ಬೆಂಗಳೂರು: 'ಗಬ್ಬರ್ ಸಿಂಗ್' ಖ್ಯಾತಿಯ ಭಾರತ ಕ್ರಿಕೆಟ್ ತಂಡದ ಎಡಗೈ ಆಕ್ರಮಣಕಾರಿ ಆರಂಭಿಕ ಬ್ಯಾಟ್ಸ್ಮನ್ , ಟ್ವೆಂಟಿ-20 ಕ್ರಿಕೆಟ್ನಲ್ಲಿ 7000 ರನ್ಗಳ ಮೈಲುಗಲ್ಲನ್ನು ತಲುಪಿದ್ದಾರೆ. ಈ ಮೂಲಕ ಭಾರತದ ಸ್ಟಾರ್ ಬ್ಯಾಟ್ಸ್ಮನ್ಗಳಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ಸುರೇಶ್ ರೈನಾ ಎಲೈಟ್ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ದ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಅಂತಿಮ ಟ್ವೆಂಟಿ-20 ಪಂದ್ಯದಲ್ಲಿ ಧವನ್ ಈ ಸ್ಮರಣೀಯ ಮೈಲುಗಲ್ಲನ್ನು ತಲುಪಿದ್ದಾರೆ. ಇದರೊಂದಿಗೆ ಟ್ವೆಂಟಿ-20 ಕ್ರಿಕೆಟ್ನಲ್ಲಿ 7000 ರನ್ ಗಳಿಸಿದ ಭಾರತದ ನಾಲ್ಕನೇ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ಉತ್ತಮ ಆರಂಭ ಪಡೆದರೂ ಅದನ್ನು ದೊಡ್ಡ ಮೊತ್ತವಾಗಿ ಪರಿವರ್ತಿಸಲು ಧವನ್ಗೆ ಸಾಧ್ಯವಾಗಿರಲಿಲ್ಲ. 25 ಎಸೆತಗಳನ್ನು ಎಸೆತಗಳನ್ನು ಎದುರಿಸಿರುವ ಧವನ್ ನಾಲ್ಕು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 36 ರನ್ ಗಳಿಸಿದ್ದರು. ಗಾಯದಿಂದಾಗಿ ಏಕದಿನ ವಿಶ್ವಕಪ್ನಿಂದ ಅರ್ಧದಿಂದಲೇ ತವರಿಗೆ ಮರಳಿದ್ದ ಧವನ್ ತದಾ ಬಳಿಕ ವೆಸ್ಟ್ಇಂಡೀಸ್ ಪ್ರವಾಸದಲ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ್ದರು. ಇದೀಗ ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲಿ ಉತ್ತಮ ಆರಂಭ ಪಡದರೂ ಅದರ ಲಾಭವೆತ್ತುವಲ್ಲಿ ವಿಫಲವಾಗಿದ್ದಾರೆ. ಮೊಹಾಲಿಯಲ್ಲಿ ನಡೆದ ದ್ವಿತೀಯ ಪಂದ್ಯದಲ್ಲೂ ನಾಯಕ ವಿರಾಟ್ ಕೊಹ್ಲಿ ಜತೆಗೆ ಗಮನಾರ್ಹ ಜತೆಯಾಟದಲ್ಲಿ ಭಾಗಿಯಾಗಿದ್ದ ಶಿಖರ್ ಧವನ್ 40 ರನ್ ಗಳಿಸಿದ್ದರು. ಅಂದ ಹಾಗೆ ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ವೆಸ್ಟ್ಇಂಡೀಸ್ನ ದೈತ್ಯ ಕ್ರಿಸ್ ಗೇಲ್ ಹೆಸರಲ್ಲಿದೆ. ಗೇಲ್ 391 ಪಂದ್ಯಗಳಲ್ಲಿ 38.86ರ ಸರಾಸರಿಯಲ್ಲಿ 13021 ರನ್ ಗಳಿಸಿದ್ದಾರೆ. ಇದರಲ್ಲಿ ದಾಖಲೆಯ 22 ಶತಕ ಹಾಗೂ 80 ಅರ್ಧಶತಗಳು ಸೇರಿವೆ. ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್ಮನ್ಗಳ ಪಟ್ಟಿ ಇಂತಿದೆ:
- ಕ್ರಿಸ್ ಗೇಲ್: 13021
- ಬ್ರೆಂಡನ್ ಮೆಕಲಮ್: 9922
- ಕೀರಾನ್ ಪೊಲಾರ್ಡ್: 9601
- ಶೋಯಿಬ್ ಮಲಿಕ್: 8851
- ಡೇವಿಡ್ ವಾರ್ನರ್: 8803
- ವಿರಾಟ್ ಕೊಹ್ಲಿ: 8556
- ಸುರೇಶ್ ರೈನಾ: 8312
- ರೋಹಿತ್ ಶರ್ಮಾ: 8312
- ಆ್ಯರೋನ್ ಫಿಂಚ್: 8233
- ಎಬಿಡಿ ವಿಲಿಯರ್ಸ್: 8186
- ಶೇನ್ ವಾಟ್ಸನ್: 8182
- ಡ್ವೇನ್ ಸ್ಮಿತ್: 7809
- ಎಲ್ಜಿ ರೈಟ್: 7587
- ಬಿಜೆ ಹಾಡ್ಜ್: 7406
- ಶಿಖರ್ ಧವನ್: 7032
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32SXZKO
