ಸಹಜ ಸ್ಥಿತಿಯತ್ತ ಮರಳುತ್ತಿದೆ ಕರಾವಳಿ: ಬೆಳ್ಳಾರೆ ಪಟ್ಟಣದಲ್ಲಿ ನೀರವ ಮೌನ, ಬಿಗಿ ಪೊಲೀಸ್ ಬಂದೋಬಸ್ತ್

ಬಿಜೆಪಿ ಯುವ ಮುಖಂಡ ಪ್ರವೀಣ್‌ ನೆಟ್ಟಾರ್‌ ಹತ್ಯೆಯ ಹಿನ್ನೆಲೆಯಲ್ಲಿ ಮಂಗಳವಾರ ರಾತ್ರಿಯಿಂದೀಚೆಗೆ ಬಿಗಿ ವಾತಾವರಣ ನೆಲೆಸಿರುವ ದ.ಕ. ಜಿಲ್ಲೆಯಲ್ಲಿ ಜನಜೀವನ ಸಹಜತೆಗೆ ಮರಳುತ್ತಿದೆ. ಈ ನಡುವೆ, ಮಂಗಳೂರು ಕಮಿಷನರೇಟ್‌ ವ್ಯಾಪ್ತಿ ಹೊರತುಪಡಿಸಿ ಜಿಲ್ಲೆಯ ಇತರೆಲ್ಲ ಭಾಗದಲ್ಲಿ ವಿಧಿಸಲಾಗಿರುವ 144ನೇ ಸೆಕ್ಷನ್‌ ಮುಂದುವರಿದಿದೆ. ಸುಳ್ಯ, ಪುತ್ತೂರು, ಬೆಳ್ತಂಗಡಿ, ಬಂಟ್ವಾಳ, ಕಡಬ ಸೇರಿದಂತೆ ಎಲ್ಲ ತಾಲೂಕು ಕೇಂದ್ರಗಳಲ್ಲಿ ಗುರುವಾರ ಜನಜೀವನ ಸಾಮಾನ್ಯ ಸ್ಥಿತಿಗೆ ಮರಳಿದೆ. ಬುಧವಾರದ ಸ್ವಯಂಪ್ರೇರಿತ ಬಂದ್‌ ಬಳಿಕ ಗುರುವಾರ ಯಾವುದೇ ರೀತಿಯ ಬಂದ್‌ಗೆ ಕರೆ ಕೊಟ್ಟಿಲ್ಲ ಎಂದು ಹಿಂದೂ ಸಂಘಟನೆಗಳು ಪ್ರಕಟಿಸಿದ್ದವು.

from India & World News in Kannada | VK Polls https://ift.tt/MwSEZ6b