ನ್ಯೂಯಾರ್ಕ್: ಪ್ರತಿಷ್ಠಿತ ಅಮೆರಿಕನ್ ಓಪನ್ ಟೆನಿಸ್ ಟೂರ್ನಮೆಂಟ್ನಲ್ಲಿ ಸೋಲಿನ ಆಘಾತ ಎದುರಿಸಿರುವ ಐದು ಬಾರಿಯ ಚಾಂಪಿಯನ್ ಸ್ವಿಜರ್ಲೆಂಡ್ನ , ಕೂಟದಿಂದಲೇ ಹೊರನಡೆದಿದ್ದಾರೆ. ಮಂಗಳವಾರ ನಡೆದ ಪುರುಷ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಮುಖಾಮುಖಿಯಲ್ಲಿ ಮೂರನೇ ಶ್ರೇಯಾಂಕಿತರಾಗಿರುವ ರೋಜರ್ ಫೆಡರರ್, 6-3, 4-6, 6-3, 4-6, 2-6ರ ಅಂತರದಲ್ಲಿ ಬಲ್ಗೇರಿಯಾದ ಗ್ರಿಗೋರ್ ಡಿಮಿಟ್ರೋವ್ ವಿರುದ್ಧ ಸೋಲನ್ನಪ್ಪಿದರು. ದಾಖಲೆಯ 20 ಗ್ರ್ಯಾನ್ ಸ್ಲಾಮ್ ಗೆದ್ದ ಸಾಧನೆ ಮಾಡಿರುವ ರೋಜರ್ ಫೆಡರರ್ಗೆ 11 ವರ್ಷಗಳ ಸುದೀರ್ಘ ಅಮೆರಿಕನ್ ಓಪನ್ ಪ್ರಶಸ್ತಿ ಬರ ನೀಗಿಸಲು ಸುವರ್ಣಾವಕಾಶವೊದಗಿ ಬಂದಿತ್ತು. ಆದರೆ ಅದರ ಸಂಪೂರ್ಣ ಪ್ರಯೋಜನ ಪಡೆಯುವಲ್ಲಿ ವಿಫಲವಾಗಿದ್ದಾರೆ. ಫೆಡರರ್ 2004ರಿಂದ 2008ನೇ ಇಸವಿಯ ವರೆಗೆ ಸತತವಾಗಿ ಐದು ಬಾರಿ ಯುಎಸ್ ಓಪನ್ ಗೆದ್ದ ಸಾಧನೆ ಮಾಡಿದ್ದರು. ಆದರೆ ಈ ಬಾರಿ 78ನೇ ರ್ಯಾಂಕ್ನ ಡಿಮಿಟ್ರೋವ್ ವಿರುದ್ಧ ಸೋಲಿನ ಆಘಾತವನ್ನು ಎದುರಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZxEE4O
