ರಂಗಾಯಣದಲ್ಲಿ ಮಾಜಿ ಸಿಎಂ ಮಗನ ಶ್ರದ್ಧಾಂಜಲಿ ಸಭೆ ಮಾಡಿದಾಗ ಯಾಕೆ ಪ್ರಶ್ನಿಸಲಿಲ್ಲ?; ಅಡ್ಡಂಡ ಕಾರ್ಯಪ್ಪ ಟೀಕೆ

‘ತನ್ನ ಹೆಂಡತಿ, ಮಕ್ಕಳಿಗೆ ನಿರ್ದೇಶಕರೊಬ್ಬರು ಸಂಭಾವನೆ ಕೊಡಿಸಿಕೊಂಡಾಗ ಯಾರೂ ತಲೆಕೆಡಿಸಿಕೊಳ್ಳಲಿಲ್ಲ. ಬಿ.ವಿ.ಕಾರಂತರ ಹೆಸರಿನಲ್ಲಿ ಕಾಸು ಮಾಡಿಕೊಂಡಾಗಲೂ ಎಲ್ಲರೂ ಸುಮ್ಮನಿದ್ದರು. ಬಿಳಿ ಶರ್ಟು- ಬಿಳಿ ಪ್ಯಾಂಟು ಹಾಕಿಕೊಂಡು ಇದೇ ಸಮಾಜವಾದ ಎನ್ನುತ್ತಾ ಕನ್ನಡ ಸಂಸ್ಕೃತಿ ಇಲಾಖೆಯಿಂದ 75 ಲಕ್ಷ ಹಣವನ್ನು ಪಡೆದುಕೊಂಡು, 2 ಎಕರೆ ಜಾಗವನ್ನು ಲಪಟಾಯಿಸಿದ ಪೆಟ್ರೋಲ್‌ ಬಂಕ್‌ ಮಾಲೀಕನನ್ನೂ ಯಾರೂ ಪ್ರಶ್ನಿಸಲಿಲ್ಲ. ಶ್ರೇಷ್ಠ ಸಾಹಿತಿ ಡಾ.ಎಸ್‌.ಎಲ್‌.ಭೈರಪ್ಪ ಅವರನ್ನು ಈ ಹಿಂದೆ ರಂಗಾಯಣಕ್ಕೆ ಒಮ್ಮೆಯೂ ಆಹ್ವಾನಿಸದಿದ್ದರೂ ಯಾರು ಯಾಕೆ ಪ್ರಶ್ನಿಸಲಿಲ್ಲ’ ಎಂದು ಅಡ್ಡಂಡ ಕಾರ್ಯಪ್ಪ ಪ್ರಶ್ನಿಸಿದರು.

from India & World News in Kannada | VK Polls https://ift.tt/6v1eg2O