ಲೀಡ್ಸ್: ಯೂನಿವರ್ಸ್ ಬಾಸ್ ಖ್ಯಾತಿಯ ವೆಸ್ಟ್ಇಂಡೀಸ್ನ ಸ್ಫೋಟಕ ಬ್ಯಾಟ್ಸ್ಮನ್ , ತಮ್ಮ ಕೊನೆಯ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ್ದಾರೆ. ಐಸಿಸಿ 2019 ಏಕದಿನ ವಿಶ್ವಕಪ್ನಲ್ಲಿ ಅಫಘಾನಿಸ್ತಾನ ವಿರುದ್ಧ ನಡೆಯುತ್ತಿರುವ ಕೊನೆಯ ಪಂದ್ಯದಲ್ಲಿ ಟಾಸ್ ಗೆದ್ದ ವೆಸ್ಟ್ಇಂಡೀಸ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತ್ತು. ಇದರಂತೆ ಕ್ರಿಸ್ ಗೇಲ್ ಕೊನೆಯ ಬಾರಿಗೆ ಕ್ರೀಸಿಗಿಳಿದಿದ್ದರು. 18 ಎಸೆತಗಳನ್ನು ಮಾತ್ರ ಎದುರಿಸಿರುವ ಗೇಲ್ ಒಂದು ಬೌಂಡರಿ ನೆರವಿನಿಂದ 7 ರನ್ ಮಾತ್ರ ಗಳಿಸುವಲ್ಲಿ ಯಶಸ್ವಿಯಾಗಿದ್ದರು. ಬಳಿಕ ದೌಲತ್ ಝದ್ರಾನ್ ದಾಳಿಯಲ್ಲಿ ಇಕ್ರಾಂ ಅಲಿ ಖಿಲ್ಗೆ ಕ್ಯಾಚಿತ್ತು ಮರಳಿದರು. ಇದರೊಂದಿಗೆ ಬ್ರ್ಯಾನ್ ಲಾರಾ ದಾಖಲೆ ಮುರಿಯಲು ಮತ್ತಷ್ಟು ಸಮಯ ಕಾಯಬೇಕಿದೆ. ಏಕದಿನದಲ್ಲಿ ಲಾರಾ 10348 ರನ್ ಪೇರಿಸಿದ್ದಾರೆ. ಗೇಲ್ ಇದುವರೆಗೆ 10338 ರನ್ ಗಳಿಸಿದ್ದಾರೆ. 39ರ ಹರೆಯದ ಗೇಲ್ ಮುಂಬರುವ ತವರಿನಲ್ಲಿ ನಡೆಯಲಿರುವ ಭಾರತ ಸರಣಿಯ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸುವ ಸಾಧ್ಯತೆಯಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2FRQ0EJ
