ಕತ್ತಲೆಯಲ್ಲಿ ಮುಳುಗಿದ ಕೊಡಗು: ಭಾರಿ ಮಳೆ, ಗಾಳಿಯಿಂದ ಹಲವೆಡೆ ಧರೆಗುರುಳಿದ ವಿದ್ಯುತ್ ಕಂಬಗಳು..!

ಕಳೆದ ಕೆಲವು ದಿನಗಳಿಂದ ಸುರಿಯುತ್ತಿರುವ ವರ್ಷಧಾರೆಯಿಂದಾಗಿ ಕೊಡಗು ಸಂಪೂರ್ಣ ಕಾರ್ಗತ್ತಲಿನಲ್ಲಿ ಮುಳುಗಿದೆ. ದಿಢೀರನೆ ಬೀಸುವ ಗಾಳಿಗೆ ವಿದ್ಯುತ್‌ ಕಂಬದ ಸಮೀಪವಿರುವ ಮರಗಳು ಬುಡ ಸಹಿತ ನೆಲಕ್ಕುರುಳುತ್ತಿವೆ. ಇದರಿಂದಾಗಿ ವಿದ್ಯುತ್‌ ಕಂಬ ಹಾಗೂ ಟ್ರಾನ್ಸ್‌ಫಾರ್ಮರ್‌ಗಳೂ ಧರೆಗುರುಳುತ್ತಿವೆ. ಗ್ರಾಮೀಣ ರಸ್ತೆಗಳಿಗೆ ಸಮೀಪದ ಕಾಫಿತೋಟದಲ್ಲಿರುವ ಮರಗಳು ಬೀಳುತ್ತಿರುವುದರಿಂದ ವಿದ್ಯುತ್‌ ಕಂಬಗಳು ಹಾಗೂ ತಂತಿಗಳು ದೊಡ್ಡ ಪ್ರಮಾಣದಲ್ಲಿ ಹಾನಿಗೊಳಗಾಗುತ್ತಿವೆ. ಒಂದು ವಾರದಿಂದ ಸುರಿಯುತ್ತಿರುವ ಮಳೆಯಿಂದಾಗಿ ವಿವಿಧ ಭಾಗದಲ್ಲಿ ವಿದ್ಯುತ್‌ ಕಂಬಗಳು, ವಿದ್ಯುತ್‌ ತಂತಿಗಳು ಹಾಳಾಗಿದ್ದು, ಇದರೊಂದಿಗೆ ಕಂಬ ಸಹಿತ ಇರುವ ಟ್ರಾನ್‌ಫಾರ್ಮರ್‌ ನೆಲಕ್ಕುರುಳಿದೆ.

from India & World News in Kannada | VK Polls https://ift.tt/pDYcwSZ