ಬೆಂಗಳೂರಿನಲ್ಲಿ ಸುರಿದ ಭಾರೀ ಮಳೆಗೆ 65 ಕಡೆ ಧರೆಗುರುಳಿದ ಮರಗಳು! ನದಿಯಂತಾದ ರಸ್ತೆಗಳು, ಅಂಡರ್‌ಪಾಸ್‌ಗಳು ಜಲಾವೃತ

ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ಭಾನುವಾರ ಕೇವಲ ಒಂದು ಗಂಟೆ ಆರ್ಭಟಿಸಿದ ಮಳೆ ಮಹಾನಗರವನ್ನೇ ತತ್ತರಿಸುವಂತೆ ಮಾಡಿದೆ. ನಗರದ 65 ಕಡೆಗಳಲ್ಲಿ ಮರಗಳು ಉರುಳಿ ಅವಾಂತರ ಸೃಷ್ಟಿಯಾಯಿತು. ತಗ್ಗುಪ್ರದೇಶಗಳಿಗೆ ನೀರು ನುಗ್ಗಿ ನಾಗರಿಕರು ತೀವ್ರ ತೊಂದರೆ ಅನುಭವಿಸಿದರು.​ಭಾನುವಾರ ಮಧ್ಯಾಹ್ನ 3.30ರ ವೇಳೆಗೆ ಆರಂಭವಾದ ವೇಳೆ ಒಂದು ಗಂಟೆ ಕಾಲ ಅಬ್ಬರಿಸಿತು. ಆಲಿಕಲ್ಲು ಸಹಿತ ಗುಡುಗು-ಸಿಡಿಲಿನ ಅಬ್ಬರದ ಮಳೆಗೆ ನಗರ ಬೆಚ್ಚಿ ಬಿದ್ದಿತು. ಕಾರ್ಮೋಡಗಳಿಂದ ನಗರದಲ್ಲಿ ಕಗ್ಗತ್ತಲು ಆವರಿಸಿತು. ಏಕಾಏಕಿಯಾಗಿ ಸುರಿದ ಧಾರಾಕಾರ ಮಳೆಗೆ ವಾಹನ ಸವಾರರು ಮತ್ತು ಪಾದಚಾರಿಗಳು ಪರದಾಡಿದರು.​

from Latest Kannada News: ಕನ್ನಡ ವಾರ್ತೆ, India and World News in Kannada, Kannada News Live Today, ಕನ್ನಡದಲ್ಲಿ ಸುದ್ದಿ https://ift.tt/8O0BXVs