ಮುಂಬಯಿ: ಬಂದ್ರಾದಲ್ಲಿನ ಎಂಟಿಎನ್ಎಲ್(ಮಹಾನಗರ ಟೆಲಿಫೋನ್ ನಿಗಮ್) ಕಟ್ಟಡದಲ್ಲಿ ಭಾರಿ ಬೆಂಕಿ ಅವಘಡ ಸಂಭವಿಸಿದೆ. 100 ಕ್ಕೂ ಅಧಿಕ ಜನ ಕಟ್ಟಡದೊಳಗೆ ಸಿಲುಕಿರು ಸಾಧ್ಯತೆಗಳಿದ್ದು, ಆತಂಕದ ವಾತಾವರಣ ಸೃಷ್ಟಿಯಾಗಿದೆ. 14 ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿದ್ದು, ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿವೆ ಎಂದು ತಿಳಿದು ಬಂದಿದೆ. ಅನೇಕ ಮಂದಿ ಕಟ್ಟಡದ ಟೆರೇಸ್ ಭಾಗಕ್ಕೆ ಬಂದಿದ್ದು, ಅಲ್ಲಿಂದ ಅಗ್ನಿಶಾಮಕ ಸಿಬ್ಬಂದಿ ರಕ್ಷಿಸಿದ್ದಾರೆ. ಸುಮಾರು 2.30ರ ವೇಳೆಗೆ ನಾಲ್ಕನೇ ಹಂತ ತೀವ್ರತೆ ಬೆಂಕಿ ದುರಂತ ಸಂಭವಿಸಿದೆ. ಅನೇಕ ಮಂದಿಯನ್ನು ಕಟ್ಟಡದಿಂದ ಸುರಕ್ಷಿತವಾಗಿ ಹೊರಗೆ ತರಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಒಂಭತ್ತು ಮಹಡಿಯ ವಾಣಿಜ್ಯ ಕಟ್ಟಡ ಇದಾಗಿದ್ದು, ಬಂದ್ರಾ ಮಸೀದಿಗೆ ಹೊಂದಿಕೊಂಡಿರುದ್ದು, ಅತ್ಯಂತ ಇಕ್ಕಟ್ಟಿನ ಪ್ರದೇಶದಲ್ಲಿದೆ. ಶಾರ್ಟ್ಸರ್ಕ್ಯೂಟ್ ಕಾರಣ ? ಶಾರ್ಟ್ ಸರ್ಕ್ಯೂಟ್ನಿಂದಾಗಿ ಬೆಂಕಿ ಅವಗಡ ಸಂಭವಿಸಿರುವ ಸಾಧ್ಯತೆಗಳಿವೆ ಎಂದು ಅಗ್ನಿಶಾಮಕ ದಳ ಅಭಿಪ್ರಾಯಪಟ್ಟಿದೆ. ಆದರೆ ಈ ಸಂಬಂಧ ಪ್ರಾಥಮಿಕ ವರದಿ ಬಳಿಕ ಬೆಂಕಿ ಸಂಭವಿಸಲು ಪ್ರಮುಖ ಕಾರಣ ಗೊತ್ತಾಗಲಿದೆ. ಘಟನೆಯಲ್ಲಿ ಈ ವರೆಗೆ ಯಾವುದೇ ಸಾವು ನೋವು ಸಂಭವಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
from India & World News in Kannada | VK Polls https://ift.tt/2Y8w6LS
