ಬರ್ಮಿಂಗ್ಹ್ಯಾಮ್: ಐಸಿಸಿ ಶ್ರೇಯಾಂಕ ಪ್ರಕಾರ ಭಾರತದ ಕಪ್ತಾನ ವಿಶ್ವಕ್ಕೆ ಅಗ್ರಸ್ಥಾನ ಪಡೆದಿದ್ದಾರೆ. ಕ್ರಿಕೆಟ್ ಪಂಡಿತರು ಹಾಗೂ ಅಭಿಮಾನಿಗಳ ಪ್ರಕಾರವೂ ಕೊಹ್ಲಿಯೇ ನಂ.1 ಆಗಿದ್ದಾರೆ. ಆದರೆ ಸ್ವತ: ವಿರಾಟ್ ಕೊಹ್ಲಿ ಮಾತ್ರ ಇದನ್ನು ಒಪ್ಪಲು ಮುಂದಾಗಲಿಲ್ಲ. ಅಲ್ಲದೆ ತಮ್ಮ ಸಹ ಆಟಗಾರ ಉಪ ನಾಯಕ ಅವರಿಗೆ ವಿಶ್ವದ ಶ್ರೇಷ್ಠ ಏಕದಿನ ಬ್ಯಾಟ್ಸ್ಮನ್ ಪಟ್ಟ ನೀಡಿದ್ದಾರೆ. ಬಾಂಗ್ಲಾದೇಶ ವಿರುದ್ಧ ಗೆಲುವು ದಾಖಲಿಸಿದ ಟೀಮ್ ಇಂಡಿಯಾ ಸೆಮಿಫೈನಲ್ ಸ್ಥಾನವನ್ನು ಖಚಿತಪಡಿಸಿದ ಬೆನ್ನಲ್ಲೇ ಕೊಹ್ಲಿ ಇಂತಹದೊಂದು ಮಾತುಗಳನ್ನಾಡಿದ್ದಾರೆ. 2019ನೇ ಏಕದಿನ ವಿಶ್ವಕಪ್ನಲ್ಲಿ ನಾಲ್ಕು ಶತಕಗಳನ್ನು ಸಿಡಿಸಿದ ಮೊತ್ತ ಮೊದಲ ಭಾರತೀಯ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೆ ರೋಹಿತ್ ಪಾತ್ರವಾಗಿದ್ದಾರೆ. ಈ ಮೂಲಕ ವಿಶ್ವಕಪ್ ಆವೃತ್ತಿಯೊಂದರಲ್ಲೇ 500ಕ್ಕೂ ಹೆಚ್ಚು ರನ್ಗಳ ಸಾಧನೆ ಮಾಡಿದ್ದಾರೆ. ನನ್ನ ಪ್ರಕಾರ ರೋಹಿತ್ ಬೆಸ್ಟ್ ಏಕದಿನ ಬ್ಯಾಟ್ಸ್ಮನ್ ಆಗಿದ್ದು, ತಮ್ಮ ಜೀವಮಾನದಲ್ಲೇ ಶ್ರೇಷ್ಠ ಟೂರ್ನಿಯನ್ನು ಅನುಭವಿಸುತ್ತಿದ್ದಾರೆ. ರೋಹಿತ್ ಅತ್ಯುತ್ತಮವಾಗಿ ಆಡಿದಾಗ ಎಲ್ಲರೂ ಆತ್ಮವಿಶ್ವಾಸವನ್ನು ವೃದ್ಧಿಸಿಕೊಳ್ಳುತ್ತಾರೆ ಎಂದರು. ಕಳೆದ ಹಲವಾರು ವರ್ಷಗಳಿಂದ ರೋಹಿತ್ ಬ್ಯಾಟಿಂಗ್ ಸೊಗಸನ್ನು ನೋಡುತ್ತಲೇ ಬಂದಿದ್ದೇನೆ. ಅವರ ಆಟವನ್ನು ನೋಡುವುದೇ ಖುಷಿ. ರೋಹಿತ್ ಅತ್ಯುತ್ತಮವಾಗಿ ಆಡಿದಾಗ ತಂಡವು ಬೃಹತ್ ಮೊತ್ತದತ್ತ ಸಾಗುತ್ತದೆ. ಇದು ಸಹ ಆಟಗಾರರ ಆತ್ಮವಿಶ್ವಾಸವನ್ನು ವೃದ್ಧಿಸುತ್ತದೆ ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/323g9db
