ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್ನಲ್ಲಿ ಸೆಮಿಫೈನಲ್ ರೇಸ್ನಿಂದ ಬಹುತೇಕ ಹೊರಬಿದ್ದಿದೆ. ಆಸ್ಪ್ರೇಲಿಯಾ, ಭಾರತ, ಇಂಗ್ಲೆಂಡ್ ತಂಡಗಳು ಸೆಮಿಫೈನಲ್ಸ್ ಪ್ರವೇಶಿಸಿದ್ದು, ಇನ್ನೊಂದು ಸ್ಥಾನಕ್ಕಾಗಿ ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ನಡುವೆ ಸ್ಪರ್ಧೆ ಏರ್ಪಟ್ಟಿದೆ. ಆದರೆ ಇಂಗ್ಲೆಂಡ್ ವಿರುದ್ಧದ ಪಂದ್ಯ ಸೋಲಿನ ಹೊರತಾಗಿಯೂ ಪಾಕಿಸ್ತಾನ ಸೆಮಿಫೈನಲ್ ಪ್ರವೇಶ ಸಾಧ್ಯತೆ ಕಠಿಣವೆನಿಸಿದೆ. ಪಾಕಿಸ್ತಾನಗಿಂತಲೂ ಉತ್ತಮ ರನ್ ರೇಟ್ ಕಾಯ್ದುಕೊಂಡಿರುವುದು ಪಾಲಿಗೆ ವರದಾನವಾಗಿ ಪರಿಣಮಿಸಿದೆ. ಸದ್ಯ 9 ಪಂದ್ಯಗಳನ್ನು ಆಡಿರುವ ಕಿವೀಸ್ 11 ಅಂಕ ಗಳಿಸಿದೆ. ಇನ್ನೊಂದೆಡೆ 9 ಅಂಕ ಹೊಂದಿರುವ ಕೊನೆಯ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಆಡಲಿದೆ. ಬಾಂಗ್ಲಾ ವಿರುದ್ಧ ಗೆದ್ದರೆ ಪಾಕಿಸ್ತಾನ ಸಹ ಅಷ್ಟೇ ಅಂಕಗಳನ್ನು ಪಡೆಯಲಿದೆ. ನ್ಯೂಜಿಲೆಂಡ್ ಕೂಡ ಸದ್ಯ 11 ಅಂಕ ಹೊಂದಿರುವುದರಿಂದ ಸೆಮಿಫೈನಲ್ಸ್ ಪ್ರವೇಶಕ್ಕೆ ನೆಟ್ರನ್ರೇಟ್ ಗಣನೆಗೆ ಬರಲಿದೆ. ಪ್ರಸ್ತುತ ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ಅನುಕ್ರಮವಾಗಿ +0.175 ಮತ್ತು -0.792 ನೆಟ್ರನ್ರೇಟ್ ಹೊಂದಿವೆ. ಸದ್ಯದ ಲೆಕ್ಕಾಚಾರದ ಪ್ರಕಾರ, ಪಾಕ್ ತಂಡ ಇನ್ನು 4ರ ಘಟ್ಟ ಪ್ರವೇಶಿಸಬೇಕಾದರೆ ಬಾಂಗ್ಲಾ ತಂಡವನ್ನು 316 ರನ್ಗಳ ಅಂತರದಿಂದ ಸೋಲಿಸಬೇಕು. ಉದಾಹರಣೆಗೆ, ಪಾಕಿಸ್ತಾನ ತಂಡ ಮೊದಲು ಬ್ಯಾಟ್ ಮಾಡಿ 400 ರನ್ ಪೇರಿಸಿದ್ದೇ ಆದಲ್ಲಿ, ಆ ಬಳಿಕ ಬಾಂಗ್ಲಾ ತಂಡವನ್ನು 84 ಅಥವಾ ಅದಕ್ಕಿಂತ ಕಡಿಮೆ ರನ್ಗಳಿಗೆ ಆಲೌಟ್ ಮಾಡಬೇಕಾಗುತ್ತದೆ. ಇನ್ನೊಂದು ವೇಳೆ ಬಾಂಗ್ಲಾದೇಶ ಮೊದಲು ಬ್ಯಾಟಿಂಗ್ ನಡೆಸಿದರೆ ಪಾಕಿಸ್ತಾನ ಟೂರ್ನಿಯಿಂದಲೇ ಹೊರಬೀಳಲಿದೆ. ಹಾಗಾಗಿ ಟಾಸ್ ಕೂಡಾ ಅತ್ಯಂತ ನಿರ್ಣಾಯಕವೆನಿಸಿದೆ. ಒಟ್ಟಿನಲ್ಲಿ 1992ರ ವಿಶ್ವಕಪ್ಗೆ ಅನೇಕ ಸಾಮತ್ಯೆಗಳನ್ನು ಕಂಡರೂ ಈ ಬಾರಿ ಪಾಕಿಸ್ತಾನ ಸೆಮೀಸ್ ಕನಸು ನನಸಾಗುವುದು ಕಠಿಣವೆನಿಸಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2LyzEVj
