ಸುನೀಲ್‌ಕುಮಾರ್‌ ಎಸ್‌.ಎಂ. ಸಿರಿಗೆರೆ: ಸದಾ ಮೆಕ್ಕೆಜೋಳ, ಹತ್ತಿ ಬೆಳೆದು ನಷ್ಟಕ್ಕೊಳಾಗಿದ್ದ ರೈತನೊಬ್ಬ, ತನ್ನ ಒಂದು ಎಕರೆಯಲ್ಲಿ ಹೊಸ ಪ್ರಯೋಗವೊಂದನ್ನು ಕೈಗೊಂಡಿದ್ದು, ಫಲ ನಿರೀಕ್ಷೆಯಲ್ಲಿದ್ದಾರೆ. ಚಿತ್ರದುರ್ಗ ತಾಲೂಕಿನ ಸಿರಿಗೆರೆ ಸಮೀಪದ ಪದವೀಧರ ಬೀರವಾರದ ದರ್ಶನ್‌ ಎಂಬುವರು ಎಂಬ ಬೆಳೆಗೆ ಕೈಹಾಕುವುದರ ಮೂಲಕ ಸುತ್ತಮುತ್ತಲಿನ ರೈತರ ಗಮನ ಸೆಳೆದಿದ್ದಾರೆ. ಮೊದಲ ಬಾರಿಗೆ ಸಸಿನೆಟ್ಟು ಪ್ರಯೋಗಶೀಲ ಕೃಷಿಗೆ ಕೈ ಹಾಕಿದ್ದಾರೆ. ರಾಷ್ಟೀಯ ಮತ್ತು ಅಂತರಾಷ್ಟೀಯ ಮಾರುಕಟ್ಟೆಯಲ್ಲಿ ಡ್ರ್ಯಾಗನ್‌ ಫ್ರೂಟ್ಸ್‌ಗೆ ಬಹು ಬೇಡಿಕೆ ಇರುವ ಹಿನ್ನೆಲೆಯಲ್ಲಿ ಈ ಬೆಳೆ ಬೆಳೆಯಲು ರೈತ ಮುಂದಾಗಿದ್ದಾರೆ. ಬೆಳೆ ವಿಧಾನ : ಡ್ರ್ಯಾಗನ್‌ ಫ್ರೂಟ್‌ ಬೆಳೆಯಲು ಜಮೀನು ಹದ ಮಾಡಬೇಕು. ನಂತರ ಬದುಗಳಾಗಿ ನಿರ್ಮಿಸಿ, ಆ ಬದುಗಳ ಮೇಲೆ ಕಲ್ಲುಕಂಬ ಅಳವಡಿಸಬೇಕು. 1 ಕಲ್ಲುಕಂಬದ ಮೇಲೆ ಬೈಕಿನ ಹಳೆ ಟೈರ್‌ಗಳನ್ನು ಕಬ್ಬಿಣದ ಸರಳುಗಳ ಜೊತೆ ಜೋಡಿಸಬೇಕು. 1 ಕಂಬದಿಂದ 8 ಅಡಿ ಅಂತರದಲ್ಲಿ ಮತ್ತೊಂದು ಕಂಬ ಮತ್ತು ಬದುವಿಂದ ಬದುವಿಗೆ 12 ಅಡಿ ಅಂತರ ಇರಬೇಕು. 1 ಎಕರೆಗೆ 500 ಕಂಬಗಳು ಬರುತ್ತವೆ ಎನ್ನುತ್ತಾರೆ ರೈತ. ನಾಟಿ : ಒಂದು ಕಂಬಕ್ಕೆ 4 ರಿಂದ 5 ಹಣ್ಣಿನ ಸಸಿಗಳಂತೆ ಒಟ್ಟು 2000 ಹೆಚ್ಚು ಕೆಂಪು, ಗುಲಾಬಿ ಬಣ್ಣದ ಉತ್ತಮ ತುಂಡುಗಳನ್ನು ತಂದು ನಾಟಿ ಮಾಡಲಾಗಿದೆ. ಇವುಗಳಿಗೆ ಹನಿ ನೀರಾವರಿ ಮೂಲಕ ನೀರುಣಿಸಲಾಗುತ್ತಿದೆ. ಒಂದು ಎಕರೆಗೆ 5 ರಿಂದ 6 ಲಕ್ಷ ಖರ್ಚು ಮಾಡಿದ್ದು, ನಿಧಾನವಾಗಿ ಫಲ ಬರಲಿದೆ ಎಂಬುದು ರೈತನ ಅಭಿಪ್ರಾಯ. ಅವಧಿ ಎಷ್ಟು : 15 ರಿಂದ ರಿಂದ 18 ತಿಂಗಳ ಒಳಗೆ ಡ್ರ್ಯಾಗನ್‌ ಹಣ್ಣು ಕೈಗೆ ಸಿಗುತ್ತದೆ. ಮಹಾರಾಷ್ಟ್ರದಿಂದ 1 ಸಸಿಗೆ 60 ರೂ.