ಬೆಂಗಳೂರು: ಇಲ್ಲಿನ ಎಂ. ಚಿನ್ನಸ್ವಾಮಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಎರಡನೇ ಹಾಗೂ ಡೇ-ನೈಟ್‌ ಟೆಸ್ಟ್‌ ಪಂದ್ಯದಲ್ಲಿ ತಂಡ ಎರಡನೇ ದಿನದಾಟದ ಅಂತ್ಯಕ್ಕೆ ಮೇಲುಗೈ ಸಾಧಿಸಿತ್ತು. ಮೂರನೇ ದಿನವಾದ ಸೋಮವಾರ ಟೀಮ್ ಇಂಡಿಯಾ ಗೆಲುವು ಪಡೆಯಲು 9 ವಿಕೆಟ್‌ಗಳನ್ನು ಪಡೆಯುವ ಅಗತ್ಯವಿದೆ. ಭಾನುವಾರ 68.5 ಓವರ್‌ಗಳಿಗೆ 9 ವಿಕೆಟ್‌ 303 ರನ್‌ ಗಳಿಸಿದ್ದ ಟೀಮ್ ಇಂಡಿಯಾ ದ್ವಿತೀಯ ಇನಿಂಗ್ಸ್‌ ಅನ್ನು ಡಿಕ್ಲೆರ್‌ ಮಾಡಿಕೊಂಡಿತ್ತು. ಆ ಮೂಲಕ ಪ್ರವಾಸಿ ತಂಡಕ್ಕೆ 447 ರನ್‌ ಕಠಿಣ ಗುರಿ ನೀಡಿತ್ತು. ನಂತರ ಗುರಿ ಹಿಂಬಾಲಿಸಿದ್ದ ಶ್ರೀಲಂಕಾ ತಂಡ ಎರಡನೇ ದಿನದಾಟದ ಅಂತ್ಯಕ್ಕೆ 7 ಓವರ್‌ಗಳಿಗೆ ಒಂದು ವಿಕೆಟ್‌ ನಷ್ಟಕ್ಕೆ 28 ರನ್‌ ಗಳಿಸಿತ್ತು. ಪಿಂಕ್‌ ಬಾಲ್‌ ಚೆಂಡಿನಲ್ಲಿ ಬ್ಯಾಟಿಂಗ್‌ಗೆ ಕಠಿಣವಾಗಿರುವ ಬೆಂಗಳೂರು ಪಿಚ್‌ನಲ್ಲಿ ಶ್ರೀಲಂಕಾ ತಂಡ ಇನ್ನುಳಿದ 419 ರನ್‌ಗಳನ್ನು ಚೇಸ್‌ ಮಾಡಲು ಇನ್ನೂ ಮೂರು ದಿನಗಳ ಸಮಯವಿದೆ. ಆದರೆ ಭಾರತ ತಂಡದ ಬಲಿಷ್ಠ ಬೌಲಿಂಗ್‌ ಲೈನ್‌ ಅಪ್‌ ಅನ್ನು ಮೆಟ್ಟಿ ನಿಲ್ಲುವುದು ಹೇಳಿಕೊಳ್ಳುವಷ್ಟು ಸುಲಭವಲ್ಲ. ಏಕೆಂದರೆ ಪ್ರಥಮ ಇನಿಂಗ್ಸ್‌ನಲ್ಲಿ 109 ರನ್‌ಗಳಿಂದ ಪ್ರವಾಸಿಗರು ಆಲ್‌ಔಟ್‌ ಆಗಿದ್ದರು. ಆದರೆ ನಾಯಕತ್ವದ ಟೀಮ್ ಇಂಡಿಯಾ ಇನ್ನುಳಿದ 9 ವಿಕೆಟ್‌ಗಳನ್ನು ಸೋಮವಾರ ಉರುಳಿಸುವ ಮೂಲಕ ಇನ್ನೂ ಎರಡು ದಿನ ಬಾಕಿ ಇರುವಾಗಲೇ ಎರಡನೇ ಟೆಸ್ಟ್‌ನಲ್ಲಿ ಗೆಲುವು