ಕರಾವಳಿಯಲ್ಲಿ ಫುಡ್‌ ಟೆಸ್ಟ್‌ ಲ್ಯಾಬ್‌ಗಳೇ ಇಲ್ಲ: ರಾಜ್ಯದಲ್ಲಿ 4 ಕಡೆ ಮಾತ್ರ ಲ್ಯಾಬ್‌ ಸೆಂಟರ್‌ ವರದಿಗೆ ಕಾಯಬೇಕು ಒಂದು ವಾರ!

​ರಾಜ್ಯದಲ್ಲಿ ವಿಭಾಗವಾರು ಮೈಸೂರು, ಬೆಂಗಳೂರು, ಹುಬ್ಬಳ್ಳಿ-ಧಾರವಾಡ, ಬೆಳಗಾವಿಯಲ್ಲಿ ಮಾತ್ರ ಆಹಾರ ಮತ್ತು ನೀರು ವಿಶ್ಲೇಷಣೆ ಪ್ರಯೋಗಾಲಯ ಇರೋದು. ಜಿಲ್ಲೆಗೊಂದರಂತೆ ಇಂತಹ ತಪಾಸಣಾ ಲ್ಯಾಬ್‌ಗಳನ್ನು ತೆರೆಯಬೇಕೆಂದು ಹಲವು ವರ್ಷಗಳಿಂದ ಪ್ರಸ್ತಾಪವಿದ್ದರೂ ಬೇಡಿಕೆ ಮಾತ್ರ ಇನ್ನೂ ಈಡೇರಲಿಲ್ಲ. ಮಂಗಳೂರಿನ ಶಕ್ತಿನಗರದಲ್ಲಿರುವ ಖಾಸಗಿ ನರ್ಸಿಂಗ್‌ ಕಾಲೇಜು ಹಾಸ್ಟೆಲ್‌ನಲ್ಲಿ ವಿಷಾಹಾರ ಸೇವಿಸಿ 139ಕ್ಕೂ ಅಧಿಕ ವಿದ್ಯಾರ್ಥಿಗಳು ಅಸ್ವಸ್ಥಗೊಂಡು ಆಸ್ಪತ್ರೆಗೆ ದಾಖಲಾದ ಘಟನೆ ಸೋಮವಾರ ವರದಿಯಾಗಿತ್ತು. ಇವರು ಸೇವಿಸಿದ ಆಹಾರಗಳನ್ನು ಪರೀಕ್ಷೆಗಾಗಿ ಬೆಂಗಳೂರಿನಲ್ಲಿರುವ ಆಹಾರ ಮತ್ತು ನೀರು ವಿಶ್ಲೇಷಣಾ ಪ್ರಯೋಗಾಲಯ ಲ್ಯಾಬ್‌ಗೆ ಕಳುಹಿಸಿಕೊಡಲಾಗಿದೆ. ವರದಿಗೆ ಕನಿಷ್ಠ ಒಂದು ವಾರ ಕಾಯಬೇಕಿದೆ.

from India & World News in Kannada | VK Polls https://ift.tt/RYJ9dSy