ಪಟನಾ: ಲಾಲು ಪ್ರಸಾದ್ ಯಾದವ್ ಪುತ್ರ, ಕೆಲ ದಿನಗಳಿಂದ ತಮ್ಮ ಹೊಸ ಹೇರ್ ಸ್ಟೈಲ್ ಮೂಲಕ ಸುದ್ದಿಯಲ್ಲಿದ್ದಾರೆ. ದೀರ್ಘ ಕಾಲದ ಬಳಿಕ ಕಳೆದ ವಾರ ತಮ್ಮ ತಾಯಿಯನ್ನು ಭೇಟಿ ಮಾಡಿದ್ದು ಅಮ್ಮನ ಕೈ ತುತ್ತು ತಿಂದ ಅವರು ಭಾವುಕರಾಗಿದ್ದು ಕಂಡು ಬಂತು. ವಿಚ್ಛೇದನ ವಿವಾದದ ಬಳಿಕ ಕುಟುಂಬದಿಂದ ದೂರವಿರುವ ಅವರು, ತಮ್ಮ ಪಕ್ಷ ರಾಷ್ಟ್ರೀಯ ಜನತಾ ದಳದ ಸ್ಥಾಪನಾ ದಿನದ ಸಮಾರಂಭದಲ್ಲಿ ಭಾಗವಹಿಸಲು ಪಟನಾಕ್ಕೆ ಬಂದಿದ್ದರು. ಈ ಸಂದರ್ಭದಲ್ಲಿ ತಮ್ಮ ತಾಯಿಯೊಂದಿಗೆ ಕಳೆದ ಮಧುರ ಕ್ಷಣವನ್ನು ಅವರು ಟ್ವಿಟರ್ ಮೂಲಕ ಹಂಚಿಕೊಂಡಿದ್ದಾರೆ. ಬಹಳ ದಿನಗಳ ನಂತರ ಅಮ್ಮ ಕೈ ತುತ್ತು ತಿಂದೆ. ಲವ್ ಯೂ ಅಮ್ಮ - ಎಂದವರು ಹಂಚಿಕೊಂಡಿರುವ ಫೋಟೋ ಜತೆ ಬರೆದುಕೊಂಡಿದ್ದಾರೆ. ಈ ಫೋಟೋದಲ್ಲಿ ಕುರ್ಚಿಯೊಂದರ ಮೇಲೆ ಕುಳಿತುಕೊಂಡಿದ್ದು, ಎದುರುಗಡೆ ಪುತ್ರ ತೇಜ್ ಪ್ರತಾಪ್ ಕುಳಿತಿದ್ದಾನೆ. ಮುಂದಿರುವ ಟೇಬಲ್ನಲ್ಲಿ ಊಟದ ತಟ್ಟೆಗಳಿದ್ದು, ತಾಯಿ ಮಗನಿಗೆ ಊಟ ತಿನ್ನಿಸುತ್ತಿದ್ದಾರೆ. ಈ ಫೋಟೋ ಈಗ ವೈರಲ್ ಆಗಿದ್ದು ಟ್ವಿಟಗರು ಬಹಳ ಮೆಚ್ಚಿಕೊಂಡಿದ್ದಾರೆ. ವಿಚ್ಛೇದನ ಅರ್ಜಿ ಬಳಿಕ ಪರಿವಾರದಿಂದ ದೂರ ಉಳಿದಿರುವ ತೇಜ್ ಪತ್ನಿ ಐಶ್ವರ್ಯ್ ರಾಯ್ನಿಂದ ವಿಚ್ಛೇದನ ಬಯಸಿರುವ ತೇಜ್ ಪ್ರತಾಪ್, ಈ ಕುರಿತು ಅರ್ಜಿ ಸಲ್ಲಿಸಿದ ಬಳಿಕ ಪರಿವಾರದಿಂದ ದೂರವಿದ್ದಾರೆ. ಈ ಪ್ರಕರಣದ ಬಳಿಕ ಬಹಳ ಕಾಲ ಅವರು ನಾಪತ್ತೆಯಾಗಿದ್ದರು. ತುಂಬಾ ಹುಡುಕಾಟದ ಬಳಿಕ ಬೃಂದಾವನದಲ್ಲಿ ಕಾಣಿಸಿಕೊಂಡ ಅವರ ಮನವೊಲಿಸಲು ಕುಟುಂಬ ವರ್ಗ ವಿಫಲವಾಗಿತ್ತು.
from India & World News in Kannada | VK Polls https://ift.tt/2XqOyze
