ಬೆಂಗಳೂರು: ವಿರುದ್ಧದ ಟೆಸ್ಟ್‌ ಕ್ರಿಕೆಟ್ ಸರಣಿಯಿಂದ ಭಾರತ ತಂಡದ ಇಬ್ಬರು ಅನುಭವಿ ಬ್ಯಾಟ್ಸ್‌ಮನ್‌ಗಳಾದ ಅಜಿಂಕ್ಯ ರಹಾನೆ ಮತ್ತು ಚೇತೇಶ್ವರ್‌ ಪೂಜಾರ ಅವರನ್ನು ಹೊರಗಿಡಲಾಗಿತ್ತು. ಅನುಭವಿಗಳ ಅನುಪಸ್ಥಿತಿಯಲ್ಲಿ ಸಿಕ್ಕ ಅವಕಾಶವನ್ನು ಎರಡೂ ಕೈಗಳಿಂದ ಬಾಚಿಕೊಂಡಿರುವ ಯುವ ಬ್ಯಾಟ್ಸ್‌ಮನ್‌ ಎಲ್ಲರ ಗಮನ ತಮ್ಮತ್ತ ಸೆಳೆದಿದ್ದಾರೆ. ಶ್ರೀಲಂಕಾ ವಿರುದ್ಧ ನಡೆದ ಮೊತ್ತ ಮೊದಲ ಪಿಂಕ್‌ ಬಾಲ್‌ ಟೆಸ್ಟ್‌ ಪಂದ್ಯದ ಎರಡೂ ಇನಿಂಗ್ಸ್‌ಗಳಲ್ಲಿ ಅರ್ಧಶತಕ ಬಾರಿಸಿದ ಶ್ರೇಯಸ್‌ ಪಂದ್ಯ ಶ್ರೇಷ್ಠ ಗೌರವಕ್ಕೂ ಭಾಜನರಾದರು. ಪಂದ್ಯವನ್ನು 238 ರನ್‌ಗಳಿಂದ ಗೆದ್ದು ಸರಣಿಯನ್ನು 2-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ ಮಾಡಿದ ಬಳಿಕ ಮಾತನಾಡಿದ ಕ್ಯಾಪ್ಟನ್ , ಯುವ ಬ್ಯಾಟ್ಸ್‌ಮನ್‌ನ ಅಮೋಘ ಆಟವನ್ನು ಗುಣಗಾನ ಮಾಡಿದ್ದಾರೆ. "ಇದೊಂದು ಅಮೋಘ ಓಟ. ತಂಡವಾಗಿ ಮತ್ತು ವೈಯಕ್ತಿಕವಾಗಿ ಬಹಳಾ ತೃಪ್ತಿ ನೀಡಿದೆ. ಒಂದು ತಂಡವಾಗಿ ಕೆಲ ಸಾಧನೆಗಳನ್ನು ಮೆಟ್ಟಿನಿಲ್ಲುವ ಗುರಿ ಹೊಂದಿದ್ದೆವು. ಅದನ್ನು ಸಾಧಿಸಿರುವುದಕ್ಕೆ ಸಂತಸವಿದೆ. ಬ್ಯಾಟ್ಸ್‌ಮನ್‌ ಆಗಿ ಜಡೇಜಾ ಅವರ ಪ್ರಗತಿ ಕಂಡಿದ್ದೇವೆ. ಅವರ ಬೌಲಿಂಗ್ ಪ್ರದರ್ಶನ ಮತ್ತಷ್ಟು ಸುಧಾರಿಸಿದೆ. ಅವರ ಫೀಲ್ಡಿಂಗ್‌ ಬಗ್ಗೆ ಮಾತೇ ಇಲ್ಲ," ಎಂದು ಪಂದ್ಯದ ಬಳಿಕ ಮಾತನಾಡಿದ ರೋಹಿತ್‌ ಹೇಳಿದ್ದಾರೆ. "ಶ್ರೇಯಸ್‌ ಟಿ20 ಸರಣಿಯಲ್ಲಿ ನೀಡಿದ ಅದ್ಭುತ ಪ್ರದರ್ಶನವನ್ನು ಇಲ್ಲೂ ಮುಂದುವರಿಸಿದರು. ಭಾರತ ತಂಡದಲ್ಲಿ ಅವರ ಮೇಲಿನ ಜವಾಬ್ದಾರಿ ದೊಡ್ಡದಿದೆ. ಪೂಜಾರ ಮತ್ತು ರಹಾನೆ ಅವರಂತಹ ದಿಗ್ಗಜರ ಸ್ಥಾನವನ್ನು ಅವರು ತುಂಬಬೇಕಿದೆ. ಇದನ್ನು