ಕಿಂಗ್‌ಸ್ಟನ್: ಭಾರತ ಕ್ರಿಕೆಟ್ ತಂಡದ ಯುವ ಭರವಸೆಯ ವಿಕೆಟ್ ಕೀಪರ್ , ಪ್ರಸಕ್ತ ವೆಸ್ಟ್‌ಇಂಡೀಸ್ ವಿರುದ್ಧ ಸಾಗುತ್ತಿರುವ ಟೆಸ್ಟ್ ಸರಣಿಯಲ್ಲಿ ಬ್ಯಾಟಿಂಗ್‌ನಲ್ಲಿ ಮಿಂಚಲು ವಿಫಲವಾಗಿರಬಹುದು. ಆದರೆ ವಿಕೆಟ್ ಹಿಂದುಗಡೆ ಸ್ಮರಣೀಯ ಮೈಲುಗಲ್ಲನ್ನು ತಲುಪಿದ್ದಾರೆ. ಭಾರತದ ಮಾಜಿ ನಾಯಕ ದಾಖಲೆಯನ್ನು ಮುರಿದಿರುವ ಪಂತ್, ಅತಿ ವೇಗದಲ್ಲಿ 50 ಡಿಸ್ಮಿಸಲ್‌ಗಳನ್ನು ಮಾಡಿದ ವಿಕೆಟ್ ಕೀಪರ್‌ಗಳ ಸಾಲಿನಲ್ಲಿ ಆಸ್ಟ್ರೇಲಿಯಾದ ಮಾಜಿ ದಿಗ್ಗಜ ಆ್ಯಡಂ ಗಿಲ್‌ಕ್ರಿಸ್ಟ್ ಜತೆಗೆ ಜಂಟಿ ಎರಡನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ವೇಗದಲ್ಲಿ 50 ಡಿಸ್ಮಿಸಲ್‌ಗಳನ್ನು ಮಾಡಿದ ದಾಖಲೆಯನ್ನು ದಕ್ಷಿಣ ಆಫ್ರಿಕಾದ ಮಾಜಿ ವಿಕೆಟ್ ಕೀಪರ್ ಮಾರ್ಕ್ ಬೌಚರ್, ಇಂಗ್ಲೆಂಡ್‌ನ ಜಾನಿ ಬೈರ್‌ಸ್ಟೋವ್ ಹಾಗೂ ಆಸ್ಟ್ರೇಲಿಯಾ ಟಿಮ್ ಪೈನ್ ಜಂಟಿಯಾಗಿ ಹಂಚಿಕೊಂಡಿದ್ದಾರೆ. ಇದೀಗ ಪಂತ್ 11 ಟೆಸ್ಟ್ ಪಂದ್ಯಗಳಲ್ಲಿ ಈ ಸಾಧನೆ ಮಾಡುವ ಮೂಲಕ ಎರಡನೇ ಸ್ಥಾನ ಪಡೆದಿದ್ದಾರೆ. ಈ ಮೂಲಕ ಅತಿ ವೇಗದಲ್ಲಿ 50 ಡಿಸ್ಮಿಸಲ್ ಸಾಧನೆ ಮಾಡಿದ ಭಾರತದ ವಿಕೆಟ್ ಕೀಪರ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ಮಹೇಂದ್ರ ಸಿಂಗ್ ಧೋನಿ 15 ಪಂದ್ಯಗಳಲ್ಲಿ ಇದೇ ಸಾಧನೆ ಮಾಡಿದ್ದರು. ಟೆಸ್ಟ್‌ನಲ್ಲಿ ಅತಿ ವೇಗದಲ್ಲಿ 50 ಡಿಸ್ಮಿಸಲ್ ಸಾಧನೆಗೈದ ವಿಕೆಟ್ ಕೀಪರ್‌ಗಳು: ಮಾರ್ಕ್ ಬೌಷರ್/ಜಾನಿ ಬೈರ್‌ಸ್ಟೋವ್/ಟಿಮ್ ಪೈನ್: 10 ಆ್ಯಡಂ ಗಿಲ್‌ಕ್ರಿಸ್ಟ್/ರಿಷಬ್ ಪಂತ್: 11
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2kkIuKX
