ಭರದಿಂದ ಸಾಗಿದೆ 63 ಕೋಟಿ ರೂ. ವೆಚ್ಚದ ಜಪದಕಟ್ಟೆ ಏತನೀರಾವರಿ ಕಾಮಗಾರಿ

ಕೃಷ್ಣರಾಜನಗರ ವಿಧಾನಸಭಾ ಕ್ಷೇತ್ರದಲ್ಲಿ ನೂರಾರು ಕೋಟಿ ರೂ.ವೆಚ್ಚದಲ್ಲಿ ಏತ ನೀರಾವರಿ ಯೋಜನೆಗಳು ಅನುಷ್ಠಾನಗೊಂಡಿದ್ದು, ಈ ಯೋಜನೆಗಳ ಪೈಕಿ ಮಹತ್ವಾಕಾಂಕ್ಷೆಯ 63 ಕೋಟಿ ರೂ. ಅಂದಾಜು ವೆಚ್ಚದ ಜಪದಕಟ್ಟೆ ಏತನೀರಾವರಿ ಕಾಮಗಾರಿ ಭರದಿಂದ ಸಾಗಿದೆ. ಕ್ಷೇತ್ರದ ಒಣಪ್ರದೇಶಗಳಲ್ಲಿನ ನೂರಾರು ಕೆರೆಕಟ್ಟೆಗಳನ್ನು ನದಿಯಿಂದ ಏತನೀರಾವರಿ ಮೂಲಕ ತುಂಬಿಸಿ ಬೇಸಿಗೆಯಲ್ಲಿ ಜನ-ಜಾನುವಾರುಗಳಿಗೆ ಕುಡಿಯುವ ನೀರು ಹಾಗು ಅಂತರ್ಜಲ ವೃದ್ಧಿಗಾಗಿ ರೂಪಿಸಿರುವ ಯೋಜನೆ ಇದಾಗಿದೆ. ಈ ಯೋಜನೆಯಿಂದ 92 ಕೆರೆಕಟ್ಟೆಗಳಿಗೆ ನೀರೊದಗಲಿದೆ. ಮುಂದಿನ ವರ್ಷದ ಜೂನ್‌ ವೇಳೆಗೆ ಕಾಮಗಾರಿ ಮುಗಿಯುವ ಸಾಧ್ಯತೆಯಿದೆ.

from India & World News in Kannada | VK Polls https://ift.tt/TivyYG2