ಸಾಧಿಸಲು ಬೇಕಾದ ಎಲ್ಲಾ ಸಾಮರ್ಥ್ಯ ಅವರಲ್ಲಿದೆ. ಇಲ್ಲಿಯವರೆಗೆ ಉತ್ತಮ ಪ್ರದರ್ಶನ ನೀಡಿದ್ದಾರೆ. ವಿದೇಶಿ ಪಿಚ್‌ಗಳಲ್ಲಿ ಅವರಿಗೆ ನೈಜ ಸವಾಲು ಎದುರಾಗಲಿದೆ," ಎಂದಿದ್ದಾರೆ. ಪಿಂಕ್‌ ಬಾಲ್‌ ಟೆಸ್ಟ್‌ನ ಸಂಕ್ಷಿಪ್ತ ಸ್ಕೋರ್‌ಭಾರತ: ಮೊದಲ ಇನಿಂಗ್ಸ್‌ನಲ್ಲಿ 59.1 ಓವರ್‌ಗಳಲ್ಲಿ 252/10 (ಶ್ರೇಯಸ್‌ ಅಯ್ಯರ್‌ 92, ಹನುಮ ವಿಹಾರಿ 31, ವಿರಾಟ್‌ ಕೊಹ್ಲಿ 23, ರಿಷಭ್ ಪಂತ್‌ 39; ಲಸಿತ್ ಎಂಬುಲ್ದೇನಿಯಾ 94ಕ್ಕೆ 3, ಪ್ರವೀಣ್‌ ಜಯವಿಕ್ರಮ 81 ಕ್ಕೆ 3, ಧನಂಜಯ್‌ ಡಿ ಸಿಲ್ವಾ 32ಕ್ಕೆ 2). ಶ್ರೀಲಂಕಾ: ಪ್ರಥಮ ಇನಿಂಗ್ಸ್‌ನಲ್ಲಿ 35.5 ಓವರ್‌ಗಳಿಗೆ 109/10 (ಏಂಜೆಲೊ ಮ್ಯಾಥ್ಯೂಸ್‌ 43, ನಿರೋಶನ್‌ ಡಿಕ್ವೆಲ್ಲಾ 21; ಜಸ್‌ಪ್ರಿತ್‌ ಬುಮ್ರಾ 24 ಕ್ಕೆ 5, ಮೊಹಮ್ಮದ್‌ ಶಮಿ 18ಕ್ಕೆ 2, ಆರ್‌ ಅಶ್ವಿನ್‌ 30 ಕ್ಕೆ 2). ಭಾರತ: ಎರಡನೇ ಇನಿಂಗ್ಸ್‌ 68.5 ಓವರ್‌ಗಳಲ್ಲಿ 9 ವಿಕೆಟ್‌ಗೆ 303 ರನ್‌ ಡಿಕ್ಲೇರ್‌ (ರೋಹಿತ್‌ ಶರ್ಮಾ 46, ಹನುಮ ವಿಹಾರಿ 35, ರಿಷಭ್ ಪಂತ್‌ 50, ಶ್ರೇಯಸ್‌ ಅಯ್ಯರ್‌ 67; ಪ್ರವೀಣ್‌ ಜಯವಿಕ್ರಮ 78ಕ್ಕೆ 4, ಲಸಿತ್ ಎಂಬುಲ್ದೇನಿಯ 87ಕ್ಕೆ 3). ಶ್ರೀಲಂಕಾ: ದ್ವಿತೀಯ ಇನಿಂಗ್ಸ್‌ 59.3 ಓವರ್‌ಗಳಲ್ಲಿ 208/10 (ದಿಮುತ್‌ ಕರುಣಾರತ್ನೆ 107, ಕುಶಾಲ್‌ ಮೆಂಡಿಸ್‌ 54; ಜಸ್‌ಪ್ರೀತ್‌ ಬುಮ್ರಾ 23ಕ್ಕೆ 3 ಕ್ಕೆ 1, ಆರ್‌ ಅಶ್ವಿನ್‌ 55 ಕ್ಕೆ 4, ಅಕ್ಷರ್‌ ಪಟೇಲ್‌ 37 ಕ್ಕೆ 2, ರವೀಂದ್ರ ಜಡೇಜಾ 48 ಕ್ಕೆ 1). ಪಂದ್ಯಶ್ರೇಷ್ಠ: ಶ್ರೇಯಸ್‌ ಅಯ್ಯರ್‌ಸರಣಿಶ್ರೇಷ್ಠ: ರಿಷಭ್ ಪಂತ್‌
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/7gYIFMx
