ದೊಡ್ಡಬಳ್ಳಾಪುರ: ಶಾಲಾ ಆವರಣದಲ್ಲಿ ಚರಂಡಿ ತ್ಯಾಜ್ಯ, ದುರ್ವಾಸನೆ ನಡುವೆ ಪಾಠ ಕೇಳಬೇಕಾದ ದುಸ್ಥಿತಿ

ಊರಿನ ತ್ಯಾಜ್ಯ ನೀರು ಅಂಗನವಾಡಿ ಕಟ್ಟಡ ಹಾಗೂ ಸ್ಥಳಾಂತರಗೊಳ್ಳುತ್ತಿರುವ ಪ್ರಾಥಮಿಕ ಶಾಲೆಯ ಆವರಣದೊಳಗೆ ಸೇರುತ್ತಿದೆ. ಗ್ರಾ.ಪಂ ಇದನ್ನು ಸರಿಪಡಿಸುವ ಗೋಜಿಗೆ ಹೋಗಿಲ್ಲ. ಆವರಣದೊಳಗೆ ನೀರು ನಿಂತಿದ್ದು, ಇದರ ದುರ್ವಾಸನೆ ಸೊಳ್ಳೆ ಕಾಟದ ನಡುವೆ ಅಂಗನವಾಡಿಯ ಹತ್ತಾರು ಪುಟಾಣಿಗಳು ಪಾಠ ಕೇಳಬೇಕಾದ ದುಸ್ಥಿತಿ ಬಂದೊದಗಿದೆ. ದೊಡ್ಡಬಳ್ಳಾಪುರ ತಾಲೂಕಿನ ಹಮಾಮ್‌ ಗ್ರಾಮದ ಅಂಗನವಾಡಿ ಹಾಗೂ ಸ್ಥಳಾಂತರಗೊಳ್ಳುತ್ತಿರುವ ಪ್ರಾಥಮಿಕ ಶಾಲೆಯ ಎದುರು ಭಾಗದಲ್ಲಿ ಅದಕ್ಕೆ ಸೇರಿದ ಜಾಗವಿದ್ದು, ಶಾಲೆಗೆ ಕಟ್ಟಡವಿಲ್ಲದೆ ಬೆಳೆದು ನಿಂತ ಪೊದೆಗಳಿಂದ ಹಾವುಗಳು ಬರುತ್ತಿದ್ದು ಪೋಷಕರು ಮಕ್ಕಳನ್ನು ಕಳುಹಿಸಲು ಹಿಂದೇಟು ಹಾಕುತ್ತಿದ್ದಾರೆ.

from India & World News in Kannada | VK Polls https://ift.tt/62IC8EY