ಚಾಮರಾಜನಗರ: ಹೆದ್ದಾರಿ ಸಮೀಪವೇ ಬಿದ್ದಿದೆ ರಾಶಿ ರಾಶಿ ಕಸ, ಅಶುಚಿತ್ವಕ್ಕೆ ನಾಗರಿಕರು ಬೇಸರ

ಜಿಲ್ಲಾ ಕೇಂದ್ರ ಚಾಮರಾಜನಗರದ ಸತ್ಯಮಂಗಲಂ ರಸ್ತೆಯ ಲಾರಿ ನಿಲ್ದಾಣದ ಬಳಿ ಕಸದ ತ್ಯಾಜ್ಯ ತುಂಬಿದ್ದು, ರಸ್ತೆಯಲ್ಲಿ ಅಶುಚಿತ್ವ ತಾಂಡವವಾಡುತ್ತಿದೆ. ನೆರೆಯ ತಮಿಳುನಾಡು ರಾಜ್ಯಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆ ಇದಾಗಿದ್ದು, ಇಲ್ಲಿ ಜನದಟ್ಟಣೆ ಸಹ ಹೆಚ್ಚಾಗಿರುತ್ತದೆ. ಸಂಜೆಯಾದರೆ ಇಲ್ಲಿ ಪಾನಿಪುರಿ, ಗೋಬಿ, ಫಿಷ್‌ ಕಬಾಬ್‌, ಮದ್ಯದಂಗಡಿಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಆಗಮಿಸುತ್ತಾರೆ. ಮದ್ಯ ಸೇವನೆ ಮಾಡುವವರು ಕುಡಿದ ಪೌಚ್‌ಗಳನ್ನು ಶಿಕ್ಷಣ ಇಲಾಖೆಯ ಸಮುಚ್ಚಯಕ್ಕೆ ಹೊಂದಿಕೊಂಡ ಸುತ್ತುಗೋಡೆಯ ಬಳಿ ಕುಡಿದು ಬಿಸಾಡುತ್ತಾರೆ. ತ್ಯಾಜ್ಯ ವಸ್ತುಗಳಿಂದ ರಸ್ತೆ ಗಲೀಜಾಗಿದ್ದು, ಅಶುಚಿತ್ವ ನೋಡಿ ಸಾರ್ವಜನಿಕರು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.

from India & World News in Kannada | VK Polls https://ift.tt/Kl2WUrB