ಕರಾಚಿ: ಭಾನುವಾರದ ಮತ್ತು ಭಾರತ ನಡುವಣ ಪಂದ್ಯದಲ್ಲಿ ಭಾರತ 31 ರನ್‌ಗಳಿಂದ ಸೋಲು ಅನುಭವಿಸಿದೆ. ಆದರೆ ಸ್ವತಃ ಕೂಡ ಸೋಲಿಗೆ ಬೇಸರ ಪಟ್ಟುಕೊಳ್ಳದೆ, ಮಂಗಳವಾರದ ಬಾಂಗ್ಲಾ ಎದುರಿನ ಪಂದ್ಯಕ್ಕೆ ಅಣಿಯಾಗಿದೆ. ಭಾರತ ಇಂಗ್ಲೆಂಡ್ ಎದುರು ಸೋತಿದ್ದು ಮಾತ್ರ ಪಾಕಿಸ್ತಾನಕ್ಕೆ ನುಂಗಲಾರದ ತುತ್ತಾಗಿದೆ. ಇಂಗ್ಲೆಂಡ್ ವಿರುದ್ಧ ಭಾರತ ಸೋತಿದ್ದರಿಂದ, ಪಾಕಿಸ್ತಾನ ಟೂರ್ನಿಯಲ್ಲಿ ಬಹುತೇಕ ಹೊರಗೆ ಕಾಲಿರಿಸಿದೆ. ಭಾರತ ಗೆದ್ದಿದ್ದರೆ, ಪಾಕಿಸ್ತಾನ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆಯಬಹುದಿತ್ತು. ಮತ್ತೊಂದೆಡೆ ಪಾಕಿಸ್ತಾನ ಮಾಜಿ ಆಟಗಾರರು, ಭಾರತದ ಆಟ ಕುರಿತು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದು ನೈಜವಾದ ಕ್ರಿಕೆಟ್ ಅಲ್ಲ, ಅದರ ಬದಲು ಇಂತಹ ಬೆಸ್ಟ್ ಪಂದ್ಯವೊಂದರಲ್ಲಿ ಭಾರತ ಇನ್ನೂ ಚೆನ್ನಾಗಿ ಆಡಬೇಕಿತ್ತು ಎಂದು ಪಾಕಿಸ್ತಾನದ ಹಲವು ಮಾಜಿ ಕ್ರಿಕೆಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಪಾಕಿಸ್ತಾನ ತಂಡದ ಮಾಜಿ ಸದಸ್ಯ ಬಸಿತ್‌ ಅಲಿ, ಟೀಮ್‌ ಇಂಡಿಯಾದ ಆಟಗಾರರು ಫಾರ್ಮ್‌ನಲ್ಲಿದ್ದೇವೆ ಎಂದು ತೋರಿಸುವ ಉದ್ದೇಶದಿಂದ ಆಟವಾಡಿದ್ದಾರೆ. ರೋಹಿತ್‌ ಶರ್ಮಾ ಸೇರಿದಂತೆ ಯಾರೂ ಗೆಲ್ಲುವ ಉದ್ದೇಶದಿಂದ ವೇಗದ ಆಟದ ಮೊರೆ ಹೋಗಲಿಲ್ಲ ಎಂದು ಆರೋಪಿಸಿದ್ದಾರೆ. ಭಾರತ ತಂಡ ಈ ಪಂದ್ಯದಲ್ಲಿ ಕ್ರೀಡಾಸ್ಫೂರ್ತಿಯನ್ನೇ ಮರೆತಿತ್ತು. ಪಾಕಿಸ್ತಾನ ಸೆಮಿಫೈನಲ್‌ಗೆ ಬರುತ್ತದೋ ಇಲ್ಲವೋ ಎನ್ನುವುದು ಎರಡನೆಯ ಮಾತು. ಆದರೆ, ನೈಜ ಕ್ರಿಕೆಟ್ ಆಡಲು ಅವರು ವಿಫಲರಾದರು ಎಂದು ಪಾಕಿಸ್ತಾನದ ಮಾಜಿ ವೇಗಿ ವಕಾರ್‌ ಯೂನಿಸ್‌ ತಮ್ಮ ಟ್ವಿಟರ್‌ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ. ಶೋಯಿಬ್ ಅಖ್ತರ್ ಕೂಡ ಟ್ವೀಟ್ ಮಾಡಿದ್ದು, ಭಾರತ ನಿರಾಸದಾಯಕ ಆಟ ಪ್ರದರ್ಶಿಸಿತ್ತು. ಇನ್ನಷ್ಟು ಉತ್ತಮವಾಗಿ ಆಡಬಹುದಿತ್ತು ಎಂದು ಹೇಳಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2XDJxHH