ಕೊಟ್ಟು ತರಲಾಗಿದೆ. ಕಡಿಮೆ ನೀರಿನಲ್ಲಿ ಈ ಬೆಳೆ ಬೆಳೆಯಬಹುದು. ಕೊಟ್ಟಿಗೆ ಗೊಬ್ಬರ, ಕೋಳಿ ಗೊಬ್ಬರ ಸೇರಿದಂತೆ ಅಗತ್ಯ ಪೋಷಕಾಂಶಗಳ ಗೊಬ್ಬರ ಅಗತ್ಯವಿದೆ. ಬೇಡಿಕೆ ಹೆಚ್ಚು ಹಾಗೂ ಮಾರುಕಟ್ಟೆ ಸೌಲಭ್ಯ : ಡ್ರ್ಯಾಗನ್‌ ಪ್ರೂಟ್ಸ್‌ ಥೈಲ್ಯಾಂಡ್‌, ಆಸ್ಟ್ರೇಲಿಯಾ, ಶ್ರೀಲಂಕಾ, ಅಮೆರಿಕಾ ದೇಶಗಳಲ್ಲಿ ಹೆಚ್ಚು ಬೇಡಿಕೆ ಇದೆ. ಈಗ ಮಾರುಕಟ್ಟೆಯಲ್ಲಿ 1 ಕೆಜಿ ಡ್ರ್ಯಾಗನ್‌ ಪ್ರೂಟ್ಸ್‌ಗೆ 180 ರಿಂದ 250 ವರೆಗೆ ಇದೆ. ಬಾಂಬೆ, ಬೆಂಗಳೂರು, ಮಹಾರಾಷ್ಟ ಮುಂತಾದ ಕಡೆಗಳಿಂದ ಬೇಡಿಕೆದಾರರು ಕೊಳ್ಳಲು ಮುಂದೆ ಬರುತ್ತಿದ್ದಾರೆ. ಏನಿದು ಡ್ರ್ಯಾಗನ್‌ ಫ್ರೂಟ್ಸ್‌? ಯಾಕೆ ತಿನ್ನಬೇಕು? : ಡ್ರ್ಯಾಗನ್‌ ಫ್ರೂಟ್ಸ್‌ ತಿನ್ನಲು ರುಚಿಕರವಾಗಿರುತ್ತದೆ ಹಾಗೂ ಔಷಧೀಯ ಗುಣಗಳನ್ನು ಹೊಂದಿದೆ. ಇದರಿಂದ ಬಹುಬೇಡಿಕೆ ಈ ಹಣ್ಣಿಗಿದೆ. ಇದು ಹೆಚ್ಚು ನೀರಿನಾಂಶ, ಪ್ರೋಟೀನ್‌ ಒಮೆಗಾ-3, 6 ಹಾಗೂ ಕೊಬ್ಬಿನ ಆಮ್ಲಗಳಿಂದ ಕೂಡಿದೆ. ಸಕ್ಕರೆ ಕಾಯಿಲೆ, ಬಿ.ಪಿ, ಹೃದಯಸಂಬಂಧಿ, ಗ್ಯಾಸ್ಟಿಕ್‌, ಕೊಲೆಸ್ಟ್ರಾಲ್‌ ಕಡಿಮೆಗೊಳಿಸುವಲ್ಲಿ, ಬಿಳಿರಕ್ತಕಣಗಳನ್ನು ಹೆಚ್ಚಿಸುವಲ್ಲಿ ಮತ್ತು ಡೆಂಗಿ ಜ್ವರಕ್ಕೆ, ಕ್ಯಾನ್ಸರ್‌ ಮತ್ತು ಸೇರಿದಂತೆ ಇತರೆ ಕಾಯಿಲೆಗಳಿಗೆ ಈ ಹಣ್ಣು ರಾಮಬಾಣ. ಅಲ್ಲದೆ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ವೃದ್ಧಿಸುತ್ತದೆ. ಜೊತೆಗೆ ಇದರ ಸಿಪ್ಪೆ ತೆಗೆದು ಚರ್ಮ ಕಾಯಿಲೆ ಇರುವವರು 2 ರಿಂದ 3 ಬಾರಿ ಸ್ನಾನ ಮಾಡಿದರೆ ಚರ್ಮ ಕಾಯಿಲೆ ಮಾಯವಾಗುತ್ತದೆ ಎನ್ನುತ್ತಾರೆ ವೈದ್ಯರು. ನಿರ್ವಹಣೆ
- ಈ ಬೆಳೆಗೆ ಹೆಚ್ಚು ನೀರು ಬೇಕಾಗಿಲ್ಲ
- ಸ್ವಲ್ಪ ನೀರುಕೊಟ್ಟರೆ ಸಾಕು ಬದುಕುತ್ತದೆ
- ಬೇಸಿಗೆ ಕಾಲದಲ್ಲಿ ಒಂದು ಗಿಡಕ್ಕೆ ವಾರಕ್ಕೆ 10 ಲೀಟರ್‌ ನೀರು
- ಒಮ್ಮೆ ನೆಡುವುದು ಕಷ್ಟದ ಕೆಲಸ ಬಳಿಕ ನಿರ್ವಹಣೆ ಸುಲಭ.
- ಕೀಟ-ರೋಗ ಸಮಸ್ಯೆಗಳು ಕಡಿಮೆ.
- ನಿರಂತರ ಆದಾಯ ಬರುತ್ತದೆ.
from India & World News in Kannada | VK Polls https://ift.tt/swbPSMV
