ಕೊಪ್ಪಳ: ಬಡಿದವರ ಬೆನ್ನತ್ತುವ ಕೋಣ, ದೇವಿಯ ಪವಾಡ ಎನ್ನುತ್ತಿದ್ದಾರೆ ಗ್ರಾಮಸ್ಥರು..!

ಸಾಮಾನ್ಯವಾಗಿ ಎಮ್ಮೆ, ಕೋಣಗಳನ್ನು ಬೈದು, ಬಡಿದರೂ ಸುಮ್ಮನೆ ಅವು ಮುಂದಕ್ಕೆ ಹೋಗುತ್ತವೆ. ಆದರೆ, ಕೊಪ್ಪಳ ತಾಲೂಕಿನ ಹಳೆ ಬಂಡಿ ಹರ್ಲಾಪೂರ ಗ್ರಾಮದಲ್ಲಿ ಕೋಣವೊಂದು ಯಾರಾದರೂ ಬೈದಾಗ ಅಥವಾ ಬಡಿದಾಗ ಬೆನ್ನತ್ತುತ್ತಿದೆ. ತಪ್ಪಿಸಿಕೊಂಡು ಮನೆಯೊಳಗೆ ಓಡಿಹೋದರೂ ಇರಿಯುವುದಕ್ಕಾಗಿ ಬಿಟ್ಟೂಬಿಡದೆ ಅವರ ಮನೆ ಮುಂದೆ ದಿನವಿಡೀ ಕಾಯುತ್ತಿದೆ. ಹೀಗೆ, ಬಡಿದವರ ಬೆನ್ನು ಬೀಳುತ್ತಿರುವ ಗ್ರಾಮದ ಕಂಟೆಮ್ಮ ದುರ್ಗಾ ದೇವಿಯ ಹರಕೆಯ ಕೋಣದ ವರ್ತನೆ ಕಂಡು ಗ್ರಾಮಸ್ಥರು ಬೆಚ್ಚಿ ಬಿದ್ದಿದ್ದಾರೆ. ಕೋಣದಿಂದ ತಮಗೆ ಏನಾದರೂ ತೊಂದರೆಯಾಗಲಿದೆಯಾ? ಎಂದು ಗ್ರಾಮದ ಹಲವರು ಆತಂಕಕ್ಕೆ ಒಳಗಾಗಿದ್ದಾರೆ.

from India & World News in Kannada | VK Polls https://ift.tt/CGpKTeB