ಪಠಾಣ್‌ಕೋಟ್‌: ನಾವಿಬ್ಬರು ಪಾಕಿಸ್ತಾನದ ವಿರುದ್ಧ ಹೋರಾಡಿದ್ದೇವೆ ಮತ್ತು ಯುದ್ಧ ವಿಮಾನದಿಂದ ಹೊರಗೆ ಬಿದ್ದಿದ್ದೇವೆ. ಪುನಃ ಯುದ್ಧ ವಿಮಾನವೇರಲು ನನಗೆ 9 ತಿಂಗಳು ಬೇಕಾಯಿತು. ಆದರೆ ವಿಂಗ್‌ ಕಮಾಂಡರ್‌ 6 ತಿಂಗಳೊಳಗೆ ಯುದ್ಧ ವಿಮಾನ ಏರಿದ್ದಾರೆ ಎಂದು ಭಾರತೀಯ ವಾಯು ಸೇನೆ ಮುಖ್ಯಸ್ಥ ಹೇಳಿದರು. ಪಂಜಾಬ್‌ ಪಠಾಣ್‌ಕೋಟ್‌ ವಾಯು ನೆಲೆಯಲ್ಲಿ ಸೋಮವಾರ ಮಿಗ್‌-21 ಯುದ್ಧ ವಿಮಾನದಲ್ಲಿ ವರ್ಧಮಾನ್‌ ಮತ್ತು ಧನೋವಾ ಜತೆಯಾಗಿ ಹಾರಾಟ ನಡೆಸಿದರು. ಇದೇ ವೇಳೆ ಮಾತನಾಡಿದ ಧನೋವಾ, ನಾನು ಕಾರ್ಗಿಲ್‌ ಯುದ್ಧದಲ್ಲಿ ಹೋರಾಡಿದೆ. ವರ್ಧಮಾನ್‌ ಬಾಲಾಕೋಟ್‌ನಲ್ಲಿ ಸೆಣೆಸಿದರು. ನಾನು ವರ್ಧಮಾನ್‌ ಅವರ ತಂದೆಯ ಜತೆಗೆ ಹಾರಾಟ ನಡೆಸಿದ್ದೇನೆ. ನಾವು ಮಿಗ್‌-21 ಸ್ಕ್ವಾಡ್ರನ್‌ನಲ್ಲಿ ಜತೆಗಿದ್ದೆವು ಎಂದರು. 1988ರಲ್ಲಿ ನಾನು ಯುದ್ಧವಿಮಾನದಿಂದ ಹೊರಬಿದ್ದಿದ್ದೆ. ಮತ್ತೆ ಯುದ್ಧ ವಿಮಾನ ಏರಲು 9 ತಿಂಗಳುಗಳೇ ಬೇಕಾದವು. ಅಭಿನಂದನ್‌ ವರ್ಧಮಾನ್‌ 6 ತಿಂಗಳ ಒಳಗೆ ಯುದ್ಧ ವಿಮಾನ ಏರಿದ್ದನ್ನು ಕಂಡು ತುಂಬ ಹೆಮ್ಮೆಯಾಗುತ್ತಿದೆ. ಪ್ರಸ್ತುತ ಟ್ರೈನರ್‌ ಕ್ಯಾಪ್ಟನ್‌ ಆಗಿದ್ದಾರೆ. ಶೀಘ್ರದಲ್ಲೇ ಅಭಿನಂದನ್‌ಗೆ ಮೊದಲಿದ್ದ ಎಲ್ಲ ಕ್ವಾಲಿಫಿಕೇಷನ್‌ಗಳು ಮರಳಿ ಸಿಗಲಿವೆ ಎಂದು ಧನೋವಾ ತಿಳಿಸಿದರು.
from India & World News in Kannada | VK Polls https://ift.tt/2ZHx1DT
