ಕಿಂಗ್‌ಸ್ಟನ್: ಭಾರತದ ಮಾಜಿ ದಿಗ್ಗಜ ಆಲ್‌ರೌಂಡರ್ ದಾಖಲೆಯನ್ನೇ ಮುರಿದಿರುವ ಬಲಗೈ ವೇಗಿ , ಏಷ್ಯಾ ಹೊರಗಡೆ ದೇಶದ ನಂ.1 ವೇಗದ ಬೌಲರ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ವೆಸ್ಟ್‌ಇಂಡೀಸ್ ವಿರುದ್ಧ ಜಮೈಕಾದ ಕಿಂಗ್‌ಸ್ಟನ್‌ನಲ್ಲಿ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಇಶಾಂತ್ ಶರ್ಮಾ, ಈ ಸ್ಮರಣೀಯ ದಾಖಲೆ ಬರೆದಿದ್ದಾರೆ. ವಿದೇಶ ನೆಲದಲ್ಲಿ 45 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಇಶಾಂತ್ ಶರ್ಮಾ 156 ವಿಕೆಟುಗಳನ್ನು ಕಬಳಿಸಿದ್ದಾರೆ. ಮಾಜಿ ವೇಗಿ ಕಪಿಲ್ ದೇವ್ 45 ಟೆಸ್ಟ್ ಪಂದ್ಯಗಳಲ್ಲಿ 155 ವಿಕೆಟುಗಳನ್ನು ಪಡೆದಿದ್ದಾರೆ. ಇದೀಗ 45 ಟೆಸ್ಟ್‌ಗಳಲ್ಲೇ ಕಪಿಲ್ ದಾಖಲೆ ಮುರಿದಿರುವುದು ಗಮನಾರ್ಹವೇ ಸರಿ. ಅಂದ ಹಾಗೆ ವಿದೇಶಿ ನೆಲದಲ್ಲಿ ಅತಿ ಹೆಚ್ಚು ವಿಕೆಟುಗಳನ್ನು ಕಬಳಿಸಿದ ಗೌರವ ಜಂಬೋ ಖ್ಯಾತಿಯ ಅನಿಲ್ ಕುಂಬ್ಳೆ ಅವರ ಹೆಸರಲಿದ್ದು, 50 ಟೆಸ್ಟ್ ಪಂದ್ಯಗಳಲ್ಲಿ 200 ವಿಕೆಟ್ ಕಬಳಿಸಿದ್ದರು. ಏಷ್ಯಾ ಹೊರಗಡೆ ಭಾರತದ ಟಾಪ್ 5 ಬೌಲರ್‌ಗಳು: ಅನಿಲ್ ಕುಂಬ್ಳೆ 200 ವಿಕೆಟ್ (50 ಪಂದ್ಯ) ಇಶಾಂತ್ ಶರ್ಮಾ 156 ವಿಕೆಟ್ (45 ಪಂದ್ಯ) ಕಪಿಲ್ ದೇವ್ 155 ವಿಕೆಟ್ (45 ಪಂದ್ಯ) ಜಹೀರ್ ಖಾನ್ 147 ವಿಕೆಟ್ (38 ಪಂದ್ಯ) ಬಿಷನ್ ಸಿಂಗ್ ಬೇಡಿ 123 ವಿಕೆಟ್ (34 ಪಂದ್ಯ) ವಿಂಡೀಸ್ ವಿರುದ್ಧ ತಮ್ಮ 92ನೇ ಟೆಸ್ಟ್ ಪಂದ್ಯದಲ್ಲಿ ಇಶಾಂತ್ ಚೊಚ್ಚಲ ಅರ್ಧಶತಕ ಸಾಧನೆ ಮಾಡಿದ್ದರು. ಇದಕ್ಕೂ ಮುನ್ನ ಮೊದಲ ಟೆಸ್ಟ ಪಂದ್ಯದಲ್ಲಿ ಐದು ವಿಕೆಟ್ ಪಡೆದಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2lE8RMe
