ಬೆಂಗಳೂರು: ವಿರುದ್ಧ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಇನಿಂಗ್ಸ್‌ ಹಾಗೂ 222 ರನ್‌ಗಳಿಂದ ಭರ್ಜರಿ ಗೆಲುವು ಪಡೆದಿರುವ ತಂಡ ಇದೀಗ ಎರಡನೇ ಹಾಗೂ ಡೇ-ನೈಟ್‌ ಟೆಸ್ಟ್ ಪಂದ್ಯಕ್ಕೆ ಸಜ್ಜಾಗುತ್ತಿದೆ. ಶನಿವಾರದಿಂದ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಶುರುವಾಗಲಿದೆ. ಈಗಾಗಲೇ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಪಡೆದಿರುವ ಭಾರತ ತಂಡ ಬೆಂಗಳೂರು ಟೆಸ್ಟ್ ಗೆದ್ದು ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಹೆಚ್ಚಿನ ಅಂಕಗಳನ್ನು ಕಲೆ ಹಾಕುವ ಇಂಗಿತವನ್ನು ಹೊಂದಿದೆ. ಅಂದಹಾಗೆ ಮೊಹಾಲಿ ಟೆಸ್ಟ್ ಪಂದ್ಯದಲ್ಲಿ ಆಲ್‌ರೌಂಡರ್‌ ರವೀಂದ್ರ ಜಡೇಜಾ ಅವರು ಅಜೇಯ 175 ರನ್‌ ಹಾಗೂ 9 ವಿಕೆಟ್‌ಗಳನ್ನು ಕಬಳಿಸುವ ಮೂಲಕ ವೃತ್ತಿ ಬದುಕಿನ ಶ್ರೇಷ್ಠ ಪ್ರದರ್ಶನ ತೋರಿದ್ದರು. ಎರಡನೇ ಟೆಸ್ಟ್ ಪಂದ್ಯಕ್ಕೆ ಭಾರತ ತಂಡವನ್ನು ಪ್ರಕಟಿಸಲಾಗಿದ್ದು, ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡಿರುವ ಅಕ್ಷರ್‌ ಪಟೇಲ್‌ ಅವರನ್ನು ತಂಡಕ್ಕೆ ಕರೆಸಿಕೊಳ್ಳಲಾಗಿದ್ದು, ಕುಲ್‌ದೀಪ್‌ ಯಾದವ್ ಅವರನ್ನು ತಂಡದಿಂದ ಬಿಡುಗಡೆಗೊಳಿಸಲಾಗಿದೆ. ಮೂವರು ಎಡಗೈ ಸ್ಪಿನ್ನರ್‌ಗಳು ಅಗತ್ಯವಿಲ್ಲವೆಂದು ಮನಗಂಡಿರುವ ಟೀಮ್‌ ಮ್ಯಾನೇಜ್‌ಮೆಂಟ್‌ ಜಡೇಜಾ ಹಾಗೂ ಅಕ್ಷರ್‌ಪಟೇಲ್ ಅವರನ್ನು ಉಳಿಸಿಕೊಂಡಿದೆ. ಇದೀಗ ಭಾರತ ತಂಡ ಬಲಿಷ್ಠವಾಗಿರುವ ಹಿನ್ನೆಲೆಯಲ್ಲಿ ಎರಡನೇ ಟೆಸ್ಟ್‌ಗೆ ಪ್ಲೇಯಿಂಗ್ ಇಲೆವೆನ್‌ ಆರಿಸುವುದು ಕಠಿಣವಾಗಬಹುದು. ಅಂದಹಾಗೆ ಪಿಂಕ್‌ ಬಾಲ್‌ ಟೆಸ್ಟ್ ಪಂದ್ಯಕ್ಕೆ ಬೆಂಗಳೂರು ಪರಿಸ್ಥಿತಿಗಳಿಗೆ ಅನ್ವಯ ತನ್ನ ಆಡುವ ಬಳಗದಲ್ಲಿ ಮೂರು ಬದಲಾವಣೆ ಮಾಡುವ ಸಾಧ್ಯತೆ ಇದೆ. ಈ ಬಗ್ಗೆ ಇಲ್ಲಿ ಸಂಪೂರ್ಣವಾಗಿ ವಿವರಿಸಲಾಗಿದೆ. ಮಯಾಂಕ್‌ ಬದಲು ಗಿಲ್‌: ಶ್ರೀಲಂಕಾ ವಿರುದ್ಧ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳುವಲ್ಲಿ ಮಯಾಂಕ್‌ ಅಗರ್ವಾಲ್‌ ವಿಫಲರಾಗಿದ್ದರು. ಬ್ಯಾಟಿಂಗ್‌ ಸ್ನೇಹಿಯಾಗಿದ್ದ ವಿಕೆಟ್‌ನಲ್ಲಿ ಅವರು 49 ಎಸೆತಗಳಲ್ಲಿ 33 ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದ್ದರು. ಆ ಮೂಲಕ ದೊಡ್ಡ ಮೊತ್ತವನ್ನಾಗಿ ಪರಿವರ್ತಿಸುವಲ್ಲಿ ಅವರು ವಿಫಲರಾಗಿದ್ದರು. ಮೊದಲನೇ ಟೆಸ್ಟ್ ಬಳಿಕ ನಾಯಕ ಎಲ್ಲಾ ಆಟಗಾರರಿಗೂ ಅವಕಾಶ ನೀಡಲಾಗುವುದು ಹಾಗೂ ನಮ್ಮ ತಂಡದಲ್ಲಿ ಬೆಂಚ್‌ ಸಾಮರ್ಥ್ಯ ಶಕ್ತಿಯುತವಾಗಿದೆ ಎಂದು ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಮಯಾಂಕ್‌ ಬದಲು ಶುಭಮನ್ ಗಿಲ್‌ ಅವರಿಗೆ ಈ ಪಂದ್ಯದಲ್ಲಿ ಇನಿಂಗ್ಸ್‌ ಆರಂಭಿಸಲು ಅವಕಾಶ ನೀಡಬಹುದಾಗಿದೆ. ಜಯಂತ್‌ ಯಾದವ್ ಸ್ಥಾನಕ್ಕೆ ಅಕ್ಷರ್‌ ಪಟೇಲ್‌: ಎರಡನೇ ಟೆಸ್ಟ್‌ಗೆ ಜಯಂತ್‌ ಯಾದವ್ ಕೂಡ ವಿಶ್ರಾಂತಿ ಪಡೆಯುವ ಸಾಧ್ಯತೆ ಇದೆ. ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಜಯಂತ್‌ ಒಂದೇ ಒಂದು ವಿಕೆಟ್‌ ಪಡೆದಿರಲಿಲ್ಲ. ಆದರೆ ಆರ್‌ ಅಶ್ವಿನ್ ಹಾಗೂ ಆರ್‌ ಜಡೇಜಾ ಕ್ರಮವಾಗಿ 6 ಮತ್ತು 9 ವಿಕೆಟ್‌ಗಳನ್ನು ಉರುಳಿಸಿದ್ದರು. 17 ಓವರ್‌ ಬೌಲ್ ಮಾಡಿದ್ದ ಜಯಂತ್‌, 36 ರನ್‌ ಕೊಟ್ಟಿದ್ದರು. ಬ್ಯಾಟಿಂಗ್‌ನಲ್ಲಿ 18 ಎಸೆತಗಳಲ್ಲಿ ಕೇವಲ 2 ರನ್‌ಗೆ ವಿಕೆಟ್‌ ಒಪ್ಪಿಸಿದ್ದರು. ಈ ಹಿನ್ನೆಲೆಯಲ್ಲಿ ಜಯಂತ್‌ ಯಾದವ್ ಸ್ಥಾನದಲ್ಲಿ ಅಕ್ಷರ್‌ ಪಟೇಲ್‌ ಕಣಕ್ಕೆ ಇಳಿಯುವ ಸಾಧ್ಯತೆ ಇದೆ. ಮತ್ತೆ ಬೆಂಚ್‌ ಕಾಯಲಿರುವ ಸಿರಾಜ್‌: ಬೆಂಗಳೂರು ಟೆಸ್ಟ್ ಪಂದ್ಯದಲ್ಲಿ ವೇಗಿಗಳಾಗಿ ಮೊಹಮ್ಮದ್‌ ಶಮಿ ಹಾಗೂ ಜಸ್‌ಪ್ರಿತ್‌ ಬುಮ್ರಾ ಮುಂದುವರಿಯಲಿದ್ದಾರೆ. ಈ ಪಂದ್ಯದಲ್ಲಿಯೂ ರೋಹಿತ್‌ ಶರ್ಮಾ ಮೂವರು ಸ್ಪಿನ್ನರ್‌ಗಳು ಹಾಗೂ ಇಬ್ಬರು ವೇಗಿಗಳನ್ನು ಬಳಸಿಕೊಳ್ಳುವ ಸಾಧ್ಯತೆ ಇದೆ. ಹಾಗಾಗಿ ಈ ಪಂದ್ಯದಲ್ಲಿಯೂ ಮೊಹಮ್ಮದ್‌ ಸಿರಾಜ್‌ ಬೆಂಚ್‌ ಕಾಯಬಹುದಾದ ಸಾಧ್ಯತೆ ಇದೆ. ಆ ಮೂಲಕ ಆರು ಬ್ಯಾಟ್ಸ್‌ಮನ್‌ಗಳು ಹಾಗೂ ಐವರು ಬೌಲರ್‌ಗಳನ್ನು ಪಿಂಕ್‌ ಬಾಲ್‌ ಟೆಸ್ಟ್‌ನಲ್ಲಿ ಆಡಬಹುದು ಎಂದು ಅಂದಾಜಿಸಲಾಗಿದೆ. ಎರಡನೇ ಟೆಸ್ಟ್‌ಗೆ ಭಾರತ ಸಂಭಾವ್ಯ ಪ್ಲೇಯಿಂಗ್ XI
- ರೋಹಿತ್‌ ಶರ್ಮಾ(ನಾಯಕ)
- ಶುಭಮನ್ ಗಿಲ್‌/ಮಯಾಂಕ್‌ ಅಗರ್ವಾಲ್‌
- ಹನುಮ ವಿಹಾರಿ
- ವಿರಾಟ್‌ ಕೊಹ್ಲಿ
- ಶ್ರೇಯಸ್‌ ಅಯ್ಯರ್‌
- ರಿಷಭ್‌ ಪಂತ್‌(ವಿ.ಕೀ)
- ರವೀಂದ್ರ ಜಡೇಜಾ
- ಆರ್‌ ಅಶ್ವಿನ್
- ಅಕ್ಷರ್‌ ಪಟೇಲ್‌/ಜಯಂತ್‌ ಯಾದವ್
- ಮೊಹಮ್ಮದ್‌ ಶಮಿ
- ಜಸ್‌ಪ್ರಿತ್‌ ಬುಮ್ರಾ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/PTeU32Z
