ಹೊಸದಿಲ್ಲಿ: ಇಂಡೋನೇಷ್ಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ನಲ್ಲಿ ರನ್ನರ್-ಅಪ್ ಪ್ರಶಸ್ತಿ ಗೆದ್ದು ಕೂದಲೆಳೆಯ ಅಂತರದಲ್ಲಿ ಪ್ರಶಸ್ತಿ ಮಿಸ್ ಮಾಡಿಕೊಂಡಿರುವ ಭಾರತದ ಅಗ್ರಮಾನ್ಯ ತಾರೆ , ಇದೀಗ ಪ್ರತಿಷ್ಠಿತ ಜಪಾನ್ ಓಪನ್ ಮೇಲೆ ಕಣ್ಣಿಟ್ಟಿದ್ದಾರೆ. ಇನ್ನೊಂದೆಡೆ ಗಾಯದ ಸಮಸ್ಯೆಗೊಳಗಾಗಿರುವ ಹಿರಿಯ ಅನುಭವಿ ಆಟಗಾರ್ತಿ ಕೂಟದಿಂದಲೇ ಹೊರನಡೆದಿದ್ದಾರೆ. ಇಂಡೋನೇಷ್ಯಾ ಓಪನ್ನಲ್ಲಿ ಭಾನುವಾರ ನಡೆದ ಫೈನಲ್ ಪಂದ್ಯದಲ್ಲಿ ಜಪಾನ್ನವರೇ ಆದ ಅಕೇನ್ ಯಮಗೂಚಿ ವಿರುದ್ಧ ಸಿಂಧೂ ನೇರ ಅಂತರದಿಂದ ಸೋಲಿಗೆ ಶರಣಾಗಿದ್ದರು. ಹಾಗೊಂದು ವೇಳೆ ಜಪಾನ್ ಓಪನ್ ಬಿಡಬ್ಲ್ಯುಎಫ್ ಸೂಪರ್ 750 ಟೂರ್ನಿಯಲ್ಲಿ ಸಿಂಧೂ ಗೆಲುವಿನ ಓಟ ಮುಂದುವರಿಸಿದರೆ ಕ್ವಾರ್ಟರ್ ಫೈನಲ್ನಲ್ಲಿ ಮತ್ತೆ ಅಕೇನ್ ಸವಾಲು ಎದುರಾಗಲಿದೆ. ಈ ಮೂಲಕ ತಮಗೆ ಎದುರಾದ ಸೋಲಿಗೆ ಪ್ರತೀಕಾರ ತೀರಿಸಿಕೊಳ್ಳುವ ಅವಕಾಶವಿದೆ. ಇನ್ನೊಂದೆಡೆ ಜಪಾನ್ ಓಪನ್ನಿಂದ ಹೊರಗುಳಿಯಲು ನಿರ್ಧರಿಸಿರುವ ಸೈನಾ, ಮುಂದಿನ ತಿಂಗಳಲ್ಲಿ ನಡೆಯಲಿರುವ ವಿಶ್ವ ಚಾಂಪಿಯನ್ಶಿಪ್ನತ್ತ ಹೆಚ್ಚಿನ ಗಮನ ಕೇಂದ್ರಿಕರಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2SAFHdl
