ಲೀಡ್ಸ್: ಬರೋಬ್ಬರಿ ಏಳು ಪಂದ್ಯ ಗೆದ್ದು ಈಗಾಗಲೇ ಸೆಮಿಫೈನಲ್ಸ್ ಪ್ರವೇಶಿಸಿದ್ದರೂ ಮಧ್ಯಮ ಕ್ರಮಾಂಕದ ಅಸ್ಥಿರ ಪ್ರದರ್ಶನದಿಂದ ಕಂಗೆಟ್ಟಿರುವ ಭಾರತ ತಂಡ ಇಂದು ವಿಶ್ವಕಪ್ ಟೂರ್ನಿಯ ತನ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಆಡಲಿದ್ದು, ಉಪಾಂತ್ಯ ಸೆಣಸಾಟಕ್ಕೂ ಮುನ್ನ ಸುಧಾರಣೆ ಕಂಡುಕೊಳ್ಳುವ ಗುರಿ ಇಟ್ಟುಕೊಂಡಿದೆ. ಒಂದು ವೇಳೆ ಈ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಭಾರತ ತಂಡ ಗೆದ್ದರೆ ಒಟ್ಟು 15 ಅಂಕ ಗಳಿಸಿದಂತಾಗುತ್ತದೆ. ಸದ್ಯ 8 ಪಂದ್ಯಗಳಿಂದ 14 ಅಂಕ ಕಲೆಹಾಕಿ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವ ಆಸ್ಪ್ರೇಲಿಯಾ ತಂಡ ಇಂದು (ಸಂಜೆ 6ರಿಂದ) ನಡೆಯಲಿರುವ ಟೂರ್ನಿಯ ಅಂತಿಮ ಲೀಗ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಎದುರು ಸೋತರೆ ಕೊಹ್ಲಿ ಪಡೆ ಅಗ್ರ ಸ್ಥಾನಕ್ಕೇರುವ ಅವಕಾಶವಿದೆ. ಈಗಾಗಲೇ ಸೆಮಿಫೈನಲ್ಸ್ ಸ್ಪರ್ಧೆಯಿಂದ ಹೊರಬಿದ್ದಿರುವ ದ.ಆಫ್ರಿಕಾ ವಿರುದ್ಧ ಕಳೆದ ಆವೃತ್ತಿಯ ಚಾಂಪಿಯನ್ಗಳೇ ಗೆದ್ದರೆ (16 ಅಂಕ) ಅಂಕಪಟ್ಟಿಯ ಅಗ್ರ ಸ್ಥಾನಿಯಾಗಿ ಸೆಮಿಫೈನಲ್ಸ್ ಪ್ರವೇಶಿಸುತ್ತಾರೆ. ಭಾರತಕ್ಕೆ 2ನೇ ಸ್ಥಾನ ಸಿಗಲಿದೆ. ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ಈಗಾಗಲೇ 3 ಮತ್ತು 4ನೇ ಸ್ಥಾನ ಆಕ್ರಮಿಸಿಕೊಂಡಿವೆ. ಸೆಮಿಫೈನಲ್ಸ್ನಲ್ಲಿ 1 ವರ್ಸಸ್ 4 ಹಾಗೂ 2 ವರ್ಸಸ್ 3 ನಡುವೆ ಸೆಣಸಾಟ ನಡೆಯಲಿದೆ. ಬಗೆಹರಿಯದ ಮಧ್ಯಮ ಕ್ರಮಾಂಕದ ಸಮಸ್ಯೆಟೂರ್ನಿಯಲ್ಲಿ 4 ಶತಕ ಸೇರಿ 544 ರನ್ ಪೇರಿಸಿರುವ ಉಪನಾಯಕ ರೋಹಿತ್ ಶರ್ಮಾ ಮತ್ತು 5 ಅರ್ಧಶತಕ ಗಳಿಸಿರುವ ನಾಯಕ ವಿರಾಟ್ ಕೊಹ್ಲಿ ಶ್ರೇಷ್ಠ ಲಯದಲ್ಲಿದ್ದಾರೆ. ಆದರೆ ಮಧ್ಯಮ ಮತ್ತು ಕೆಳ ಕ್ರಮಾಂಕದಲ್ಲಿರುವ ಸಮಸ್ಯೆಗಳ ಇತ್ಯರ್ಥದೆಡೆಗೆ ಕೊಹ್ಲಿ ಮತ್ತು ಕೋಚ್ ರವಿಶಾಸ್ತ್ರಿ ಮುತುವರ್ಜಿ ವಹಿಸಬೇಕಿದೆ. ಶ್ರೀಲಂಕಾ ತಂಡಕ್ಕೆ ಈ ಪಂದ್ಯದಿಂದ ದೊಡ್ಡ ಲಾಭವೇನೂ ಇಲ್ಲ. ಈಗಾಗಲೇ ಸೆಮಿಫೈನಲ್ಸ್ ಸ್ಪರ್ಧೆಯಿಂದ ಹೊರಬಿದ್ದಿರುವ ದಿಮುತ್ ಕರುಣಾರತ್ನೆ ಬಳಗ ಗೆಲುವಿನೊಂದಿಗೆ ವಿಶ್ವಕಪ್ ಅಭಿಯಾನ ಕೊನೆಗೊಳಿಸುವ ಬಯಕೆ ಹೊಂದಿದೆಯಷ್ಟೆ. ತಂಡಗಳ ವಿವರ ಭಾರತ: ಕೊಹ್ಲಿ (ನಾಯಕ), ರೋಹಿತ್, ಕೆ.ಎಲ್.ರಾಹುಲ್, ಪಂತ್, ಹಾರ್ದಿಕ್ ಪಾಂಡ್ಯ, ಧೋನಿ, ದಿನೇಶ್ ಕಾರ್ತಿಕ್, ಚಹಲ್, ಶಮಿ, ಬುಮ್ರಾ, ಭುವನೇಶ್ವರ್, ಕುಲ್ದೀಪ್, ಮಯಾಂಕ್, ಆರ್.ಜಡೇಜಾ, ಕೇದಾರ್ ಜಾಧವ್. ಶ್ರೀಲಂಕಾ: ಕರುಣಾರತ್ನೆ(ನಾಯಕ), ಕುಸಾಲ್ ಮೆಂಡಿಸ್, ಕುಸಾಲ್ ಪೆರೇರಾ, ಲಾಹಿರು ತಿರಿಮನ್ನೆ, ಎ.ಮ್ಯಾಥ್ಯೂಸ್, ಮಾಲಿಂಗ, ಜೀವನ್ ಮೆಂಡಿಸ್, ಧನಂಜಯ ಡಿ' ಸಿಲ್ವಾ, ಕಸುನ್ ರಿಜಿಥಾ, ಉದಾನ, ಲಕ್ಮಲ್, ಸಿರಿವರ್ದನ, ವಂಡರ್ಸೆ, ತಿಸಾರ ಪೆರೇರಾ, ಅವಿಷ್ಕ ಫೆರ್ನಾಂಡೊ. ಇಂದಿನ ಸೆಣಸಾಟಭಾರತ - ಶ್ರೀಲಂಕಾ ಪಂದ್ಯ ಆರಂಭ: ಮಧ್ಯಾಹ್ನ 3ಕ್ಕೆ ಸ್ಥಳ: ಲೀಡ್ಸ್, ಹೆಡಿಂಗ್ಲೆ ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ರ್ಯಾಂಕಿಂಗ್ ಭಾರತ 02 ಶ್ರೀಲಂಕಾ 08 ಮುಖಾಮುಖಿ 158ಭಾರತ ಗೆಲುವು 90 ಶ್ರೀಲಂಕಾ ಜಯ 56 ಟೈ 01 ಫಲಿತಾಂಶ ರಹಿತ 11 