ಮಳೆ ಆರ್ಭಟಕ್ಕೆ ತತ್ತರಿಸಿದ ರಾಜಧಾನಿ ಬೆಂಗಳೂರು; ಎಲ್ಲೆಲ್ಲಿ ಏನೆಲ್ಲಾ ಅನಾಹುತ? ಇಲ್ಲಿದೆ ಮಾಹಿತಿ

ಬೆಂಗಳೂರು : ನಗರದಲ್ಲಿ ಮಂಗಳವಾರ ಮಧ್ಯಾಹ್ನದಿಂದ ರಾತ್ರಿವರೆಗೆ ಗುಡುಗು-ಸಿಡಿಲು, ಬಿರುಗಾಳಿ ಸಹಿತ ಅಬ್ಬರಿಸಿದ ಮಳೆಗೆ ಜನಜೀವನ ಅಸ್ತವ್ಯಸ್ತಗೊಂಡಿತು. ರಸ್ತೆಗಳೆಲ್ಲವೂ ಹೊಳೆಯ ರೂಪ ತಾಳಿದ್ದರಿಂದ ಸವಾರರು ಜೀವಭಯದಲ್ಲೇ ವಾಹನಗಳನ್ನು ಚಲಾಯಿಸಬೇಕಾದ ಸ್ಥಿತಿ ನಿರ್ಮಾಣವಾಗಿತ್ತು.ರಾಜಧಾನಿಯಲ್ಲಿ ಮಧ್ಯಾಹ್ನವೇ ಮೋಡ ಕವಿದ ವಾತಾವರಣವಿತ್ತು. ಹೊತ್ತೇರುತ್ತಿದ್ದಂತೆಯೇ ಗುಡುಗು-ಸಿಡಿಲಿನ ಆರ್ಭಟದೊಂದಿಗೆ ಧಾರಾಕಾರ ಮಳೆ ಸುರಿಯಿತು. ಜತೆಗೆ ಬಿರುಗಾಳಿಯೂ ಜೋರಾಯಿತು. ಪರಿಣಾಮ, ಹಲವೆಡೆ ಮರಗಳು ಧರೆಗುರುಳಿ ಬಿದ್ದವು. ನೂರಾರು ಕಡೆ ರೆಂಬೆ-ಕೊಂಬೆಗಳು ಮುರಿದುಬಿದ್ದವು. ಇದರಿಂದ ಉಂಟಾದ ಟ್ರಾಫಿಕ್‌ ಜಾಮ್‌ನಿಂದ ಸವಾರರು ಹೈರಾಣಾಗಿ ಹೋದರು.

from Latest Kannada News: ಕನ್ನಡ ವಾರ್ತೆ, India and World News in Kannada, Kannada News Live Today, ಕನ್ನಡದಲ್ಲಿ ಸುದ್ದಿ https://ift.tt/9L2Sg6D