ಕಿಂಗ್‌ಸ್ಟನ್ (ಜಮೈಕಾ): ಆತಿಥೇಯ ವೆಸ್ಟ್‌ಇಂಡೀಸ್ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಭಾರತದ ಬಲಗೈ ವೇಗಿ ಹ್ಯಾಟ್ರಿಕ್ ವಿಕೆಟ್ ಸಾಧನೆ ಮಾಡುವ ಮೂಲಕ ಇತಿಹಾಸದ ಪುಟ ಸೇರಿದ್ದಾರೆ. ಇಲ್ಲಿ ಬುಮ್ರಾಗೆ ಹ್ಯಾಟ್ರಿಕ್ ಸಿಗಲು ನಾಯಕ ಪಡೆದ ಡಿಆರ್‌ಎಸ್ ಮನವಿ ಅತ್ಯಂತ ನಿರ್ಣಾಯಕವೆನಿಸಿತು. ಈ ಬಗ್ಗೆ ಬಿಸಿಸಿಐ ಟಿವಿಯಲ್ಲಿ ಪ್ರತಿಕ್ರಿಯೆ ನೀಡಿರುವ ಬುಮ್ರಾ, ನಾನು ನಾಯಕ ಕೊಹ್ಲಿಗೆ ಋಣಿಯಾಗಿದ್ದೇನೆ ಎಂದಿದ್ದಾರೆ. ಸ್ವತ: ಕ್ಯಾಪ್ಟನ್ ಕೊಹ್ಲಿ ಅವರೇ ಸಂದರ್ಶನದಲ್ಲಿ ಹೊಸ ಚೆಂಡನ್ನು ಸಿಕ್ಕಾಗ ಮನೋಸ್ಥಿತಿ ಹೇಗಿರುತ್ತದೆ ಹಾಗೂ ಹೊಸ ಚೆಂಡನ್ನು ಬಳಕೆ ಮಾಡುತ್ತೀರಿ ಎಂಬುದನ್ನು ಕೇಳಿದಾಗ, ಪಿಚ್‌ನಿಂದ ಸಾಕಷ್ಟು ನೆರವು ಸಿಕ್ಕಾಗ ತಮ್ಮ ಲೈನ್ ಹಾಗೂ ಲೆಂಗ್ತ್ ಮೇಲೆ ಹೆಚ್ಚಿನ ಗಮನ ಹರಿಸುವುದಾಗಿ ಬುಮ್ರಾ ತಿಳಿಸಿದರು. ಮೊದಲ ಪಂದ್ಯದಂತೆ ಪಿಚ್‌ನಿಂದ ಹೆಚ್ಚಿನ ಬೌನ್ಸ್ ಹಾಗೂ ಲೇಟ್ ಮೂವ್‌ಮೆಂಟ್ ದೊರಕುತ್ತಿದ್ದವು. ಹಾಗಾಗಿ ಬ್ಯಾಟ್ಸ್‌ಮನ್ ಮೇಲೆ ಹೆಚ್ಚಿನ ಅಗ್ರೇಸಿವ್‌ನಿಂದ ಬೌಲಿಂಗ್ ಮಾಡಲು ಪ್ರಯತ್ನಿಸಿದೆ ಎಂದು ಗೇಮ್ ಪ್ಲ್ಯಾನ್ ಬಿಚ್ಚಿಟ್ಟರು. ಬಳಿಕ ಸ್ಮರಣೀಯ ಹ್ಯಾಟ್ರಿಕ್ ವಿಕೆಟ್ ಬಗ್ಗೆ ವಿಚಾರಿಸಿದಾಗ, ನಿಜವಾಗಿಯೂ ನನಗೆ ಗೊತ್ತಿರಲಿಲ್ಲ. ಬ್ಯಾಟ್ ತಗುಲಿದೆ ಎಂದು ಅಂದುಕೊಂಡಿದೆ. ಹಾಗಾಗಿ ಬಲವಾಗಿ ಅಪೀಲ್ ಕೂಡಾ ಮಾಡಿರಲಿಲ್ಲ. ಆದರೆ (ನಗುತ್ತಲೇ) ಇದೊಂದು ಅತ್ಯುತ್ತಮ ರಿವ್ಯೂ ಆಗಿತ್ತು. ಹಾಗಾಗಿ ಹ್ಯಾಟ್ರಿಕ್ ಸಾಧನೆಗಾಗಿ ನಾಯಕ ವಿರಾಟ್ ಕೊಹ್ಲಿಗೆ ಋಣಿಯಾಗಿದ್ದೇನೆ ಎಂದರು. ಇದಕ್ಕೆ ಉತ್ತರಿಸಿರುವ ವಿರಾಟ್, ಹೌದು, ನಾವು ಸಮಾಲೋಚನೆಯನ್ನು ಮಾಡಿದೆವು. ಬುಮ್ರಾಗೆ ಏನು ಅನಿಸುತ್ತಿದೆಯೋ ಎಂಬುದನ್ನು ವಿಚಾರಿಸಿದೆ. ಅವರು ಚೆಂಡು ತಗುಲಿದೆ ಎಂದು ಅಂದುಕೊಂಡಿದ್ದರು. ನನ್ನ ಒಂದೇ ಒಂದು ಪ್ರಶ್ನೆ ಚೆಂಡು ಲೈನ್‌ನಲ್ಲಿತ್ತೋ ಎಂಬುದಾಗಿತ್ತು. ಅದಕ್ಕವರು ಎಲ್ಲವೂ ಸರಿಯಾಗಿತ್ತು ಎಂದರು. ಹಾಗಾಗಿ ನಾನು ಹಾಗೂ ಜಿಂಕ್ಸ್ (ಅಜಿಂಕ್ಯ ರಹಾನೆ) ರಿವ್ಯೂ ಪಡೆಯಲು ನಿರ್ಧರಿಸಿದೆವು. ಇದು ಉತ್ತಮವಾಗಿಯೇ ಫಲಿಸಿತು ಎಂದು ವಿವರಿಸಿದರು. ಇಶಾಂತ್ ಶರ್ಮಾ ಹಾಗೂ ಮೊಹಮ್ಮದ್ ಶಮಿ ಜತೆಗಿನ ಬೌಲಿಂಗ್ ಕಾಂಬಿನೇಷನ್ ಬಗ್ಗೆಯೂ ಕೇಳಿದಾಗ, ನಾವೆಲ್ಲರೂ ಜತೆಯಾಗಿ ಉತ್ತಮ ಸಂವಹನದ ಮೂಲಕ ಒಬ್ಬರನ್ನೊಬ್ಬರು ನೆಚ್ಚಿಕೊಂಡು ಬೌಲಿಂಗ್ ಮಾಡುತ್ತಿರುತ್ತೇವೆ. ಯಾರೇ ಒಬ್ಬನ್ನು ವಿಕೆಟ್ ಪಡೆದಾಗ ಮಗದೊಬ್ಬ ಬೌಲರ್ ಒತ್ತಡವನ್ನು ಹೇರಲು ಪ್ರಯತ್ನಿಸುತ್ತೇವೆ. ಈ ಮೂಲಕ ಉತ್ತಮ ಹೊಂದಾಣಿಕೆಯನ್ನು ಕಾಪಾಡಿಕೊಂಡಿದ್ದೇವೆ ಎಂದರು. ಇದಕ್ಕೆ ಉತ್ತರಿಸಿದ ವಿರಾಟ್ ಬೌಲರ್‌ಗಳು ನಿರಂತರವಾಗಿ 20 ವಿಕೆಟುಗಳನ್ನು ಕಬಳಿಸಿದಾಗ ಬ್ಯಾಟ್ಸ್‌ಮನ್‌ಗಳ ಕೆಲಸವು ತುಂಬಾನೇ ಸುಲಭವಾಗುತ್ತದೆ ಎಂದರು. ಏತನ್ಮಧ್ಯೆ ಚೊಚ್ಚಲ ಶತಕ ಸಾಧನೆ ಮಾಡಿದ ಹನುಮ ವಿಹಾರಿ ಕೊಡುಗೆಯನ್ನು ಸ್ಮರಿಸಲು ವಿರಾಟ್ ಕೊಹ್ಲಿ ಮರೆಯಲಿಲ್ಲ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Zzi9LX
