ಲಂಡನ್: ಆಸ್ಟ್ರೇಲಿಯಾದ ಮಾಜಿ ಲೆಗ್ ಸ್ಪಿನ್ ದಿಗ್ಗಜ ಚಾಲನಾ ಪರವಾನಗಿಯನ್ನು ರದ್ದುಗೊಳಿಸಲಾಗಿದೆ. ಮಿತಿಮೀರಿದ ವೇಗದಲ್ಲಿ ಒಂದಕ್ಕಿಂತಲೂ ಹೆಚ್ಚು ಬಾರಿ ಕಾರು ಚಾಲನೆ ಮಾಡಿ ಸಿಕ್ಕಿ ಬಿದ್ದಿರುವ ಶೇನ್ ವಾರ್ನ್ ಅವರ ಲೈಸನ್ಸ್ ರದ್ದುಗೊಳಿಸಿದ್ದಲ್ಲದೆ ಭಾರಿ ದಂಡವನ್ನು ಹೇರಲಾಗಿದೆ. ಆರು ಬಾರಿ ಮಿತಿಮೀರಿದ ವೇಗದಲ್ಲಿ ಕಾರು ಓಡಿಸಿ ಸಿಕ್ಕಿ ಬಿದ್ದಿರುವ ಶೇನ್ ವಾರ್ನ್ ಚಾಲನಾ ಪರವಾನಗಿಯನ್ನು 12 ತಿಂಗಳುಗಳ ಕಾಲ ರದ್ದುಗೊಳಿಸಲಾಗಿದೆ. ಅಷ್ಟೇ ಯಾಕೆ ವಾರ್ನರ್ ಮೇಲೆ ಸರಿ ಸುಮಾರು 1.6 ಲಕ್ಷ ರೂ.ಗಳ ದಂಡವನ್ನು ವಿಧಿಸಲಾಗಿದೆ. ವಿಂಬಲ್ಡನ್ ಮೆಜಿಸ್ಟ್ರೇಟ್ ನ್ಯಾಯಾಲವು ತೀರ್ಪನ್ನು ನೀಡಿದೆ. ಕೆನ್ಸಿಂಗ್ಟನ್ನಲ್ಲಿ ಗಂಟೆಗೆ 64 ಕೀ.ಮೀ.ಗಳ ವೇಗದ ಮಿತಿಯನ್ನು ವಾರ್ನ್ ಉಲ್ಲಂಘಿಸಿದ್ದಾರೆ. 53ರ ಹರೆಯದ ವಾರ್ನ್ ಪ್ರತಿ ಗಂಟೆಗೆ 75 ಕೀ.ಮೀ. ವೇಗದಲ್ಲಿ ಕಾರು ಚಾಲನೆ ಮಾಡಿದ್ದರು. 2016ರಿಂದ 2018ರ ನಡುವೆ ವಾರ್ನ್ ಆರು ಬಾರಿ ನಿಗದಿತ ವೇಗ ಮೀರಿ ವಾಹನ ಚಲಾಯಿಸಿದ್ದರು. ಈ ಬಗ್ಗೆ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿದ್ದರೂ, ಅವರು ಹಾಜರಾಗುತ್ತಿರಲಿಲ್ಲ. ಹೀಗಾಗಿ ಅವರ ಲೈಸೆನ್ಸ್ ರದ್ದು ಮಾಡಿರುವ ನ್ಯಾಯಾಲಯ, ದಂಡ ವಿಧಿಸಿದೆ. ಟೆಸ್ಟ್ ಕ್ರಿಕೆಟ್ನಲ್ಲಿ 708 ವಿಕೆಟುಗಳನ್ನು ಕಬಳಿಸಿರುವ ಶೇನ್ ವಾರ್ನ್, ಶ್ರೀಲಂಕಾದ ಸ್ಪಿನ್ ಮಾಂತ್ರಿಕ ಮುತ್ತಯ್ಯ ಮುರಳೀಧರನ್ ನಂತರದ ಸ್ಥಾನದಲ್ಲಿದ್ದಾರೆ. ಹಾಗೆಯೇ ಒಂದೇ ಒಂದು ಶತಕ ಗಳಿಸದೆ 3000ಕ್ಕೂ ಹೆಚ್ಚು ಟೆಸ್ಟ್ ರನ್ ಗಳಿಸಿದ ಏಕಮಾತ್ರ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2kIiFox
