ಜೈಪುರ: ಕದನ ಕುತೂಹಲವನ್ನೇ ಸೃಷ್ಟಿಸಿದ್ದ ಬೆಂಗಳೂರು ಬುಲ್ಸ್ ಹಾಗೂ ದಬಾಂಗ್ ಡೆಲ್ಲಿನಡುವಿನ ಪ್ರೊ ಕಬಡ್ಡಿ ಲೀಗ್ನ ಏಳನೇ ಆವೃತ್ತಿಯ 105ನೇ ಪಂದ್ಯ 39-39 ಸಮಾನ ಅಂಕಗಳ ಮೂಲಕ ರೋಚಕವಾಗಿ 'ಟೈ' ಆಯಿತು. ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿಸೋಮವಾರ ನಡೆದ ಈ ಹಣಾಹಣಿಯ ಸ್ಕೋರ್ ಮುನ್ನಡೆ ಅತ್ತಿಂದಿತ್ತ ಓಲಾಡುತ್ತಾ ಸಾಗಿ ಕೊನೆಯಲ್ಲಿಸಮಬಲದಲ್ಲಿನಿಂತ ಕಾರಣ ಇತ್ತಂಡಗಳು ಸಮಾನ ಅಂಕ ಹಂಚಿಕೊಂಡವು. ನಾಯಕ ರೋಹಿತ್ ಕುಮಾರ್ ಅನುಪಸ್ಥಿತಿಯಲ್ಲಿಯೂ ಬಲಿಷ್ಠ ಡೆಲ್ಲಿಗೆ ಪ್ರಬಲ ಸ್ಪರ್ಧೆ ನೀಡಿದ ಬುಲ್ಸ್ ತಂಡ ಟೈ ಮೂಲಕ ಮಾನ ಕಾಪಾಡಿಕೊಂಡಿತು. ಬುಲ್ಸ್ ರೇಡರ್ ಪವನ್ ಶೆಹ್ರಾವತ್ 15 ರೇಡ್ ಅಂಕಗಳ ಮೂಲಕ ಮಿಂಚಿದರೆ, ಡೆಲ್ಲಿರೇಡರ್ ನವೀನ್ ಕುಮಾರ್ (14) ಮತ್ತೊಂದು ಸೂಪರ್ 10ಗೆ ಭಾಜನರಾದರು. ಹರಿಯಾಣದ ಪ್ರಾಬಲ್ಯ... ದಿನದ ಮೊದಲ ಪಂದ್ಯದಲ್ಲಿಸಮಯೋಚಿತ ಆಟ ಪ್ರದರ್ಶಿಸಿದ ಹರಿಯಾಣ ಸ್ಟೀಲರ್ಸ್ ತಂಡ 39-34 ಅಂಕಗಳ ಅಂತರದಿಂದ ಪಟನಾ ಪೈರೇಟ್ಸ್ಗೆ ಸೋಲುಣಿಸಿತು. ವಿಕಾಸ್ ಕಂಡೋಲಾ (13) ಹಾಗೂ ರವಿ ಕುಮಾರ್ (7) ಸಮರ್ಥ ಆಟ ಹರಿಯಾಣಕ್ಕೆ ಗೆಲುವಿನ ಹಾದಿಯನ್ನು ತೋರಿಸಿತು. ಪಟನಾದ ಪರ್ದೀಪ್ ನರ್ವಾಲ್ 17 ರೇಡ್ ಅಂಕ ಗಳಿಸಿದರೂ ಪ್ರಯೋಜನಕ್ಕೆ ಬರಲಿಲ್ಲ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2kK85gM