ಗೆಲುವಿನ ಸರಾಸರಿಭಾರತ 61.56% ಶ್ರೀಲಂಕಾ 38.43% ವಿಶ್ವಕಪ್ ಮುಖಾಮುಖಿ 08ಶ್ರೀಲಂಕಾ ಜಯ 04 ಭಾರತ ಗೆಲುವು 03 ಫಲಿತಾಂಶ ಇಲ್ಲ 01 ಸ್ಟಾರ್ ಆಟಗಾರರುಭಾರತ ರೋಹಿತ್ ಶರ್ಮಾ ವಿರಾಟ್ ಕೊಹ್ಲಿ ಜಸ್ಪ್ರೀತ್ ಬುಮ್ರಾ ಭುವನೇಶ್ವರ್ ಕುಮಾರ್ ಶ್ರೀಲಂಕಾಕುಸಾಲ್ ಪೆರೇರಾ ಕುಸಾಲ್ ಮೆಂಡಿಸ್ ಲಸಿತ್ ಮಾಲಿಂಗ ಸುರಂಗ ಲಕ್ಮಲ್ ಹಾಲಿ ಟೂರ್ನಿಯಲ್ಲಿ 4 ಶತಕ ಬಾರಿಸಿ ವಿಶ್ವಕಪ್ನಲ್ಲಿ ಅತ್ಯಧಿಕ ಶತಕ ದಾಖಲಿಸಿರುವ ಕುಮಾರ ಸಂಗಕ್ಕಾರ (4 ಶತಕ) ಅವರ ದಾಖಲೆ ಸರಿಗಟ್ಟಿರುವ ಭಾರತದ ರೋಹಿತ್ ಶರ್ಮಾ ಇನ್ನೊಂದು ಶತಕ ಬಾರಿಸಿದರೆ ಒಂದೇ ಆವೃತ್ತಿಯಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ವಿಶ್ವದ ಮೊದಲ ಆಟಗಾರ ಎಂಬ ದಾಖಲೆ ಬರೆಯಲಿದ್ದಾರೆ. ಇದುವರೆಗೆ ಹೆಡಿಂಗ್ಲೆ ಕ್ರೀಡಾಂಗಣದಲ್ಲಿ ದಾಖಲಾದ ಗರಿಷ್ಠ ಮೊತ್ತ 351/9 (ಪಾಕ್ ವಿರುದ್ಧ ಇಂಗ್ಲೆಂಡ್ ಪೇರಿಸಿದ ಮೊತ್ತ; ಮೇ 19, 2019). ಇದುವರೆಗೆ ಹೆಡಿಂಗ್ಲೆ ಕ್ರೀಡಾಂಗಣದಲ್ಲಿ ಕಲೆಹಾಕಲಾದ ಕನಿಷ್ಠ ಮೊತ್ತ 93/10 (ಆಸ್ಪ್ರೇಲಿಯಾ ವಿರುದ್ಧ ಇಂಗ್ಲೆಂಡ್ ಗಳಿಸಿದ ಸ್ಕೋರ್; 1975ರಲ್ಲಿ). ಹೆಡಿಂಗ್ಲೆ ಮೈದಾನದಲ್ಲಿ ಗರಿಷ್ಠ ಚೇಸಿಂಗ್ ಸ್ಕೋರ್ 324/2 (ಇಂಗ್ಲೆಂಡ್ ವಿರುದ್ಧ ಶ್ರೀಲಂಕಾ ತಂಡ ಚೇಸ್ ಮಾಡಿ ಗೆದ್ದಿತ್ತು; 2006ರಲ್ಲಿ). ರೋಹಿತ್ ಶರ್ಮಾ 130 ರನ್ ಗಳಿಸಿದರೆ ಸಚಿನ್ ಅವರ ದಾಖಲೆ 130 (ಒಂದೇ ವಿಶ್ವಕಪ್ನಲ್ಲಿ 673 ರನ್, 2003ರ ಆವೃತ್ತಿ) ಮುರಿಯಲಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32aR4NF
