: ಕಾಣೆಯಾದ ವ್ಯಕ್ತಿಯ ಸಿಕ್ಕಾಗ ಸಾಮಾನ್ಯವಾಗಿ ಆತನ ಬಂಧು ಬಳಗ, ಸ್ನೇಹಿತರು ಖುಷಿ ಪಡುತ್ತಾರೆ. ಆದರೆ ಈ ಪ್ರಕರಣದಲ್ಲಿ ಹಾಗಾಗಿಲ್ಲ. ಕಾಣೆಯಾದ ವ್ಯಕ್ತಿ ಮಾಹಿತಿ ಪಡೆದು ಎಳೆದು ಮನೆಗೆ ಕರೆ ತರಲಾಗಿದೆ. ಕಾರಣವನೆಂದರೆ ಆತ ತನ್ನ ಪತ್ನಿ ಮತ್ತು ಇಬ್ಬರು ಮಕ್ಕಳನ್ನು ಬಿಟ್ಟು ಮನೆ ಬಿಟ್ಟು ಪರಾರಿಯಾಗಿದ್ದ. 2016ರಿಂದ ನಾಪತ್ತೆಯಾಗಿದ್ದ ಈತನೀಗ ಟಿಕ್ ಟಿಕ್ ವೀಡಿಯೋ ಮೂಲಕ ಪತ್ತೆಯಾಗಿದ್ದಾನೆ. ನಡೆದಿದ್ದೇನು? ಕೃಷ್ಣಗಿರಿ ನಿವಾಸಿ ಸುರೇಶ್ , ವಿಲ್ಲುಪುರಂನ ಜಯಪ್ರದಾ ಎಂಬುವವಳ ಜತೆ ಮದುವೆಯಾಗಿದ್ದು , ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. 2016ರಲ್ಲಿ ಒಂದು ದಿನ ಮನೆಯಿಂದ ಹೊರಗೆ ಹೋಗಿದ್ದ ಆತ ಮರಳಿಯೇ ಇರಲಿಲ್ಲ. ಹುಡುಕಾಡಿ ಸುಸ್ತಾದ ಪತ್ನಿ ಬಳಿಕ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಳು. ಆತನೇನಾದ ಎಂದು ಎಲ್ಲರೂ ಚಿಂತಿತರಾಗಿದ್ದಾರೆ.ಇಂದು ಬರುತ್ತಾನೆ, ನಾಳೆ ಬರುತ್ತಾನೆ ಎಂದು ಪತ್ನಿ ಕಾದಿದ್ದಳು. ಇತ್ತೀಚಿಗೆ ಜಯಪ್ರದಾ ಸಂಬಂಧಿಕರೊಬ್ಬರು ಮೊಬೈಲ್ನಲ್ಲಿ ಟಿಕ್ ಟಾಕ್ ವೀಡಿಯೋವೊಂದನ್ನು ನೋಡುತ್ತಿದ್ದಾಗ ಅದರಲ್ಲಿ ಸುರೇಶ್ನನ್ನು ಹೋಲುವ ವ್ಯಕ್ತಿ ಕಂಡಿದ್ದಾನೆ. ಅದನ್ನಾತನ ಪತ್ನಿಗೆ ತೋರಿಸಿದಾಗ ಆಕೆ ಆತನೇ ಎಂದು ಗುರುತಿಸಿದ್ದಾಳೆ. ಪೊಲೀಸರಿಗೆ ಈ ಕುರಿತು ಮಾಹಿತಿ ಒದಗಿಸಿದಾಗ ಹೊಸೂರಿನಲ್ಲಿ ಆತನನ್ನು ಪತ್ತೆ ಹಚ್ಚಿದ್ದಾರೆ. ಕೌಟುಂಬಿಕ ಸಮಸ್ಯೆಯಿಂದ ಬೇಸತ್ತು ಸುರೇಶ್ ತನ್ನ ಕುಟುಂಬಸ್ಥರನ್ನು ತೊರೆದಿದ್ದು, ಬಳಿಕ ಹೊಸೂರಿನಲ್ಲಿ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿದ್ದ. ಟಿಕ್ ಟಾಕ್ ಮೂಲಕ ಮಂಗಳಮುಖಿಯೊಬ್ಬರ ಪರಿಚಯವಾಗಿದ್ದು, ಇಬ್ಬರು ಸೇರಿ ಟಿಕ್ ಟಾಕ್ ವೀಡಿಯೋ ಮಾಡುತ್ತಿದ್ದರು. ಇದೇ ಮಂಗಳ ಮುಖಿ ಜತೆ ನೃತ್ಯ ಮಾಡುತ್ತಿದ್ದ ವೀಡಿಯೋದಲ್ಲಿ ಪತ್ತೆಯಾಗಿದ್ದಾನೆ.
from India & World News in Kannada | VK Polls https://ift.tt/2JvLE79
