ಮೊರಾದಾಬಾದ್: ವಯಸ್ಸಿನ ಭೇದವಿಲ್ಲದೆ ಎಲ್ಲರಲ್ಲಿ ಈಗ ಗುಂಗು ತಲೆಗೇರಿದೆ. ಕಳೆದ ವರ್ಷ ಬ್ಲ್ಯೂ ವೇಲ್ ಮಾರಣಹೋಮ ನಡೆಸಿತ್ತು. ಮತ್ತೀಗ ಪಬ್ ಜಿ ಕ್ರೇಜ್ಗೆ ಬೆಂಗಳೂರಿನ ಯುವ ಸಮೂಹ ಬಲಿಯಾಗುತ್ತಿರುವ ಆಘಾತಕಾರಿ ವಿಚಾರ ಬೆಳಕಿಗೆ ಬಂದಿದೆ. ಹೌದು , ಹಿಂದೆ ಬ್ಲೂವೇಲ್ ನಂತಹ ಡೆಡ್ಲಿ ಗೇಮ್ ಸಾಕಷ್ಟು ಜನರ ಬಲಿ ಪಡೆದಿತ್ತು. ಮತ್ತೀಗ ಪಬ್ ಜಿ ಮತ್ತೊಬ್ಬರ ಜೀವ ತೆಗೆಯಲು ಪ್ರೇರೇಪಿಸುತ್ತಿದೆ. ಮಕ್ಕಳ, ಯುವ ಜನಾಂಗದ ಮನಸ್ಸನ್ನು ಕ್ರೂರತೆಯ ಕಡೆಗೆ ಪ್ರೇರೇಪಿಸುತ್ತಿದೆ. ಅದಕ್ಕೆ ಉದಾಹರಣೆಗಳು ಸಾಕಷ್ಟು ಕೇಳಿ ಬರುತ್ತಿವೆ. ಪಬ್ಜಿಗಾಗಿ ಗಂಡನಿಗೆ ಡಿವೋರ್ಸ್ ನೀಡಿದ್ದು, ಆಡಲು ಬಿಡುತ್ತಿಲ್ಲವೆಂದು ತಂದೆಯನ್ನು ಕೊಚ್ಚಿ ಕೊಂದಿದ್ದು ಇಂತಹ ಸುದ್ದಿಗಳು ಇತ್ತೀಚಿಗೆ ಕೇಳಿ ಬಂದಿವೆ. ಮತ್ತೀಗ ಉತ್ತರ ಪ್ರದೇಶದ ಕೇಂದ್ರೀಯ ವಿದ್ಯಾಲಯವೊಂದರಿಂದ ಬೆಚ್ಚಿ ಬೀಳಿಸುವ ಸುದ್ದಿಯೊಂದು ಹರಿದುಬಂದಿದೆ. ''ರೈಲ್ವೆ ಹರ್ಥಾಲಾ ಕಾಲೋನಿಯಲ್ಲಿರುವ ಕೇಂದ್ರೀಯ ವಿದ್ಯಾಲಯದಲ್ಲಿ ಈ ಆಘಾತಕಾರಿ ಪ್ರಸಂಗ ಬೆಳಕಿಗೆ ಬಂದಿದ್ದು, ನಮ್ಮ ಶಾಲೆಯಲ್ಲಿ 7 ಮತ್ತು 8ನ ತರಗತಿಯಲ್ಲಿ ಓದುತ್ತಿರುವ 5 ಮಕ್ಕಳು ಸ್ಕೂಲ್ ಬ್ಯಾಗ್ನಲ್ಲಿ ಚಾಕು, ಕಬ್ಬಿಣದ ಸರಪಳಿ ಮತ್ತು ಆಟಿಕೆ ಗನ್ ಇಟ್ಟುಕೊಂಡು ಬಂದಿದ್ದರು. ಮಕ್ಕಳೆಲ್ಲರಿಗೆ ಎಚ್ಚರಿಕೆ ಸಂದೇಶವಾಗಿ ಒಂದು ವಾರದ ಮಟ್ಟಿಗೆ ಶಾಲೆಯಿಂದ ಅಮಾನತು ಮಾಡಲಾಗಿದೆ ಮತ್ತು ಈ ಬಗ್ಗೆ ಅವರ ಪೋಷಕರಿಗೆ ಮಾಹಿತಿ ನೀಡಲಾಗಿದೆ, ಎಂದಿದ್ದಾರೆ'', ಎಂದು ಶಾಲೆಯ ಪ್ರಾಚಾರ್ಯರಾದ ಬೃಜೇಶ ಕುಮಾರ್ ತಿಳಿಸಿದ್ದಾರೆ. ''ಇದೆಲ್ಲ ಪಬ್ಜಿ ಗೇಮ್ ಪರಿಣಾಮ. ಮಕ್ಕಳು ಮತ್ತೆ ಇಂತಹದ್ದನ್ನು ಮರುಕಳಿಸಿದರೆ ಶಾಲೆಯಿಂದ ಗೇಟ್ ಪಾಸ್ ನೀಡಲಾಗುವುದು, ಎಂದು ತಾಕೀತು ಮಾಡಿ ಕಳಿಸಿದ್ದೇವೆ,'' ಎಂದವರು ಹೇಳಿದ್ದಾರೆ.
from India & World News in Kannada | VK Polls https://ift.tt/2lAPLHk
