ನವಿ ಮುಂಬಯಿ: ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿರನ್ನು ರನ್ ಮೆಶಿನ್ ಎಂದು ಶ್ಲಾಘಿಸಿರುವ ವೆಸ್ಟ್ಇಂಡೀಸ್ನ ಮಾಜಿ ದಿಗ್ಗಜ , ಇತರೆ ದೇಶಗಳ ಆಟಗಾರರ ನಡುವೆ ದೊಡ್ಡ ಅಂತರವನ್ನು ಕಾಪಾಡಿಕೊಂಡಿದ್ದಾರೆ ಎಂದಿದ್ದಾರೆ. ಲಾರಾ ಪಾಲಿಗೆ ಮಾಜಿ ಕ್ರಿಕೆಟ್ ಐಕಾನ್ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್ಮನ್ ಆಗಿಯೇ ಉಳಿದುಕೊಂಡಿದ್ದಾರೆ. ಆದರೂ ಆಧುನಿಕ ಕ್ರಿಕೆಟ್ ವಿಚಾರಕ್ಕೆ ಬಂದಾಗ ಕೊಹ್ಲಿಗೆ ಅಗ್ರಪಟ್ಟ ನೀಡಿರುವ ಲಾರಾ ಕ್ಷಮಿಸಿ ಸಚಿನ್ ಎಂದಿದ್ದಾರೆ. ವಿರಾಟ್ ರನ್ ಮೆಶಿನ್ ಆಗಿದ್ದಾರೆ. ಕ್ರಿಕೆಟ್ನ ಯಾವುದೇ ಪ್ರಕಾರದ ಆಟವನ್ನು ಹೋಲಿಸಿದರೂ ವಿರಾಟ್ ಹಾಗೂ ವಿಶ್ವದ ಇತರೆ ಆಟಗಾರರ ನಡುವೆ ದೊಡ್ಡ ಅಂತರವಿದೆ. ಪ್ರಸಕ್ತ ಸಾಗುತ್ತಿರುವ ವಿಶ್ವಕಪ್ನಲ್ಲಿ ರೋಹಿತ್ ಶರ್ಮಾ ನಾಲ್ಕು ಶತಕಗಳನ್ನು ಬಾರಿಸಿರಬಹುದು. ಆದರೆ ಟ್ವೆಂಟಿ-10, ಏಕದಿನ, ಟೆಸ್ಟ್ ಸೇರಿದಂತೆ ಎಲ್ಲ ಪ್ರಕಾರದಲ್ಲೂ ಬ್ಯಾಟಿಂಗ್ ವಿಚಾರಕ್ಕೆ ಬಂದಾಗ ದೊಡ್ಡ ಅಂತರವನ್ನು ಕಾಪಾಡಿಕೊಂಡಿದ್ದಾರೆ ಎಂದು ಹೇಳಿದರು. ಅದೇ ಹೊತ್ತಿಗೆ ಭಾರತೀಯ ಬ್ಯಾಟ್ಸ್ಮನ್ಗಳು ವಿದೇಶ ನೆಲದಲ್ಲಿ ಉತ್ತಮ ಪ್ರದರ್ಶನ ನೀಡಲು ಸಚಿನ್ ತೆಂಡೂಲ್ಕರ್ ಕಾರಣ ಎಂದು ಹೇಳಿದರು. ಭಾರತೀಯ ಕ್ರಿಕೆಟ್ ಮೇಲೆ ಸಚಿನ್ ಮಾಡಿರುವ ಪ್ರಭಾವವು ಅವಿಶ್ವಸನೀಯ. ಭಾರತೀಯ ಬ್ಯಾಟ್ಸ್ಮನ್ಗಳು ಅಲ್ಲಿನ ಪಿಚ್ ಬಿಟ್ಟು ತೆರಳಿದರೆ ವೈಫಲ್ಯ ಅನುಭವಿಸುತ್ತಾರೆ ಎಂಬ ಪ್ರತೀತಿಯಿತ್ತು. ಇದನ್ನು ಸಚಿನ್ ಬದಲಾಯಿಸಿದ್ದಾರೆ ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Xmdkk5
