ಕಿಂಗ್ಸ್ಟನ್: ವೆಸ್ಟ್ಇಂಡೀಸ್ ವಿರುದ್ಧ ನಡೆದ ದ್ವಿತೀಯ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ 76 ರನ್ ಗಳಿಸಿದರೂ ಎರಡನೇ ಇನ್ನಿಂಗ್ಸ್ನಲ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ ನಾಯಕ ನಿರಾಸೆ ಮೂಡಿಸಿದರು. ಆದರೆ ಹಿಂದೆಯೂ ಉಲ್ಲೇಖಿಸಿರುವಂತೆಯೇ ತಮ್ಮ ಮಾತಿಗೆ ಬದ್ಧವಾಗಿರುವ ವಿರಾಟ್ ಕೊಹ್ಲಿ ಅದ್ಭುತ ಫೀಲ್ಡಿಂಗ್ ಮಾಡುವ ಮೂಲಕ ಮೆಚ್ಚೆಗೆಗೆ ಪಾತ್ರವಾಗಿದ್ದಾರೆ. ತಂಡಕ್ಕಾಗಿ ಯಾವ ರೀತಿಯಲ್ಲಾದರೂ ಕೊಡುಗೆ ಸಲ್ಲಿಸಲು ಸದಾ ಮುಂದಿರುವ ವಿರಾಟ್ ಕೊಹ್ಲಿ, ನಿರ್ಣಾಯಕ ಘಟ್ಟದಲ್ಲಿ ಇನ್ ಫಾರ್ಮ್ ಬ್ಯಾಟ್ಸ್ಮನ್ ಶಮರ್ ಬ್ರೂಕ್ಸ್ರನ್ನು ರನೌಟ್ ಮಾಡುವ ಮೂಲಕ ಪಂದ್ಯಕ್ಕೆ ತಿರುವು ನೀಡಿದ್ದರು. 119 ಎಸೆತಗಳನ್ನು ಎದುರಿಸಿದ ಬ್ರೂಕ್ಸ್ ಒಂಬತ್ತು ಬೌಂಡರಿಗಳಿಂದ 50 ರನ್ ಗಳಿಸಿದ್ದರು. ಅಲ್ಲದೆ ಬ್ರೂಕ್ಸ್ ವಿಕೆಟ್ ಪಡೆಯಲು ಭಾರತೀಯ ಬೌಲರ್ಗಳು ಚಡಪಡಿಸುತ್ತಿದ್ದರು. ಈ ಹಂತದಲ್ಲಿ ಫೀಲ್ಡಿಂಗ್ನಲ್ಲಿ ಜಾದೂ ಮೆರೆದಿರುವ ಕೊಹ್ಲಿ ವಿಂಡೀಸ್ ಇನ್ನಿಂಗ್ಸ್ ಬೇಗನೇ ಕೊನೆಗೊಳಿಸಲು ನೆರವಾಗಿದ್ದರು. ಅಂತಿಮವಾಗಿ 257 ರನ್ ಅಂತರದಿಂದ ಗೆದ್ದಿರುವ ಟೀಮ್ ಇಂಡಿಯಾ ಎರಡು ಪಂದ್ಯಗಳ ಟೆಸ್ಟ್ ಸರಣಿಯನ್ನು 2-0ರ ಅಂತರದಲ್ಲಿ ವೈಟ್ವಾಶ್ಗೈದಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZvU75s
