ಹೊಸದಿಲ್ಲಿ: ಭಾರತದ ಸಾರ್ವಕಾಲಿಕ ಶ್ರೇಷ್ಠ ಎಡಗೈ ವೇಗಿಗಳ ಸಾಲಿನಲ್ಲಿ ಗುರುತಿಸಿಕೊಂಡಿರುವ ಮಾಜಿ ವೇಗದ ಬೌಲರ್ ಆಧುನಿಕ ಕ್ರಿಕೆಟ್ನ ಬೌಲಿಂಗ್ ಸೆನ್ಸೇಷನಲ್ ಯಶಸ್ಸಿನ ಬಗ್ಗೆ ಮಹತ್ವದ ರಹಸ್ಯವನ್ನು ಬಹಿರಂಗಪಡಿಸಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಮೂಲಕ ಛಾಪು ಮೂಡಿಸಿರುವ ಜಸ್ಪ್ರೀತ್ ಬುಮ್ರಾ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ದಾಪುಗಾಲನ್ನಿಟ್ಟಿರುವ ಅತ್ಯಂತ ಕಿರು ಅವಧಿಯಲ್ಲೇ ಹೆಚ್ಚಿನ ಯಶಸ್ಸು ಪಡೆದಿದ್ದಾರೆ. ಸೀಮಿತ ಓವರ್ಗಳ ಬಳಿಕ ಟೆಸ್ಟ್ ಕ್ರಿಕೆಟ್ನಲ್ಲಿ ಜಸ್ಪ್ರೀತ್ ಬುಮ್ರಾ ಗಳಿಸಿರುವ ಯಶಸ್ಸು ನಿಜಕ್ಕೂ ಅಧ್ಭುತ. ಅಲ್ಲದೆ ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಹಾಗೂ ವೆಸ್ಟ್ಇಂಡೀಸ್ ನೆಲದಲ್ಲಿ ಐದು ವಿಕೆಟ್ಗಳ ಸಾಧನೆ ಮಾಡಿದ್ದಾರೆ. ಬುಮ್ರಾ ವಿಶೇಷ ಪ್ರತಿಭೆಯಾಗಿದ್ದು, ವಿಚಿತ್ರ ಬೌಲಿಂಗ್ ಶೈಲಿಯಿಂದಲೇ ಬ್ಯಾಟ್ಸ್ಮನ್ಗಳ ಮೇಲೆ ನಿಯಂತ್ರಣ ಸಾಧಿಸುತ್ತಾರೆ. ಮತ್ತಷ್ಟು ಕಲಿತುಕೊಳ್ಳುವ ಉತ್ಸಾಹವಿದೆ. ತಮ್ಮ ಫಿಟ್ನೆಸ್ ಮೇಲೂ ಕಾರ್ಯ ನಿರ್ವಹಿಸುತ್ತಿದ್ದು, ಹೊಸ ಅಂಶಗಳನ್ನು ಆಳವಡಿಸಿಕೊಳ್ಳುತ್ತಿದ್ದಾರೆ. ಕಿರು ಅವಧಿಯಲ್ಲೇ ಓರ್ವ ಬೌಲರ್ ಆಗಿ ಅತೀವ ಪರಿಶ್ರಮ ವಹಿಸುತ್ತಾರೆ. ಇದುವೇ ಯಶಸ್ಸಿಗೆ ಕಾರಣವಾಗಿದೆ ಎಂದು ಜಹೀರ್ ವಿವರಿಸಿದ್ದಾರೆ. ಯಶಸ್ಸಿಗೆ ಬೇಕಾದ ಎಲ್ಲ ಅಂಶಗಳನ್ನು ಬುಮ್ರಾ ತೋರ್ಪಡಿಸಿದ್ದಾರೆ. ಪಂದ್ಯವನ್ನು ಸಮೀಪಿಸುತ್ತಿರುವ ರೀತಿ ಮೆಚ್ಚುವಂತದ್ದು ಎಂದು ಜಹೀರ್ ಸೇರಿಸಿದರು. ವೆಸ್ಟ್ಇಂಡೀಸ್ ಪ್ರವಾಸದ ಎರಡು ಟೆಸ್ಟ್ ಸರಣಿಯಲ್ಲಿ ತಲಾ ಐದು ವಿಕೆಟ್ ಸಾಧನೆ ಮಾಡಿರುವ ಜಸ್ಪ್ರೀತ್ ಬುಮ್ರಾ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ಮೂರನೇ ಸ್ಥಾನಕ್ಕೆ ನೆಗೆತ ಕಂಡಿದ್ದಾರೆ. ಆಗಲೇ ಏಕದಿನದಲ್ಲಿ ನಂ.1 ಪಟ್ಟವನ್ನು ಆಲಂಕರಿಸಿದ್ದಾರೆ. ಸದ್ಯ ದಕ್ಷಿಣ ಆಫ್ರಿಕಾ ತವರಿನಲ್ಲಿ ನಡೆದ ಟ್ವೆಂಟಿ-20 ಸರಣಿ ವೇಳೆ ವಿಶ್ರಾಂತಿಯಲ್ಲಿದ್ದ ಬುಮ್ರಾ ಟೆಸ್ಟ್ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಣ ಮೊದಲ ಟೆಸ್ಟ್ ಪಂದ್ಯವು ಅಕ್ಟೋಬರ್ 2ರಂದು ವಿಶಾಖಪಟ್ಟಣದಲ್ಲಿ ನಡೆಯಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2kHy3Bs
