ಬೆಂಗಳೂರು: ಕಳೆದ ದಶಕದಲ್ಲಿ ಕ್ರಿಕೆಟ್ ಜಗತ್ತು ಕಂಡ ಸರ್ವಶ್ರೇಷ್ಠ ಬ್ಯಾಟ್ಸ್‌ಮನ್‌ ಆಗಿ ಹೊರಹೊಮ್ಮಿದ ಭಾರತ ತಂಡದ ಮಾಜಿ ನಾಯಕ , ಟೆಸ್ಟ್‌ ಕ್ರಿಕೆಟ್, ಏಕದಿನ ಕ್ರಿಕೆಟ್ ಮತ್ತು ಅಂತಾರಾಷ್ಟ್ರೀಯ ಟಿ0 ಕ್ರಿಕೆಟ್ ಎಲ್ಲದರಲ್ಲೂ 50ಕ್ಕೂ ಹೆಚ್ಚಿನ ಬ್ಯಾಟಿಂಗ್‌ ಸರಾಸರಿ ಕಾಯ್ದುಕೊಂಡ ವಿಶ್ವದ ಏಕಮಾತ್ರ ಬ್ಯಾಟ್ಸ್‌ಮನ್‌ ಆಗಿದ್ದಾರೆ. ಈಗ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಕ್ಯಾಪ್ಟನ್ಸಿ ಜವಾಬ್ದಾರಿಯಿಂದ ಮುಕ್ತರಾಗಿರುವ ವಿರಾಟ್‌ ಕೊಹ್ಲಿ, ಇತ್ತೀಚೆಗಷ್ಟೇ ಶ್ರೀಲಂಕಾ ವಿರುದ್ಧದ ಟೆಸ್ಟ್‌ ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ತಮ್ಮ ವೃತ್ತಿ ಬದುಕಿನ 100ನೇ ಟೆಸ್ಟ್‌ ಆಡಿದ ಮಹತ್ವದ ಮೈಲುಗಲ್ಲು ಮುಟ್ಟಿದರು. ಈ ಬಗ್ಗೆ ಮಾತನಾಡಿರುವ ವಿರಾಟ್‌ ಕೊಹ್ಲಿ ಅವರ ಸ್ನೇಹಿತ ಹಾಗೂ ಮಾಜಿ ಸಹ ಆಟಗಾರ , ಕೊಹ್ಲಿ ಅವರಲ್ಲಿನ ಕೆಲ ವಿಶೇಷ ಗುಣಗಳ ಬಗ್ಗೆ ಬೆಳಕು ಚೆಲ್ಲಿದ್ದಾರೆ. ಅತ್ಯಂತ ಜಾಲಿ ಮನುಷ್ಯನಾದ ವಿರಾಟ್‌ ಕೊಹ್ಲಿ, ಡ್ರೆಸಿಂಗ್‌ ರೂಮ್‌ನಲ್ಲಿ ಯಾರೊಂದಿಗೆ ಹೆಚ್ಚು ಜೋಕ್‌ಗಳನ್ನು ಮಾಡಬಹುದೋ ಅಂತಹ ವ್ಯಕ್ತಿಗಳನ್ನು ಹೆಚ್ಚು ಹುಡುಕುತ್ತಿದ್ದರು ಎಂದು ಸಾಂಗ್ವಾನ್‌ ಇತ್ತೀಚಿನ ಸಂದರ್ಶನದಲ್ಲಿ ಹೇಳಿದ್ದಾರೆ. "ಅಂಗಣದಲ್ಲಿ ಇದ್ದಾಗ ಸೋಲೊಪ್ಪಿಕೊಳ್ಳುವ ವ್ಯಕ್ತಿತ್ವ ಅವರದ್ದಲ್ಲ. ನಾನಿದ್ದೇನೆ, ನಾನೋಬ್ಬನೇ ಪಂದ್ಯ ಗೆದ್ದುಕೊಡುತ್ತೇನೆ. ಈ ಜಾಗಕ್ಕೆ ನಾನೇ ರಾಜ. ನನ್ನ ತಂಡಕ್ಕೆ ನಾನೊಬ್ಬನೇ ಪಂದ್ಯ ಗೆದ್ದುಕೊಡುವೆ ಎಂಬ ಜಂಭ ಅವರಲ್ಲಿರುತ್ತದೆ. ಆದರೆ ಡ್ರೆಸಿಂಗ್‌ ರೂಮ್‌ಗೆ ಬಂದಾಗ ಯಾರೊಂದಿಗೆ ಜೋಕ್‌ ಮಾಡಿ ಸಮಯ ಕಳೆಯಲಿ ಎಂದು