ಅಹಮದಾಬಾದ್: ಇಂಗ್ಲೆಂಡ್ ಹಾಗೂ ವೇಲ್ಸ್ನಲ್ಲಿ ಏಕದಿನ ಕ್ರಿಕೆಟ್ ವಿಶ್ವಕಪ್ ರೋಚಕ ಹಂತವನ್ನು ತಲುಪಿರುವಂತೆಯೇ ಅತ್ತ ಕಾಲ್ಚೆಂಡಿನ ಪ್ರೇಮಿಗಳನ್ನು ತುದಿಗಾಲಲ್ಲಿ ನಿಲ್ಲಿಸಿರುವ 2019 ಹೀರೊ ಇಂಟರ್ ಕಾಂಟಿನೆಂಟಲ್ ಕಪ್ಗೆ ವೇದಿಕೆ ಸಿದ್ದಗೊಂಡಿದೆ. ಗುಜರಾತ್ನ ಅಹಮದಾಬಾದ್ನಲ್ಲಿ ನಡೆಯುತ್ತಿರುವ ಎರಡನೇ ಆವೃತ್ತಿಯ ಇಂಟರ್ ಕಾಂಟಿನೆಂಟಲ್ ಕಪ್ನಲ್ಲಿ ಆತಿಥೇಯ ಭಾರತ ಸೇರಿದಂತೆ ನಾಲ್ಕು ತಂಡಗಳು ಭಾಗವಹಿಸುತ್ತಿದೆ. ಅಖಿಲ ಫೇಡರೇಷನ್ ಪ್ರಾಯೋಜಿತ 2019 ಜುಲೈ 7ರಿಂದ 19ರ ವರೆಗೆ ನಡೆಯಲಿದೆ. ಭಾಗವಹಿಸುವ ತಂಡಗಳು: ಭಾರತ ಸಿರಿಯಾ ತಜಕಿಸ್ತಾನ ಉತ್ತರ ಕೊರಿಯಾ ರೌಂಡ್ ರಾಬಿನ್ ಮಾದರಿಯಲ್ಲಿ ಸಾಗಲಿರುವ ಟೂರ್ನಿಯಲ್ಲಿ ಎಲ್ಲ ನಾಲ್ಕು ತಂಡಗಳು ತಲಾ ಮೂರು ಪಂದ್ಯಗಳನ್ನು ಆಡಲಿದೆ. ಬಳಿಕ ಅಗ್ರ ಎರಡು ತಂಡಗಳು ಫೈನಲ್ನಲ್ಲಿ ಮುಖಾಮುಖಿಯಾಗಲಿದೆ. ಫಿಫಾ ರ್ಯಾಂಕಿಂಗ್ನಲ್ಲಿ ಭಾರತ 101ನೇ ಸ್ಥಾನವನ್ನು ಕಾಯ್ದುಕೊಂಡಿದೆ. ಭಾರತಕ್ಕಿಂತಲೂ ಉತ್ತಮ ಶ್ರೇಯಾಂಕ ಕಾಯ್ದುಕೊಂಡಿರುವ ಸಿರಿಯಾ 85ನೇ ಸ್ಥಾನದಲ್ಲಿದೆ. ಹಾಗೆಯೇ ತಜಕಿಸ್ತಾನ 120 ಹಾಗೂ ಉತ್ತರ ಕೊರಿಯಾ 122ನೇ ಸ್ಥಾನ ಕಾಪಾಡಿಕೊಂಡಿದೆ. ವಿಶ್ವದ ವಿವಿಧ ಖಂಡಗಳ ವಿಭಿನ್ನ ಒಕ್ಕೂಟಗಳ ತಂಡಗಳ ನಡುವೆ ಸ್ಪರ್ಧೆ ನಡೆಯಬೇಕಿತ್ತು. ಆದರೆ ಈ ಬಾರಿ ಏಷ್ಯಾ ಒಕ್ಕೂಟಕ್ಕೆ ಸೇರಿದ ನಾಲ್ಕು ತಂಡಗಳು ಮಾತ್ರ ಭಾಗವಹಿಸುತ್ತಿದೆ. ವೇಳಾಪಟ್ಟಿ ಇಂತಿದೆ: ಜುಲೈ 7: ಭಾರತ vs ತಜಕಿಸ್ತಾನ ಜುಲೈ 8: ಸಿರಿಯಾ vs ಉತ್ತರ ಕೊರಿಯಾ ಜುಲೈ 10: ತಜಕಿಸ್ತಾನ vs ಸಿರಿಯಾ ಜುಲೈ 13: ಭಾರತ vs ಉತ್ತರ ಕೊರಿಯಾ ಜುಲೈ 15: ಉತ್ತರ ಕೊರಿಯಾ vs ತಜಕಿಸ್ತಾನ ಜುಲೈ 16: ಭಾರತ vs ಸಿರಿಯಾ ಫೈನಲ್: ಜುಲೈ 19 ತಾಣ: ಟ್ರಾನ್ಸ್ಸ್ಟಡಿಯಾ ಅರೆನಾ, ಅಹಮದಾಬಾದ್ ಸಮಯ: ರಾತ್ರಿ 8ಕ್ಕೆ (ಭಾರತೀಯ ಕಾಲಮಾನ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2G0CbE3
