ಬರ್ಮಿಂಗ್ಹ್ಯಾಮ್: 2011ರ ವಿಶ್ವಕಪ್ ವಿಜೇತ ಭಾರತ ತಂಡದ ಭಾಗವಾಗಲು ಸಾಧ್ಯವಾಗದಿರುವುದು ತನಗೀಗಲೂ ಕಾಡುತ್ತಿದೆ ಎಂಬುದಾಗಿ ಸಂದರ್ಶನವೊಂದರಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್ಮನ್ ತಿಳಿಸಿದ್ದರು. ಎಂಟು ವರ್ಷಗಳ ಹಿಂದೆ ತಂಡದಿಂದ ಹೊರಗಟ್ಟಿದಾಗ ಟ್ವೀಟ್ ಮಾಡಿರುವ ರೋಹಿತ್, ಇದು ತನ್ನ ಕ್ರಿಕೆಟ್ ಜೀವನದಲ್ಲಿ ಎದುರಾಗಿರುವ ಅತಿ ದೊಡ್ಡ ಹಿನ್ನಡೆಯಾಗಿದೆ. ಹಾಗಿದ್ದರೂ ಇಲ್ಲಿಂದ ಮುಂದಕ್ಕೆ ಸಾಗಬೇಕಿದೆ ಎಂದಿದ್ದರು. ಅಂದು ರೋಹಿತ್ ಮಾಡಿರುವ ಟ್ವೀಟನ್ನು ಐಸಿಸಿ ಉಲ್ಲೇಖಿಸಿದೆ. ಇದೀಗ ತಮ್ಮ ಮಾತನ್ನು ಅಕ್ಷರಶ: ನಿಜವಾಗಿಸಿರುವ ರೋಹಿತ್ 2019ರ ವಿಶ್ವಕಪ್ನಲ್ಲಿ ನಾಲ್ಕು ಶತಕಗಳನ್ನು ಸಿಡಿಸುವ ಮೂಲಕ ದಾಖಲೆ ಬರೆದಿದ್ದಾರೆ. 2013ರಲ್ಲಿ ಆರಂಭಿಕನಾಗಿ ಕಣಕ್ಕಿಳಿಸಿರುವ ಮಹೇಂದ್ರ ಸಿಂಗ್ ಧೋನಿ ನಿರ್ಧಾರವೇ ರೋಹಿತ್ ಜೀವನದ ಪುನರುಜ್ಜೀವನಕ್ಕೆ ಕಾರಣವಾಯಿತು. ಅಲ್ಲಿಂದ ಬಳಿಕ ಹಿಂತಿರುಗಿ ನೋಡದ ರೋಹಿತ್ ದಾಖಲೆಗಳ ಮೇಲೆ ದಾಖಲೆಗಳನ್ನು ಸಾಧಿಸಿದ್ದಾರೆ. ಅದರಲ್ಲೂ 2015ರ ವಿಶ್ವಕಪ್ ಬಳಿಕವಂತೂ ರೋಹಿತ್ ಟೀಮ್ ಇಂಡಿಯಾ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ. ಇದೀಗ ತಮ್ಮ ಜೀವಮಾನದ ಉತ್ತುಂಗದಲ್ಲಿರುವ ರೋಹಿತ್ ವಿಶ್ವಕಪ್ ಆವೃತ್ತಿಯೊಂದರಲ್ಲೇ ನಾಲ್ಕು ಶತಕ ಹಾಗೂ 500ಕ್ಕೂ ಹೆಚ್ಚು ರನ್ ಗಳಿಸುವ ಮೂಲಕ ಗಮನ ಸೆಳೆದಿದ್ದಾರೆ. ಪ್ರಸ್ತುತ ಏಳು ಪಂದ್ಯಗಳಲ್ಲೇ ರೋಹಿತ್ 90.66ರ ಸರಾಸರಿಯಲ್ಲಿ 544 ರನ್ ಪೇರಿಸಿದ್ದಾರೆ. ಈ ಮೂಲಕ ಟೀಮ್ ಇಂಡಿಯಾ ಸೆಮಿಫೈನಲ್ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Lzkxeq