ಹುಡುಕುತ್ತಿರುತ್ತಾರೆ. ಪ್ರತಿಯೊಬ್ಬರ ಮೇಲೂ ಒಂದಲ್ಲಾ ಒಂದು ಡೈಲಾಗ್‌ ಹೊಡೆಯುತ್ತಾರೆ. ಡ್ರೆಸಿಂಗ್‌ ರೂಮ್‌ ವಾತಾವರಣ ಸದಾ ಜಾಲಿಯಾಗಿರುವಂತೆ ನೋಡಿಕೊಳ್ಳುತ್ತಾರೆ. ಒತ್ತಡದ ಸಮಯ ಡ್ರೆಸಿಂಗ್‌ ರೂಮ್‌ನಲ್ಲಿ ಇಂತಹ ಜಾಲಿ ವಾತಾವರಣ ಬಹಳಾ ಮುಖ್ಯವಾಗುತ್ತದೆ," ಎಂದು ಇಂಡಿಯನ್‌ ಎಕ್ಸ್‌ಪ್ರೆಸ್‌ಗೆ ನೀಡಿದ ಸಂದರ್ಶನದಲ್ಲಿ ವಿರಾಟ್‌ ಕುರಿತಾದ ಕೆಲ ಅಪರೂಪದ ಸಂಗತಿಗಳನ್ನು ಸಾಂಗ್ವಾನ್‌ ಹಂಚಿಕೊಂಡಿದ್ದಾರೆ. ಅಂದಹಾಗೆ ಸಾಂಗ್ವಾನ್‌ ಮತ್ತು ವಿರಾಟ್‌ ಡೆಲ್ಲಿ ತಂಡದ ಪರ ದೀರ್ಘಕಾಲದವರೆಗೆ ಜೊತೆಯಾಗಿ ಆಡಿದ ಆಟಗಾರರು. ಐಪಿಎಲ್‌ 2022 ಟೂರ್ನಿಯಲ್ಲಿ ಗುಜರಾತ್‌ ಟೈಟನ್ಸ್‌ ಪರ ಆಡಲಿರುವ ಪ್ರದೀಪ್‌ ಸಾಂಗ್ವಾನ್‌, 2008ರಲ್ಲಿ ಕಿರಿಯರ ವಿಶ್ವಕಪ್‌ ಟೂರ್ನಿ ಆಡುವಾಗಲೇ ವಿರಾಟ್‌ ಕೊಹ್ಲಿ ಮುಂದೊಂದು ದಿನ ಹಿರಿಯರ ತಂಡದ ಪರ ಆಡಿ ದೊಡ್ಡ ದೊಡ್ಡ ಶತಕ ಬಾರಿಸುತ್ತಾರೆ ಎಂಬ ವಿಶ್ವಾಸ ಮೂಡಿತ್ತು ಎಂದಿದ್ದಾರೆ. " ಪರ ವಿರಾಟ್‌ ಆಡೇ ಆಡುತ್ತಾರೆ ಎಂಬ ವಿಶ್ವಾಸ ನಮ್ಮೆಲ್ಲರಲ್ಲಿತ್ತು. ಏಕೆಂದರೆ ಶತಕ ಬಾರಿಸುವುದು ಅವರಿಗೆ ಹವ್ಯಾಸವಾಗಿತ್ತು. ಆಗೆಲ್ಲಾ ಅವರು 30 ರನ್‌ ಗಡಿ ದಾಟಿದರೆ ಶತಕ ಬಾರಿಸದೆ ಬಿಡುತ್ತಿರಲಿಲ್ಲ. ಇತ್ತೀಚೆಗಷ್ಟೇ ಅವರು ಶತಕ ಬಾರಿಸಲು ಕಷ್ಟ ಪಡುತ್ತಿರುವುದನ್ನು ನಾನು ನೋಡುತ್ತಿರುವುದು. ಆಗೆಲ್ಲಾ ಸಿಕ್ಕಾಪಟ್ಟೆ ರನ್‌ ಸ್ಕೋರ್‌ ಮಾಡಿದ್ದಾರೆ. ಎಲ್ಲ ತಂಡಗಳ ವಿರುದ್ಧವೂ ರನ್‌ ಗಳಿಸುತ್ತೇನೆ ಎಂಬ ಹಠ ಅವರಲ್ಲಿತ್ತು," ಎಂದು ವಿರಾಟ್‌ ವೈಭವವನ್ನು ವಿವರಿಸಿದ್ದಾರೆ. "ದೊಡ್ಡ ತಂಡಗಳ ವಿರುದ್ಧ ದೊಡ್ಡ ಶತಕ ಬಾರಿಸುತ್ತೇನೆಂಬ ಮನಸ್ಥಿತಿ ಅವರದ್ದು. ಆಗಷ್ಟೇ ಭಾರತ ತಂಡಕ್ಕೆ ಆಡುವ ಕನಸು ನನಸಾಗುತ್ತದೆ, ಆಗಷ್ಟೇ ಜನರಿಗೆ ಅವರ ಬಗ್ಗೆ ತಿಳಿಯಲಿದೆ, ತಮ್ಮ ಬಗ್ಗೆ ಆಸಕ್ತಿ ಕೆರಳುತ್ತದೆ ಎಂದು ಭಾವಿಸಿ ಆಡುತ್ತಿದ್ದರು. ದೊಡ್ಡ ಹೆಸರು ಮಾಡುವ ಛಲ ಮೈಗೂಡಿಸಿಕೊಂಡಿದ್ದರು," ಎಂದಿದ್ದಾರೆ. 