ಆರ್ಥಿಕತೆಗೆ ಮಳೆ ಹೊಡೆತ: ಶಿರಾಡಿ ಘಾಟ್ ಭೂಕುಸಿತದಿಂದ ಬೆಂಗಳೂರು-ಮಂಗಳೂರು ಸಂಪರ್ಕ ಕಡಿತ

ರಾಜಧಾನಿ ಬೆಂಗಳೂರು ಹಾಗೂ ಬಂದರು ನಗರಿ ಮಂಗಳೂರು ಸಂಪರ್ಕಿಸುವ ರಾಷ್ಟ್ರೀಯ ಹೆದ್ದಾರಿಯು ಸಕಲೇಶಪುರ-ಶಿರಾಡಿ ಮಾರ್ಗದಲ್ಲಿ ಭೂ ಕುಸಿತದ ಪರಿಣಾಮ ವಾಹನ ಸಂಚಾರಕ್ಕೆ ಬ್ರೇಕ್‌ ಬಿದ್ದಿದ್ದು, ವಾಣಿಜ್ಯ ವ್ಯವಹಾರ-ವ್ಯಾಪಾರ, ಸಾರಿಗೆ ವ್ಯವಸ್ಥೆ ಮೇಲೆ ಆರ್ಥಿಕ ಹೊರೆ ಬೀಳುತ್ತಿದೆ. ಈ ಮಾರ್ಗದಲ್ಲಿ ನಿತ್ಯ ಸಂಚರಿಸುತ್ತಿದ್ದ ಹತ್ತಾರು ಸಾವಿರ ವಾಹನಗಳಲ್ಲಿ ಶೇ.50ರಷ್ಟು ವಾಹನಗಳು ಸಂಚಾರವನ್ನೇ ಸ್ಥಗಿತಗೊಳಿಸಿದ್ದರೆ, ಉಳಿದ ವಾಹನಗಳು ಕುಶಾಲನಗರ, ಮಡಿಕೇರಿ ಮತ್ತಿತರ ಪರ್ಯಾಯ ಮಾರ್ಗಗಳಿಂದ ಸುತ್ತಿಬಳಸಿ ಸಂಚರಿಸಬೇಕಿರುವ ಕಾರಣ ಹಾಗೂ ಮಳೆಯ ಆರ್ಭಟದಲ್ಲಿ ಎಲ್ಲಿ ಭೂ ಕುಸಿತ ಉಂಟಾಗಿ ನಡುರಸ್ತೆಯಲ್ಲಿ ನಿಲ್ಲಬೇಕಾಗುತ್ತದೆಯೋ ಎಂಬ ಭಯದ ವಾತಾವರಣ ನಿರ್ಮಾಣವಾಗಿದೆ.

from India & World News in Kannada | VK Polls https://ift.tt/PEjzreb