ಭೋಪಾಲ್: ತನ್ನನ್ನು ತಾನು 'ಸಾವಿರ ಸಹೋದರಿಯರ ಸಹೋದರ' ಎಂಬು ಸ್ವಯಂ ಘೋಷಿಸಿಕೊಂಡು, ಭಾತೃತ್ವಕ್ಕೆ ಅಪರೂಪದ ಉದಾಹರಣೆ ಎಂಬಂತೆ ಬಿಂಬಿಸಿಕೊಂಡಿದ್ದ ಒಬ್ಬ 11 ವರ್ಷದ ಪುಟ್ಟ ಬಾಲಕಿಯ ಮೇಲೆ ನಡೆಸಿದ ಆರೋಪದ ಮೇಲೆ ಬಂಧನಕ್ಕೊಳಗಾಗಿದ್ದಾನೆ. ಅನಾಮಿಕನೊಬ್ಬನಿಂದ ಪೊಲೀಸರಿಗೆ ಬಂದ ಪತ್ರದಿಂದ ಈ ಕೃತ್ಯ ಬೆಳಕಿಗೆ ಬಂದಿದೆ. ಮಧ್ಯ ಪ್ರದೇಶದ ಬೇತುಲದಲ್ಲಿ ಈ ಘಟನೆ ನಡೆದಿದ್ದು, ಆರೋಪಿ ರಾಜೇಂದ್ರ ಸಿಂಗ್ ಅಲಿಯಾಸ್ ಕೆಂದು ಬಾಬ ಪ್ರತಿವರ್ಷ ರಕ್ಷಾಬಂಧನವನ್ನು ಭರ್ಜರಿಯಾಗಿ ಆಚರಿಸುತ್ತಿದ್ದ. ತನ್ನನ್ನು ತಾನು ಸಾವಿರ ಸಹೋದರಿಯರ ಸಹೋದರ ಎಂದು ಕರೆದುಕೊಳ್ಳುತ್ತಿದ್ದ. ಪತ್ರದಲ್ಲಿ ಆತನ ಬಗ್ಗೆ ಗಂಭೀರ ಆರೋಪಗಳಿವೆ ಎಂದು ತಿಳಿದು ಬಂದಿದೆ. ಸೋಮವಾರ ಆತನನ್ನು ಬಂಧಿಸಲಾಗಿದ್ದು, ಪೀಡಿತಳನ್ನು ಸಂಪರ್ಕಿಸಿದ ಪೊಲೀಸರಿಗೆ ಅಪರಾಧ ನಡೆದಿದ್ದು ಖಾತ್ರಿಯಾಗಿದೆ. ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದ್ದನ್ನು ಒಪ್ಪಿಕೊಂಡ ಬಾಲಕಿ, ಆತನ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಕೇಳಿಕೊಂಡಿದ್ದಾಳೆ. ಆಕೆಯ ಕುಟುಂಬಕ್ಕೆ ಬೆದರಿಕೆ ಭಯವಿರುವುದರಿಂದ ಸೂಕ್ತ ಭದ್ರತೆ ನೀಡುವುದಾಗಿ ಪೊಲೀಸರು ಭರವಸೆ ನೀಡಿದ್ದಾರೆ. ಝಾಕೀರ್ ಹುಸೇನ್ ವಾರ್ಡ್ ಕಾರ್ಪೋರೇಟ್ ಆಗಿರುವ ಆರೋಪಿ ಬರೋಬ್ಬರಿ ಒಂದು ವರ್ಷ ಆಕೆಯ ಮೇಲೆ ದೌರ್ಜನ್ಯ ಎಸಗಿದ್ದ. ಕೃತ್ಯದ ಬಗ್ಗೆ ಯಾರಲ್ಲಿಯಾದರೂ ಬಾಯ್ಬಿಟ್ಟರೆ ಪರಿಣಾಮ ಬಹಳ ಕೆಟ್ಟದಾಗಿರುತ್ತದೆ ಎಂದು ಬೆದರಿಕೆ ಹಾಕಿದ್ದ ಎಂದು ತಿಳಿದು ಬಂದಿದೆ.
from India & World News in Kannada | VK Polls https://ift.tt/301EsGL