33 ವರ್ಷದ ಬಲಗೈ ಬ್ಯಾಟ್ಸ್‌ಮನ್‌ ಇದೀಗ ಟೆಸ್ಟ್‌ ಕ್ರಿಕೆಟ್ ಇತಿಹಾಸದಲ್ಲಿ ಭಾರತದ ಪರ 100 ಪಂದ್ಯಗಳನ್ನು ಆಡಿದ 12ನೇ ಆಟಗಾರ ಎನಿಸಿಕೊಂಡಿದ್ದು, ವಿಶ್ವ ಮಟ್ಟದಲ್ಲಿ ಈ ಸಾಧನೆ ಮಾಡಿದ 71ನೇ ಆಟಗಾರನಾಗಿದ್ದಾರೆ. 2008ರಲ್ಲಿ ತಮ್ಮ ನಾಯಕತ್ವದಲ್ಲಿ ಭಾರತದಕ್ಕೆ ಐಸಿಸಿ ಕಿರಿಯರ ಏಕದಿನ ಕ್ರಿಕೆಟ್ ವಿಶ್ವಕಪ್‌ ಟೂರ್ನಿ ಗೆದ್ದುಕೊಡುವ ಮೂಲಕ ಬೆಳಕಿಗೆ ಬಂದ ವಿರಾಟ್‌ ಕೊಹ್ಲಿ, ಮತ್ತೆ ತಿರುಗಿ ನೋಡಿದ್ದೇ ಇಲ್ಲ. ಯಶಸ್ಸಿನ ಹಾದಿಯಲ್ಲಿ ಮುನ್ನಡೆದು ಬಂದ ವಿರಾಟ್‌ ಸಾಲು ಸಾಲು ದಾಖಲೆಗಳನ್ನು ಮೆಟ್ಟಿ ನಿಲ್ಲುವ ಮೂಲಕ ಈಗ ಅಭಿಮಾನಿಗಳ ಪಾಲಿನ 'ಕಿಂಗ್‌ ಕೊಹ್ಲಿ' ಆಗಿ ಬೆಳೆದು ನಿಂತಿದ್ದಾರೆ. ಶ್ರೀಲಂಕಾ ಎದುರು 2008ರಲ್ಲೇ ಭಾರತ ತಂಡದ ಪರ ಏಕದಿನ ಕ್ರಿಕೆಟ್ ಆಡಿದ ವಿರಾಟ್‌, ಟೆಸ್ಟ್‌ ಕ್ರಿಕೆಟ್‌ಗೆ 2011ರಲ್ಲಿ ವೆಸ್ಟ್‌ ಇಂಡೀಸ್‌ ಎದುರು ಪದಾರ್ಪಣೆ ಮಾಡಿದರು. ನಂತರ ಎಂಎಸ್‌ ಧೋನಿ ಅವರಿಂದ ನಾಯಕತ್ವದ ಜವಾಬ್ದಾರಿಯನ್ನು ಸ್ವೀಕರಿಸಿ ಟೀಮ್ ಇಂಡಿಯಾವನ್ನು ಬರೋಬ್ಬರಿ 7 ವರ್ಷಗಳ ಕಾಲ ಮುನ್ನಡೆಸಿದರು. ಟೆಸ್ಟ್‌ ಕ್ರಿಕೆಟ್‌ನಲ್ಲಿ 2015ರ ಬಳಿಕ ಭಾರತ ತಂಡ ಅಗ್ರಸ್ಥಾನದಲ್ಲಿಯೇ ಉಳಿದುಕೊಳ್ಳುವಂತೆ ಮಾಡಿದ್ದು, ಅವರ ಬಹುದೊಡ್ಡ ಸಾಧನೆ ಆಗಿದೆ. ಆದರೆ, ಐಸಿಸಿ ಟೂರ್ನಿಗಳಲ್ಲಿ ಭಾರತಕ್ಕೆ ಟ್ರೋಫಿ ಗೆದ್ದುಕೊಡಲು ಅವರಿಂದ ಸಾಧ್ಯವಾಗಲಿಲ್ಲ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/1q4W0La
