ರಸ್ತೆಯಲ್ಲಿ ಕೆರೆಯೋ.. ಕೆರೆಯಲ್ಲಿ ರಸ್ತೆಯೋ..? ವಾಹನ ಸವಾರರ ಪಾಡು ದೇವರಿಗೇ ಪ್ರೀತಿ..!

ಕೋಲಾರ ನಗರದಲ್ಲಿ ಯುಜಿಡಿ, ಚರಂಡಿ ವ್ಯವಸ್ಥೆಗಳು ಸಮರ್ಪಕವಾಗಿರದ ಕಾರಣ ಮಳೆ ಬಂದ ಸಮಯದಲ್ಲಿ ಅನೇಕ ರಸ್ತೆಗಳು ಕೆರೆಗಳಂತಾಗುತ್ತಿದ್ದು, ಗುಂಡಿಗಳ ನಡುವೆಯೇ ಹತ್ತಾರು ಮೀಟರ್‌ ನೀರಿನಲ್ಲಿಯೇ ಸಂಚರಿಸುವ ವಾಹನ ಸವಾರರಿಗೆ ತೀವ್ರ ಕಿರಿಕಿರಿಯಾಗುತ್ತಿದೆ. ಕೋಲಾರ ನಗರದಲ್ಲಿ ಪ್ರಮುಖ ರಸ್ತೆಗಳನ್ನು ಹೊರತುಪಡಿಸಿ ಬಹುತೇಕ ರಸ್ತೆಗಳು ಗುಂಡಿಗಳಿಂದ ಕೂಡಿರುವುದು ಒಂದೆಡೆಯಾದರೆ, ಮಳೆ ಬಂದರೆ ಸರಾಗವಾಗಿ ನೀರು ಹರಿಯಲು ಸಾಧ್ಯವಾಗದೇ ಇರುವ ಕಾರಣದಿಂದ ಒಂದು ಅಡಿಗಿಂತಲೂ ಹೆಚ್ಚು ಎತ್ತರದಲ್ಲಿ ರಸ್ತೆಗಳಲ್ಲಿ ನೀರು ನಿಲ್ಲುತ್ತಿದೆ. ಇದೆನೋ ರಸ್ತೆಯಲ್ಲಿ ಹೊಂಡವಿದೆಯೋ ಅಥವಾ ಹೊಂಡದಲ್ಲಿ ರಸ್ತೆಯಿದೆಯೋ ಎಂಬ ಅನುಮಾನ ಕಾಡುತ್ತದೆ.

from India & World News in Kannada | VK Polls https://ift.tt/jbRlEKw