ಬೆಂಗಳೂರು: ಬರೋಬ್ಬರಿ ವರ್ಷಗಳ ಬಳಿಕ ಕ್ರಿಕೆಟ್ ಟೂರ್ನಿಯಲ್ಲಿ ಕೇರಳ ಎಕ್ಸ್‌ಪ್ರೆಸ್‌ ಖ್ಯಾತಿಯ ಅನುಭವಿ ವೇಗದ ಬೌಲರ್‌ ಮೊದಲ ವಿಕೆಟ್‌ ಸಂಪಾದಿಸಿದ್ದಾರೆ. ಇದರ ವಿಡಿಯೋವನ್ನು ತಮ್ಮ ಸೋಷಿಯಲ್‌ ಮೀಡಿಯಾ ಖಾತೆಗಳಲ್ಲಿ ಇದೀಗ ಹಂಚಿಕೊಳ್ಳುವ ಮೂಲಕ ಭಾವನಾತ್ಮಕ ಸಂದೇಶ ಒಂದನ್ನು ಬರೆದಿದ್ದಾರೆ. 39 ವರ್ಷದ ಅನುಭವಿ ವೇಗದ ಬೌಲರ್‌, 2013ರ ಸಾಲಿನ ಟೂರ್ನಿಯಲ್ಲಿ ನಡೆದಿದ್ದ ಹಗರಣದಲ್ಲಿ ಸಿಕ್ಕಿ ಬಿದ್ದಿದ್ದರು. ಇದರಿಂದ ಆಜೀವ ನಿಷೇಧ ಶಿಕ್ಷೆಗೆ ಒಳಗಾದರೂ, ತಮ್ಮ ವಿರುದ್ಧದ ಆರೋಪಗಳ ವಿರುದ್ಧ ನ್ಯಾಯಾಲಯದಲ್ಲಿ ಹೋರಾಟ ನಡೆಸಿ 2020ರಲ್ಲಿ ನಿಷೇಧದಿಂದಲೂ ಹೊರಬಂದರು. 2013ರಲ್ಲಿ ಅವರು ತಂಡದಲ್ಲಿದ್ದರು. ಟೀಮ್ ಇಂಡಿಯಾ ಕಂಡ ಅತ್ಯಂತ ಪ್ರತಿಭಾನ್ವಿತ ವೇಗದ ಬೌಲರ್‌ಗಳಲ್ಲಿ ಒಬ್ಬರಾದ ಶ್ರೀಶಾಂತ್, ಭಾರತ ತಂಡದ ಪರ 27 ಟೆಸ್ಟ್‌, 53 ಒಡಿಐ ಮತ್ತು 10 ಟಿ20-ಐ ಪಂದ್ಯಗಳನ್ನು ಆಡಿದ್ದಾರೆ. 2005ರಲ್ಲಿ ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ್ದ ಶ್ರೀಶಾಂತ್ ಹಲವು ವರ್ಷಗಳ ಕಾಲ ತಂಡದ ಪ್ರಮುಖ ಆಟಗಾರನಾಗಿದ್ದರು. 2007ರ ಟಿ20 ಕ್ರಿಕೆಟ್ ವಿಶ್ವಕಪ್‌ ಮತ್ತು 2011ರ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್‌ ವಿನ್ನರ್‌ ಕೂಡ. ಅಂದಹಾಗೆ 2011ರಲ್ಲಿ ಅವರು ಟೀಮ್ ಇಂಡಿಯಾ ಪರ ಕೊನೆಯ ಪಂದ್ಯವನ್ನಾಡಿದ್ದಾರೆ. ಐಪಿಎಲ್‌ 2021 ಮತ್ತು 2022 ಟೂರ್ನಿಯ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಆಟಗಾರ ಹರಾಜು ಪ್ರಕ್ರಿಯೆಗೆ ಶ್ರೀಶಾಂತ್ ಅರ್ಜಿಸಲ್ಲಿಸಿದ್ದರು. ಆದರೆ, ಯಾವ ಫ್ರಾಂಚೈಸಿಯೂ 50 ಲಕ್ಷ ರೂ. ಮೂಲ ಬೆಲೆ ಹೊಂದಿದ್ದ 39 ವರ್ಷದ ವೇಗಿಯನ್ನು ಖರೀದಿಸಲು ಮುಂದೆ ಬರಲಿಲ್ಲ. ಕೇರಳ ಮೂಲಕದ ಕ್ರಿಕೆಟಿಗ ಈಗ 2 ವರ್ಷಗಳ ವಿರಾಮದ ನಂತರ ಆಯೋಜನೆ ಆಗಿರುವ ರಣಜಿ ಟ್ರೋಫಿ ಟೂರ್ನಿಯಲ್ಲಿ ಕೇರಳ ಪರ ಆಡುತ್ತಿದ್ದಾರೆ. "ಇದು 9 ವರ್ಷಗಳ ಸುದೀರ್ಘಾವಧಿಯ ಬಳಿಕ ನನಗೆ ಸಿಕ್ಕ ಮೊದಲ ವಿಕೆಟ್‌ ಆಗಿದೆ. ದೇವರ ಕೃಪೆ, ನನ್ನ ಸಂಭ್ರಮಕ್ಕೆ ಪರಿಯೇ ಇರಲಿಲ್ಲ. ಪಿಚ್‌ಗೆ ಅಲ್ಲೇ ನನ್ನ ಪ್ರಾರ್ಥನೆ ಸಲ್ಲಿಸಿದೆ," ಎಂದು ತಮ್ಮ ಟ್ವಿಟರ್‌ ಗೋಡೆಯ ಮೇಲೆ ಬರೆದುಕೊಂಡಿರುವ ಶ್ರೀಶಾಂತ್ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಜೊತೆಗೆ ಬಿಸಿಸಿಐ, ಕೇರಳ ಕ್ರಿಕೆಟ್ ಸಂಸ್ಥೆಗೆ ಧನ್ಯವಾದ ತಿಳಿಸಿದ್ದಾರೆ. ಅಂದಹಾಗೆ ಶ್ರೀಶಾಂತ್, 'ಎಲೈಟ್‌' 'ಎ' ಗುಂಪಿನಲ್ಲಿ ಮೇಘಾಲಯ ವಿರುದ್ಧದ ಪಂದ್ಯದಲ್ಲಿ ಕಣಕ್ಕಿಳಿದು ಮೊದಲ ಇನಿಂಗ್ಸ್‌ನಲ್ಲಿ ಎರಡು ವಿಕೆಟ್‌ ಸಂಪಾದಿಸಿದ್ದಾರೆ. ಮೇಘಾಲಯ ತಂಡದ ಆರ್ಯನ್‌ ಬೋರಾ ಅವರನ್ನು ಔಟ್‌ ಮಾಡಿ 9 ವರ್ಷಗಳ ಬಳಿಕ ಮೊದಲ ವಿಕೆಟ್‌ ಪಡೆದ ಸಂಭ್ರಮ ಆಚರಿಸಿದರು. ತಾವು ಎಸೆದ ಒಟ್ಟು 11.5 ಓವರ್‌ಗಳಲ್ಲಿ 40 ರನ್‌ ಕೊಟ್ಟು 2 ವಿಕೆಟ್‌ ಪಡೆದರು. ದ್ವಿತೀಯ ಇನಿಂಗ್ಸ್‌ನಲ್ಲಿ 9 ಓವರ್‌ಗಳಲ್ಲಿ 57 ರನ್‌ ಕೊಟ್ಟ ಅವರಿಗೆ ಯಾವುದೇ ವಿಕೆಟ್‌ ಸಿಗಲಿಲ್ಲ. ಆದರೂ ಪಂದ್ಯದಲ್ಲಿ ಕೇರಳ ತಂಡ 166 ರನ್‌ಗಳ ಭರ್ಜರಿ ಜಯ ದಾಖಲಿಸಿತ್ತು. ಇನ್ನು 'ಎ' ಗುಂಪಿನಲ್ಲಿ ನಡೆದ ತನ್ನ ಎರಡನೇ ಪಂದ್ಯದಲ್ಲಿ ಕೇರಳ ತಂಡ ಗುಜರಾತ್‌ ಎದುರು ಪೈಪೋಟಿ ನಡೆಸಿತ್ತು. ಈ ಪಂದ್ಯದಲ್ಲಿ ಶ್ರೀಶಾಂತ್ ಆಡಿರಲಿಲ್ಲ. ಈಗ 3ನೇ ಪಂದ್ಯದಲ್ಲಿ ಮಧ್ಯ ಪ್ರದೇಶ ಎದುರು ಕೇರಳ ಎಕ್ಸ್‌ಪ್ರೆಸ್‌ ಕಣಕ್ಕಿಳಿಯುತ್ತಾರೆಯೇ ಕಾದು ನೋಡಬೇಕು. ಸದ್ಯ ಈ ಗುಂಪಿನಲ್ಲಿ ಮೊದಲ ಎರಡೂ ಪಂದ್ಯ ಗೆದ್ದಿರುವ ಕೇರಳ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/EFUpA3L
