ಪಲ್ಲಿಕೆಲೆ: ಶ್ರೀಲಂಕಾ ಅನುಭವಿ ವೇಗದ ಬೌಲರ್ ಟ್ವೆಂಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ವಿಶ್ವ ದಾಖಲೆಗೆ ಭಾಜನವಾಗಿದ್ದಾರೆ. ಪ್ರವಾಸಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಮೊದಲ ಟ್ವೆಂಟಿ-20 ಪಂದ್ಯದಲ್ಲಿ ಎರಡು ವಿಕೆಟ್ ಪಡೆದಿರುವ ಮಾಲಿಂಗ, ಈ ಸ್ಮರಣೀಯ ದಾಖಲೆ ಬರೆದಿದ್ದಾರೆ. ಅತಿ ಹೆಚ್ಚು ವಿಕೆಟುಗಳನ್ನು ಪಡೆದ ಸಾಲಿನಲ್ಲಿ ಪಾಕಿಸ್ತಾನದ ಮಾಜಿ ನಾಯಕ ದಾಖಲೆ ಮುರಿದಿರುವ ಲಸಿತ್ ಮಾಲಿಂಗ ಇದೀಗ ಒಟ್ಟು 99 ವಿಕೆಟುಗಳನ್ನು ಪಡೆದಿದ್ದಾರೆ. 2006ರಿಂದ 2019ರ ಅವಧಿಯಲ್ಲಿ 74 ಪಂದ್ಯಗಳನ್ನಾಡಿರುವ ಮಾಲಿಂಗ 99 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಜೀವನಶ್ರೇಷ್ಠ ಬೌಲಿಂಗ್ 31/5. ನ್ಯೂಜಿಲೆಂಡ್ ವಿರುದ್ದದ ಸರಣಿಯಲ್ಲೇ ಏಕದಿನ ಕ್ರಿಕೆಟ್‌ಗೆ ಲಸಿತ್ ಮಾಲಿಂಗ ನಿವೃತ್ತಿ ಘೋಷಿಸಿದ್ದರು. ಸದ್ಯ ಟಿ20ನಲ್ಲಿ ಮಾತ್ರ ಆಟವನ್ನು ಮುಂದುವರಿಸಿದ್ದಾರೆ. ಅಂದ ಹಾಗೆ ಈ ಪಟ್ಟಿಯಲ್ಲಿ ಭಾರತದ ಪರ ಮುಂಚೂಣಿಯಲ್ಲಿರುವ ಆರ್ ಅಶ್ವಿನ್ 46 ಪಂದ್ಯಗಳಲ್ಲಿ 52 ವಿಕೆಟುಗಳನ್ನಷ್ಟೇ ಪಡೆದಿದ್ದಾರೆ. ಟ್ವೆಂಟಿ-20 ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ಗಳು: ಲಸಿತ್ ಮಾಲಿಂಗ: 99 ವಿಕೆಟ್ (74 ಪಂದ್ಯ) ಶಾಹೀದ್ ಆಫ್ರಿದಿ: 98 ವಿಕೆಟ್ (99 ಪಂದ್ಯ) ಶಕಿಬ್ ಅಲ್ ಹಸನ್: 88 ವಿಕೆಟ್ (72 ಪಂದ್ಯ) ಉಮರ್ ಗುಲ್: 85 ವಿಕೆಟ್ (60 ಪಂದ್ಯ) ಸಯೀದ್ ಅಜ್ಮಲ್: 85 ವಿಕೆಟ್ (64 ಪಂದ್ಯ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ki1jOU
