ಚೆಸ್ಟರ್‌ ಲೀ ಸ್ಟ್ರೀಟ್‌: ಈಗಲೂ ಸೆಮಿಫೈನಲ್ಸ್‌ ಕನಸಿನಲ್ಲಿರುವ ಶ್ರೀಲಂಕಾ ತಂಡ ವಿಶ್ವಕಪ್‌ ಟೂರ್ನಿಯ ರೌಂಡ್‌ ರಾಬಿನ್‌ ಲೀಗ್‌ ಪಂದ್ಯದಲ್ಲಿ ಸೋಮವಾರ ವೆಸ್ಟ್‌ ಇಂಡೀಸ್‌ ತಂಡದ ಸವಾಲು ಎದುರಿಸಲಿದೆ. ಕೆರಿಬಿಯನ್‌ ಬಳಗ ಈಗಾಗಲೇ ಸೆಮಿಫೈನಲ್ಸ್‌ ಸ್ಪರ್ಧೆಯಿಂದ ಹೊರಬಿದ್ದಿದೆ. ಟೂರ್ನಿಯಲ್ಲಿ ಅಸ್ಥಿರ ಪ್ರದರ್ಶನದ ನಡುವೆಯೂ ಆತಿಥೇಯ ಇಂಗ್ಲೆಂಡ್‌ ವಿರುದ್ಧ 20 ರನ್‌ಗಳಿಂದ ಗೆದ್ದು ಉಪಾಂತ್ಯದ ಹಾದಿಯಲ್ಲಿ ಮುನ್ನಡೆದಿದ್ದ ಲಂಕಾ, ಮರು ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಸೋತು ನಾಲ್ಕರ ಘಟ್ಟದ ಹಾದಿಯನ್ನು ದುರ್ಗಮ ಮಾಡಿಕೊಂಡಿದೆ. ಸದ್ಯ ಏಳು ಪಂದ್ಯಗಳಿಂದ ಆರು ಅಂಕ ಕಲೆಹಾಕಿರುವ 1996ರ ಚಾಂಪಿಯನ್ಸ್‌ ಲಂಕಾ, ಸೆಮಿಫೈನಲ್ಸ್‌ ಆಸೆಯನ್ನು ಜೀವಂತವಾಗಿರಿಸಿಕೊಳ್ಳಬೇಕಾದರೆ, ವಿಂಡೀಸ್‌ ವಿರುದ್ಧದ ಪಂದ್ಯ ಸೇರಿದಂತೆ ಉಳಿದೆರಡೂ ಪಂದ್ಯಗಳಲ್ಲಿ ಗೆಲುವು ಸಾಧಿಸಬೇಕು. ಜತೆಗೆ ಇಂಗ್ಲೆಂಡ್‌ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದ ಫಲಿತಾಂಶ ಕೂಡ ಲಂಕಾದ ಭವಿಷ್ಯವನ್ನು ನಿರ್ಧರಿಸಲಿದೆ. ದಕ್ಷಿಣ ಆಫ್ರಿಕಾ ವಿರುದ್ಧ 9 ವಿಕೆಟ್‌ಗಳ ಹೀನಾಯ ಸೋಲಿಗೆ ತುತ್ತಾದ ದಿಮುತ್‌ ಕರುಣಾರತ್ನೆ ಸಾರಥ್ಯದ ಲಂಕಾ, ಪ್ರಬಲ ಬೌಲಿಂಗ್‌ ಪಡೆಯನ್ನು ಹೊಂದಿರುವ ಜೇಸನ್‌ ಹೋಲ್ಡರ್‌ ಬಳಗದೆದುರು ಸುಧಾರಣೆ ಕಂಡುಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ. ಲಸಿಂತ್‌ ಮಾಲಿಂಗರಂಥ ಬಲಿಷ್ಠ ಬೌಲಿಂಗ್‌ ಅಸ್ತ್ರವನ್ನು ಒಳಗೊಂಡಿರುವ ಸಿಂಹಳೀಯರು, ಈಗಾಗಲೇ ಸೆಮಿಫೈನಲ್ಸ್‌ ಸ್ಪರ್ಧೆಯಿಂದ ಹೊರಬಿದ್ದು, ಗೌರವಕ್ಕಾಗಿ ಹೋರಾಡಲು ಎದುರು ನೋಡುತ್ತಿರುವ ವಿಂಡೀಸ್‌ ವಿರುದ್ಧ ಹೇಗೆ ಪುಟಿದೇಳಲಿದ್ದಾರೆ ಎಂಬುದು ಕುತೂಹಲದ ಸಂಗತಿಯಾಗಿದೆ. ಶ್ರೀಲಂಕಾ ವರ್ಸಸ್‌ ವೆಸ್ಟ್‌ ಇಂಡೀಸ್‌ಮುಖಾಮುಖಿ 56 ಶ್ರೀಲಂಕಾ ಗೆಲುವು 25 ವೆಸ್ಟ್‌ ಇಂಡೀಸ್‌ ಜಯ 28 ಫಲಿತಾಂಶ ರಹಿತ 3 ಗೆಲುವಿನ ಸರಾಸರಿ ಶ್ರೀಲಂಕಾ 47.16 ವೆಸ್ಟ್‌ ಇಂಡೀಸ್‌ 52.83 ವಿಶ್ವಕಪ್‌ ಮುಖಾಮುಖಿಒಟ್ಟು ಪಂದ್ಯ 6 ಶ್ರೀಲಂಕಾ ಗೆಲುವು 2 ವೆಸ್ಟ್‌ ಇಂಡೀಸ್‌ ಜಯ 4 ಗೆಲುವಿನ ಸರಾಸರಿ ಶ್ರೀಲಂಕಾ 33.33 ವೆಸ್ಟ್‌ ಇಂಡೀಸ್‌ 66.66 ಗರಿಷ್ಠ ಮೊತ್ತ ವೆಸ್ಟ್‌ ಇಂಡೀಸ್‌ : 4ಕ್ಕೆ 360 (1987ರ ವಿಶ್ವಕಪ್‌, ಕರಾಚಿಯಲ್ಲಿ) ಶ್ರೀಲಂಕಾ : 5ಕ್ಕೆ 303 (2007ರ ವಿಶ್ವಕಪ್‌, ಗಯಾನದಲ್ಲಿ) ಕನಿಷ್ಠ ಮೊತ್ತವೆಸ್ಟ್‌ ಇಂಡೀಸ್‌ : 190 (2007ರ ವಿಶ್ವಕಪ್‌, ಗಯಾನಾದಲ್ಲಿ) ಶ್ರೀಲಂಕಾ : 37.2 ಓವರ್‌ಗಳಲ್ಲಿ 86 (1975ರ ವಿಶ್ವಕಪ್‌, ಮ್ಯಾಂಚೆಸ್ಟರ್‌ನಲ್ಲಿ) ಒಡಿಐ ರ‍್ಯಾಂಕಿಂಗ್‌ಶ್ರೀಲಂಕಾ 8 ವೆಸ್ಟ್‌ ಇಂಡೀಸ್‌ 9 ಪಂದ್ಯ ಆರಂಭ : ಮಧ್ಯಾಹ್ನ 3ಕ್ಕೆ ಸ್ಥಳ : ರಿವರ್‌ಸೈಡ್‌ ಗ್ರೌಂಡ್‌, ಚೆಸ್ಟರ್‌ ಲೀ ಸ್ಟ್ರೀಟ್‌ ನೇರ ಪ್ರಸಾರ : ಸ್ಟಾರ್‌ ಸ್ಪೋರ್ಟ್ಸ್ ನೆಟ್‌ವರ್ಕ್‌ ಸ್ಟಾರ್‌ ಆಟಗಾರರುವೆಸ್ಟ್‌ ಇಂಡೀಸ್‌ ಶಾಯ್‌ ಹೋಪ್‌ ಶಿಮ್ರಾನ್‌ ಹೆಟ್ಮಾಯರ್‌ ಶೆಲ್ಡನ್‌ ಕಾಟ್ರೆಲ್‌ ಶ್ರೀಲಂಕಾಸುರಂಗ ಲಕ್ಮಲ್‌ ಅವಿಷ್ಕಾ ಫೆರ್ನಾಂಡೊ ಲಸಿತ್‌ ಮಾಲಿಂಗ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2FWbdO7
