ಮೈಸೂರು: '' ಯಾರು, ಬ್ಲೂಬಾಯ್ ಯಾರು ಅನ್ನೋದು ಜಿಲ್ಲೆಯ ಜನರಿಗೆ ಗೊತ್ತಾಗಿದೆ. ಹೀರೊಯಿನ್ ಹೆಸರು ನೀವ್ ಹೇಳ್ತೀರಾ, ಇಲ್ಲವೇ ಮುಂದಿನ ದಿನಗಳಲ್ಲಿ ನಾನೇ ಹೇಳೋದಾ,'' ಎಂದು ಸಾರಾ ಸವಾಲು ಹಾಕಿದರು. ಮೂರ್ನಾಲ್ಕು ತಿಂಗಳ ಹಿಂದೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದ ಆಡಿಯೋ ಸಂಭಾಷಣೆಯ ಸಿಡಿ ಪ್ರದರ್ಶಿಸಿ ಮಾತನಾಡಿದ ಅವರು, ''ಕಳೆದ ಎರಡು ತಿಂಗಳ ಹಿಂದೆ ಬಂದ ಆಡಿಯೋ ಯಾವ ಮಹಿಳೆ ಜತೆಗಿನ ಸಂಭಾಷಣೆ ಅನ್ನೋದು ನಮಗೆ-ನಿಮಗೂ ಗೊತ್ತಿದೆ. ಅವರ ನಂಬರ್ ಕೂಡ ನನ್ನ ಬಳಿ ಇದೆ. ಇದರ ಬಗ್ಗೆ ತನಿಖೆ ಮಾಡಿಸಿ. ನಿಮ್ಮ ಬ್ಲೂಫಿಲಂ ಆಡಿಯೋ ಇಲ್ಲಿದೆ ನೋಡಿ. ಎರಡು ತಿಂಗಳಾದರೂ ಯಾಕೆ ಮಾತನಾಡುತ್ತಿಲ್ಲ,'' ಎಂದು ಪ್ರಶ್ನಿಸಿದರು. ''ವಕೀಲರಾಗಿದ್ದಾಗ ನಿಮ್ಮ ಬಳಿ ನ್ಯಾಯ ಕೇಳಿ ಬಂದ ಮಹಿಳೆಗೆ ಏನಾಯ್ತು? ಅವರ ಗತಿ ಏನಾಯ್ತು. ನಮಗೂ ಗೊತ್ತಿದೆ. ಮುಂದೆ ನಿಮ್ಮ ಒಂದೊದು ಎಪಿಸೋಡ್ ಬಿಡುಗಡೆ ಮಾಡ್ತೀನಿ. 1994ರ ಚುನಾವಣೆಯಲ್ಲಿ ಪ್ರಚಾರಕ್ಕೆ ಹೋಗುತ್ತಿದ್ದಾಗ ಯಾಕೆ ಬಾಗಿಲು ಹಾಕಿಕೊಳ್ಳುತ್ತಿದ್ದರು ಅನ್ನುವುದು ಗೊತ್ತಿಲ್ಲವೇ?,'' ಎಂದು ತಿರುಗೇಟು ನೀಡಿದರು. ''ಯಾವ ಪುಣ್ಯಾತ್ಮ ಹಳ್ಳಿ ಹಕ್ಕಿ ಅಂಥ ಹೆಸರಿಟ್ಟನೋ ಗೊತ್ತಿಲ್ಲ. ಚಳಿಗಾಲದಲ್ಲಿಒಂದು ಗೂಡು, ಮಳೆಗಾಲದಲ್ಲಿಒಂದು ಗೂಡು, ಬೇಸಿಗೆ ಕಾಲದಲ್ಲಿಒಂದು ಗೂಡು ಸೇರಿಕೊಳ್ಳುತ್ತದೆ. ಇಂಥವರ ಬಗ್ಗೆ ಮಾತನಾಡಲು ನಮಗೆ ನಾಚಿಕೆಯಾಗುತ್ತದೆ,'' ಎಂದು ಕುಟುಕಿದರು. ಯಾವ ಆಸೆ, ಆಮಿಷಕ್ಕೂ ಬಲಿಯಾಗಿಲ್ಲ. ನಾನು ಮಾಡಿರುವ ಆರೋಪ ಸುಳ್ಳು ಎಂದು ಮಾಜಿ ಸಚಿವ ಎಚ್.ವಿಶ್ವನಾಥ್ ಚಾಮುಂಡಿ ಬೆಟ್ಟದ ಚಾಮುಂಡೇಶ್ವರಿ ದೇವಿ ಸನ್ನಿಧಿಯಲ್ಲಿಆಣೆ, ಪ್ರಮಾಣ ಮಾಡಲಿ,'' ಎಂದು ಮಾಜಿ ಸಚಿವ ಸಾ.ರಾ.ಮಹೇಶ್ ಬಹಿರಂಗ ಮತ್ತೊಮ್ಮೆ ಸವಾಲು ಹಾಕಿದರು.
from India & World News in Kannada | VK Polls https://ift.tt/2mg1riC
