ಸಕಲೇಶಪುರದಲ್ಲಿ ಧಾರಾಕಾರ ಮಳೆಗೆ ಭೂ ಕುಸಿತ ಆತಂಕ: ವರುಣಾರ್ಭಟಕ್ಕೆ ಅಪಾರ ಹಾನಿ

ಜಿಲ್ಲಾದ್ಯಂತ ಸುರಿದ ಧಾರಾಕಾರ ಮಳೆಗೆ ಹಾಸನದ ಸಕಲೇಶಪುರ ತಾಲೂಕಿನಲ್ಲಿ ಭೂ ಕುಸಿತದ ಆತಂಕ ಸೃಷ್ಟಿಯಾಗಿದೆ. ವರುಣಾರ್ಭಟಕ್ಕೆ ಜಿಲ್ಲೆಯಲ್ಲಿ ಅಪಾರ ಬೆಳೆ ಸೇರಿದಂತೆ ಮನೆ ಹಾಗೂ ರಸ್ತೆಗಳಿಗೆ ಹಾನಿಯಾಗಿದೆ. ಈ ಬಾರಿ ಮುಂಗಾರು ವಿಳಂಬವಾಗಿ ಪ್ರಾರಂಭಗೊಂಡರೂ ಜಿಲ್ಲೆಯಲ್ಲಿ ಕಳೆದ ಒಂದು ವಾರದಿಂದ ಭಾರಿ ಮಳೆಯಾಗುತ್ತಿದೆ. ಸಕಲೇಶಪುರ ತಾಲೂಕು ದೋಣಿಗಾಲ್‌ ಬಳಿ ಭೂಕುಸಿತವಾಗುವ ಲಕ್ಷಣ ಕಂಡು ಬರುತ್ತಿದೆ. ಹೆದ್ದಾರಿಗೆ ನಿರ್ಮಿಸಿರುವ ತಡೆಗೋಡೆ ಕೆಳಭಾಗದ ಮಣ್ಣು ಸಡಿಲಗೊಂಡು ಬಿರುಕು ಬಿಟ್ಟಿದೆ. ಮೊದಲೇ ಗುಂಡಿಬಿದ್ದು ಸಂಚರಿಸಲು ಆಗದಷ್ಟು ಹಾಳಾಗಿದ್ದ ಶಿರಾಡಿ ರಸ್ತೆ ಪುಟ್ಟಪುಟ್ಟ ಕೆರೆಯಾಗಿ ಮಾರ್ಪಟ್ಟಿದೆ.

from India & World News in Kannada | VK Polls https://ift.tt/3Un5YMK