ಮುಂಬಯಿ: ಸಂಸ್ಥಾಪಕ ರಾಧಾಕೃಷ್ಣನ್ ದಮಾನಿ ಅವರು, ಮುಂಬಯಿನ ಮಲಬಾರ್ ಹಿಲ್ಸ್ನಲ್ಲಿ 1,001 ಕೋಟಿ ರೂ. ಮೌಲ್ಯದ ಬಂಗಲೆಯನ್ನು ಖರೀದಿಸಿದ್ದಾರೆ. 575.22 ಚ.ಅಡಿಯ ಮನೆಯನ್ನು ದಮಾನಿ ಮತ್ತು ಅವರ ಸಹೋದರ ಗೋಪಿ ಕೃಷ್ಣನ್ ಖರೀದಿಸಿದ್ದಾರೆ. ಮಾ.31-ರಂದು ಆಸ್ತಿ ಖರೀದಿಸಿದ್ದು, ಸ್ಟಾಂಪ್ ಡ್ಯೂಟಿಯಾಗಿ 30 ಕೋಟಿ ರೂ.ಗಳನ್ನು ಪಾವತಿಸಿದ್ದಾರೆ. ಮಲಬಾರ್ ಹಿಲ್ಸ್ನಲ್ಲಿನ ಅಪಾರ್ಟ್ಮೆಂಟ್ಗಳಿಗೆ ದರ ಚ.ಅಡಿಗೆ 70,000ದಿಂದ 80,000 ರೂ. ಇದೆ. ಫೋರ್ಬ್ಸ್ ಇಂಡಿಯಾದ ದೊಡ್ಡ ಶ್ರೀಮಂತರ ಪಟ್ಟಿಯಲ್ಲಿ ದಮಾನಿ ಇದ್ದು, ಅವರು ದೇಶದಲ್ಲಿನ ನಾಲ್ಕನೇ ದೊಡ್ಡ ಶ್ರೀಮಂತರು. 15.4 ಶತಕೋಟಿ ಡಾಲರ್(ಸುಮಾರು 1.10 ಲಕ್ಷ ಕೋಟಿ ರೂ.) ಸಂಪತ್ತನ್ನು ಹೊಂದಿದ್ದಾರೆ. ಸಿಂಗಲ್ ರೂಮ್ನಿಂದ ವೃತ್ತಿ ಬದುಕಿನ ಆರಂಭದ ದಿನಗಳಲ್ಲಿ ಮುಂಬಯಿನ ಒಂದು ಕೋಣೆಯ ಬಾಡಿಗೆ ಅಪಾರ್ಟ್ಮೆಂಟ್ನಲ್ಲಿದ್ದ ದಮಾನಿ, ಈಗ ಸಾವಿರಾರು ಕೋಟಿ ರೂ.ಗಳ ಬಂಗಲೆಯ ಮಾಲೀಕರು. ತಮ್ಮದೇ ಆದ ಮಾರುಕಟ್ಟೆ ಸರಪಳಿ ಡಿಮಾರ್ಟ್ ಮೂಲಕ ಬೃಹತ್ ಉದ್ಯಮಿಯಾಗಿ ಬೆಳೆದಿದ್ದಾರೆ.
from India & World News in Kannada | VK Polls https://ift.tt/3mhU992
