ಪ್ರಚಾರ, ಹಬ್ಬ ಹರಿದಿನಗಳು, ಜಾತ್ರೆಗಳಲ್ಲಿನ ಜನ ಸಂದಣಿಯೇ ಕಾರಣ
- ಸರಕಾರ ಯಾವುದೇ ರೀತಿಯ ಕಠಿಣ ಕ್ರಮಗಳನ್ನು ಕೈಗೊಳ್ಳದೆ ಇರುವುದು
- ಸಣ್ಣ ಪ್ರಮಾಣದ ಲಾಕ್ಡೌನ್ನಂತಹ ನಿಮಯಗಳನ್ನು ಕೈಗೊಳ್ಳಬೇಕಿದೆ
- ಮತ್ತೆ ಕಚೇರಿಗಳು ಮುಚ್ಚಬೇಕು, ಸಂಪೂರ್ಣ ವರ್ಕ್ ಫ್ರಮ್ ಹೋಮ್ ಇರಬೇಕು
- ಅಂತರ ಜಿಲ್ಲಾ ಗಡಿಗಳಲ್ಲಿ ತಪಾಸಣೆಯನ್ನು ಬಹಳ ಗಂಭೀರವಾಗಿ ಪರಿಗಣಿಸಬೇಕು
from India & World News in Kannada | VK Polls https://ift.tt/3cMXvhm