ತನ್ನದಾಗಿಸಿಕೊಳ್ಳುವ ಯೋಜನೆಯನ್ನು ಹಾಕಿಕೊಂಡಿದೆ. ಇದರೊಂದಿಗೆ ಎರಡು ಪಂದ್ಯಗಳ ಟೆಸ್ಟ್‌ ಸರಣಿಯನ್ನು 2-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ ಮಾಡಿಕೊಳ್ಳಲು ಎದುರು ನೋಡುತ್ತಿದೆ. ಸಂಕ್ಷಿಪ್ತ(ಎರಡನೇ ದಿನದಾಟದ ಅಂತ್ಯಕ್ಕೆ) ಭಾರತ: ಮೊದಲ ಇನಿಂಗ್ಸ್‌ನಲ್ಲಿ 59.1 ಓವರ್‌ಗಳಲ್ಲಿ 252/10 (ಶ್ರೇಯಸ್‌ ಅಯ್ಯರ್‌ 92, ಹನುಮ ವಿಹಾರಿ 31, ವಿರಾಟ್‌ ಕೊಹ್ಲಿ 23, ರಿಷಭ್ ಪಂತ್‌ 39; ಲಸಿತ್ ಎಂಬುಲ್ದೇನಿಯಾ 94ಕ್ಕೆ 3, ಪ್ರವೀಣ್‌ ಜಯವಿಕ್ರಮ 81 ಕ್ಕೆ 3, ಧನಂಜಯ್‌ ಡಿ ಸಿಲ್ವಾ 32ಕ್ಕೆ 2). ಶ್ರೀಲಂಕಾ: ಪ್ರಥಮ ಇನಿಂಗ್ಸ್‌ನಲ್ಲಿ 35.5 ಓವರ್‌ಗಳಿಗೆ 109/10 (ಏಂಜೆಲೊ ಮ್ಯಾಥ್ಯೂಸ್‌ 43, ನಿರೋಶನ್‌ ಡಿಕ್ವೆಲ್ಲಾ 21; ಜಸ್‌ಪ್ರಿತ್‌ ಬುಮ್ರಾ 24 ಕ್ಕೆ 5, ಮೊಹಮ್ಮದ್‌ ಶಮಿ 18ಕ್ಕೆ 2, ಆರ್‌ ಅಶ್ವಿನ್‌ 30 ಕ್ಕೆ 2). ಭಾರತ: ಎರಡನೇ ಇನಿಂಗ್ಸ್‌ 68.5 ಓವರ್‌ಗಳಲ್ಲಿ 9 ವಿಕೆಟ್‌ಗೆ 303 ರನ್‌ ಡಿಕ್ಲೇರ್‌ (ರೋಹಿತ್‌ ಶರ್ಮಾ 46, ಹನುಮ ವಿಹಾರಿ 35, ರಿಷಭ್ ಪಂತ್‌ 50, ಶ್ರೇಯಸ್‌ ಅಯ್ಯರ್‌ 67; ಪ್ರವೀಣ್‌ ಜಯವಿಕ್ರಮ 78ಕ್ಕೆ 4, ಲಸಿತ್ ಎಂಬುಲ್ದೇನಿಯ 87ಕ್ಕೆ 3). ಶ್ರೀಲಂಕಾ: ದ್ವಿತೀಯ ಇನಿಂಗ್ಸ್‌ 7 ಓವರ್‌ಗಳಲ್ಲಿ 1 ವಿಕೆಟ್‌ಗೆ 28 ರನ್‌ ( 10*, ಕುಶಲ್‌ ಮೆಂಡಿಸ್‌ 16*; ಜಸ್‌ಪ್ರೀತ್‌ ಬುಮ್ರಾ 9ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/AKoYnS9
