ಹೊಸದಿಲ್ಲಿ: ಭಾರತದ ಎರಡು ವಿಶ್ವಕಪ್ ವಿಜಯಗಳ ಹೀರೊ ಮಾಜಿ ಆಲ್ರೌಂಡರ್ ಅವರಿಗೆ ಗೌರವ ಸೂಚಕವಾಗಿ ಜೆರ್ಸಿ ನಂ 12 ನಿವೃತ್ತಿ ಮಾಡಲು ಒತ್ತಾಯ ಕೇಳಿ ಬಂದಿದೆ. ಭಾರತದ ಮಾಜಿ ಓಪನರ್ ಹಾಗೂ ಸಂಸದ ಇಂತಹದೊಂದು ಬೇಡಿಕೆಯನ್ನು ಮುಂದಿರಿಸಿದ್ದಾರೆ. ಇದಕ್ಕೆ ಓಗೊಟ್ಟಿರುವ ಅಭಿಮಾನಿಗಳು ಸಹ ಮನವಿಯನ್ನು ಮುಂದರಿಸಿದ್ದಾರೆ. ಕೆಲವು ಸಮಯಗಳ ಹಿಂದೆಯಷ್ಟೇ ದಾಖಲೆಗಳ ಸರದಾರ ಕ್ರಿಕೆಟ್ ದೇವರು ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಗೌರವ ಸೂಚಕವಾಗಿ ಅವರು ಧರಿಸುತ್ತಿದ್ದ ನಂಬರ್ 10 ಜೆರ್ಸಿಗೆ ಶಾಶ್ವತ ನಿವೃತ್ತಿ ಘೋಷಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು ನಿರ್ಧಾರ ಮಾಡಿತ್ತು. ಇದಕ್ಕೂ ಮೊದಲು ಯುವ ವೇಗಿ ಶಾರ್ದೂಲ್ ಠಾಕೂರ್ 10 ಅಂಕಿಯ ಜೆರ್ಸಿಯಲ್ಲಿ ಆಡಿರುವುದು ಹೆಚ್ಚಿನ ವಿವಾದಕ್ಕೆ ಕಾರಣವಾಗಿತ್ತು. ಅಲ್ಲದೆ ಅಭಿಮಾನಿಗಳು ಭಾರಿ ಆಕ್ರೋಶಕ್ಕೀಡಾಗಿದ್ದರು. 2007 ಟ್ವೆಂಟಿ-20 ಹಾಗೂ 2011ರ ಏಕದಿನ ವಿಶ್ವಕಪ್ಗಳಲ್ಲಿ ಯುವರಾಜ್ ಸಿಂಗ್ ಭಾರತದ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. 2007ರಲ್ಲಿ ಸ್ಟುವರ್ಟ್ ಬ್ರಾಡ್ ಓವರ್ವೊಂದರಲ್ಲಿ ಸತತ ಆರು ಎಸೆತಗಳನ್ನು ಸಿಕ್ಸರ್ಗಟ್ಟಿದ್ದರೆ 2011ರಲ್ಲಿ ಕ್ಯಾನ್ಸರ್ ನಡುವೆಯೂ ದೇಶ ಸೇವೆ ಮಾಡುವ ಮೂಲಕ ಎಲ್ಲರ ಹೃದಯ ಗೆದ್ದಿದ್ದರು. ಸೆಪ್ಟೆಂಬರ್ ತಿಂಗಳು ನನ್ನ ಪಾಲಿಗೆ ಭಾವನಾತ್ಮಕವಾಗಿದ್ದು, ಅತೀವ ವಿಶೇಷವೆನಿಸುತ್ತದೆ. 2007 ಸೆಪ್ಟೆಂಬರ್ ತಿಂಗಳಲ್ಲೇ ನಾವು ಟ್ವೆಂಟಿ-20 ವಿಶ್ವಕಪ್ ಗೆದ್ದಿದ್ದೆವು. ಹಾಗೆಯೇ 2011ರ ವಿಶ್ವಕಪ್ನಲ್ಲೂ ಅಮೋಘ ಪ್ರದರ್ಶನ ನೀಡಿದ್ದರು. ಇವೆಲ್ಲವನ್ನು ಗಮನದಲ್ಲಿಟ್ಟುಕೊಂಡು 12 ಅಂಕಿಯ ಜೆರ್ಸಿಯನ್ನು ಬಿಸಿಸಿಐ ನಿವೃತ್ತಿ ಘೋಷಿಸಬೇಕು. ಇದು ಯುವಿಗೆ ನೀಡಲಿರುವ ದೊಡ್ಡ ಗೌರವವಾಗಿರಲಿದೆ ಎಂದು ಗಂಭೀರ್ ಸೇರಿಸಿದರು. ಚೊಚ್ಚಲ ಟಿ20 ವಿಶ್ವಕಪ್ನಲ್ಲಿ ಮೂರು ಅರ್ಧಶತಕಗಳು ಸೇರಿದಂತೆ ಗೌತಮ್ ಗಂಭೀರ್ 227 ರನ್ ಗಳಿಸಿದ್ದರು. ಒಟ್ಟಾರೆಯಾಗಿ ವಿಷಯಗಳನ್ನು ಸರಳವಾಗಿಟ್ಟುಕೊಂಡಿರುವುದು ಚೊಚ್ಚಲ ವಿಶ್ವಕಪ್ನಲ್ಲಿ ನೆರವಾಯಿತು ಎಂದು ಗಂಭೀರ್ ಹೇಳಿದರು. ನಮಗೆ ಭವಿಷ್ಯದ ಬಗ್ಗೆ ಚಿಂತೆಯಿರಲಿಲ್ಲ. ಆ ನಿರ್ದಿಷ್ಟ ಎಸೆತದ ಬಗ್ಗೆ ಗಮನ ಹರಿಸಿದೆವು. ಯುವಿ ಕೂಡಾ ಇದನ್ನೇ ಹೇಳುತ್ತಿದ್ದರು. ಆರು ಸಿಕ್ಸರ್ಗಳ ಬಗ್ಗೆ ಕೇಳಿದಾಗಲೂ ಇದೇ ಉತ್ತರ ನೀಡಿದ್ದರು. ಯಾವುದನ್ನು ಪ್ಲ್ಯಾನ್ ಮಾಡಿರಲಿಲ್ಲ. ವಿಷಯಗಳನ್ನು ಸರಳವಾಗಿಟ್ಟುಕೊಂಡು ಸ್ಪಷ್ಟ ಮನೋಸ್ಥಿತಿಯಿಂದ ಯುವಿ ಬ್ಯಾಟಿಂಗ್ ಮಾಡಿದರು ಎಂದು ಗೌತಿ ಸೇರಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2lcxzna
