ಕಿಂಗ್‌ಸ್ಟನ್: ಭಾರತ ಕ್ರಿಕೆಟ್ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ವೆಸ್ಟ್ಇಂಡೀಸ್ ವಿರುದ್ಧ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಅಮೋಘ ಶತಕ ಸಾಧನೆ ಮಾಡಿದ್ದಾರೆ. ಇದು ಟೆಸ್ಟ್ ಕ್ರಿಕೆಟ್‌ನಲ್ಲಿ ಯುವ ಭರವಸೆಯ ಬ್ಯಾಟ್ಸ್‌ಮನ್ ಹನುಮ ವಿಹಾರಿ ಬ್ಯಾಟ್‌ನಿಂದ ಸಿಡಿದ ಚೊಚ್ಚಲ ಟೆಸ್ಟ್ ಶತಕವಾಗಿದೆ. ಅಲ್ಲದೆ ತಮ್ಮ ಮೊದಲ ಶತಕವನ್ನು ದಿವಂಗತ ಅಪ್ಪನಿಗೆ ಅರ್ಪಿಸಿದ್ದಾರೆ. ಹನುಮ ವಿಹಾರಿ 13 ವರ್ಷಗಳ ಹಿಂದೆ ಪೂಜ್ಯನೀಯ ಅಪ್ಪನನ್ನು ಕಳೆದುಕೊಂಡಿದ್ದರು. ಆಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿದಾಗ ತಮ್ಮ ಮೊದಲ ಶತಕವನ್ನು ಅಪ್ಪನಿಗೆ ಅರ್ಪಿಸುವುದಾಗಿ ನಿರ್ಧರಿಸಿದ್ದರು. ಇಂದು ನನ್ನ ಪಾಲಿಗೆ ಭಾವನಾತ್ಮಕ ದಿನ. ಅಪ್ಪ ಎಲ್ಲೇ ಇದ್ದರೂ ಅವರಿಗಾಗಿ ಈ ಸಾಧನೆ ಮಾಡಿರುವುದಕ್ಕೆ ಅತೀವ ಸಂತೃಪ್ತಿಯಿದೆ ಎಂದರು. ಅದೇ ಹೊತ್ತಿಗೆ ಚೊಚ್ಚಲ ಟೆಸ್ಟ್ ಅರ್ಧಶತಕ ಬಾರಿಸಿದ ಬೆಂಬಲವಿರದ ಹೊರತಾಗಿ ತಮಗೆ ಶತಕ ಗಳಿಸಲು ಸಾಧ್ಯವಾಗುತ್ತಿರಲಿಲ್ಲ ಎಂದವರು ಹೇಳಿದರು. ನನಗಿಂತಲೂ ಉತ್ತಮವಾದ ಬ್ಯಾಟ್ಸ್‌ಮನ್ ರೂಪದಲ್ಲಿ ಇಶಾಂತ್ ಬೆಂಬಲ ನೀಡಿದರು. ಅದಕ್ಕಾಗಿ ಇಶಾಂತ್‌ಗೆ ಶ್ರೇಯಸ್ಸು ಸಲ್ಲಬೇಕು ಎಂದರು. ಹಿಂದಿನ ದಿನ 42 ರನ್ ಗಳಿಸಿದಾಗ ಹೇಗೆ ದೊಡ್ಡ ಮೊತ್ತವಾಗಿ ಪರಿವರ್ತಿಸಬೇಕೆಂಬ ಚಿಂತನೆ ಮನಗಟ್ಟಿತ್ತು. ಇದರಿಂದಾಗಿ ಸರಿಯಾಗಿ ನಿದ್ದೆ ಬರಲಿಲ್ಲ. ಈಗ ಅಂತಹ ಪರಿಸ್ಥಿತಿಯಲ್ಲಿ ಮೊದಲ ಶತಕದ ದಾಖಲಿಸಿರುವುದು ಅತೀವ ಸಂತೃಪ್ತಿಯನ್ನು ತಂದಿದೆ ಎಂದರು. ವಿಂಡೀಸ್ ನಿಖರವಾಗಿ ದಾಳಿ ಸಂಘಟಿಸಿದರು. ಇದರಿಂದಾಗಿ ನಮಗೆ ರನ್ ಗಳಿಸುವುದು ಕಷ್ಟಕರವಾಗಿತ್ತು. ಹಾಗಾಗಿ ತಾಳ್ಮೆಯುತವಾಗಿ ಬ್ಯಾಟಿಂಗ್ ಮಾಡುವುದು ನನ್ನ ಗುರಿಯಾಗಿತ್ತು ಎಂಬುದನ್ನು ವಿವರಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2MVZrbF
